1 Ŋikor. 16:1 - Ebaibul

¹ Acamit tokona akirwor ŋakiro ŋuna etapito ŋuna a ŋisiliŋa a ŋulu erae tocunakinae kiŋaranakinere ŋituŋa ŋulu ka Akuj ŋulu eyakasi Yudeya. Itemokino iyes kitiyata ŋuna abu ayoŋ olimok ŋatukon ŋuna a Ŋikristo a ŋulu anakwap a Galatia.

1 Ŋikor. 16:1 Iomraidhean Croise

Ŋitic. 11:28

Tonyou epei alokidiŋ kec ŋolo anyaritae Agabo, todwar ka apedor a ŋina ke Etau a ŋolo Asegan atemar ebuni eron ŋolo apolon nakwap daadaŋ. Abu nai eron ŋol bu apaki ŋina araakar Klauda ekepukan a Roma.

Ŋitic. 11:30

Kitiyata ikes ŋun, kiyakiyasi Baranaba ka Saulo yaasi ŋisiliŋa, inakis ŋikatukok ŋulu ka atukot a Ŋikristo alo Yudeya.

Ŋitic. 16:6

Kirimosi ikes nakwapin ŋuna a Pirigia ka Galatia, kedau Etau ŋolo Asegan awoun ikes akisera ŋakiro ŋuna ka Akuj alo Asia.

Ŋitic. 18:23

Ani kedau iŋes apaki adio a nen, torotok tolot kirimo nakwapin ŋuna a Galatia ka Pirigia, kisimukek ŋikanupak daadaŋ.

Ŋitic. 24:17

“Ani kelunyar ŋikaru ŋidi, ŋulu amamukar ayoŋ anakwap akaŋ, abu oboŋu Yerusalem ayaun ŋakiŋaranakineta ka ŋainakineta lotuŋa kaŋ.

Ŋitic. 9:13

Toboŋok Anania tema, “Ekapolon, akalimonokis ayoŋ ŋituŋa ŋulu alalak ŋakiro ŋuna ke ekile a ŋol ŋuna aronok nooi, ŋuna etiya iŋes lokanupak kon alo Yerusalem.

Ŋitic. 9:41

Ya Petero akan, kitonyou iŋes. Tonyarau nai iŋes ŋikanupak ka ŋapuseru kipotok Tabisa eyari neni kec.

Ŋirom. 12:13

Tomora ŋiboro kus ka ŋikanupak ŋuluce ŋulu ekulyakaka ka toŋaununutu ŋituŋa ŋulugelae lorerya kus.

1 Ŋikor. 11:34

Ani kenyamit idiotuŋanan akoro, itemokino iŋes kimuj mono alore keŋ, ikotere nyikitubok Akuj iyes daadaŋ. Ŋuna etapito ŋakiro ŋunace, akalimokini ayoŋ iyes ŋuna kitiya apaki ŋina abunio ayoŋ neni kus.

1 Ŋikor. 16:15

Iyenete iyes Stepana ka ŋituŋa ŋulu ke ekal keŋ, erae ikes Ŋikristo ŋulu esyaunete akinup anakwap a ŋina ka Akaia ka ainakinosi akitiya etic aŋuna a ŋituŋa ka Akuj. Ekemaimai ayoŋ iyes ŋikaitotoi,

1 Ŋikor. 4:17

A ŋakiro a ŋun, eyakuunit ayoŋ neni kus Timoteo lokoku kaŋ ŋolo minat alotooma Kristo ka erae ŋolo ekinyomit ayoŋ. Ikitatamuni iŋes iyes ŋipitesyo ŋulu atupit ayoŋ anakiyar kaŋ anakimorikina ka Yesu Kristo ikwapei etatamya ayoŋ natukon daadaŋ ŋuna a Ŋikristo anakwapin.

Ŋigal. 1:2

Ayoŋ ka ŋikaitotoi daadaŋ ŋulu eyakasi ne, ikiyakuunit ŋimalasyo neni a ŋatukon a Ŋikristo anakwap a Galatia.

Ŋigal. 2:10

Ŋuna make apotu ikes tolimut ŋuna ka atemar itemokino isua totamunitetei ŋikulyak ŋulu anatukot kec, ibore ŋinipei sek ekeburit ayoŋ akitiya.

Pil. 1:5

Anerae apupi ayoŋ ŋuna ka amina ka anupit kon Ekapolon Yesu ka ŋituŋa ŋulu ka Akuj daadaŋ.

Pil. 1:7

Lokaato, aryamu ayoŋ alelyan ŋina alalan ka atitinyu aŋuna ka amina kon, anerae italaka iyoŋ ŋitai a ŋituŋa a ŋulu ka Akuj.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.

1 Yoa. 3:17

Nai ani keyakar ituŋanan ebari ŋolo ka akwap a na, ido kitee lokaato keŋ iitanit akiŋarakino, ido tojamak iŋes, ikokini nai amina ŋina ka Akuj iboi alotooma keŋ ai?