1 Ŋikor. 14:3 - Ebaibul

³ Nai ituŋanan ŋini edwari, irworo lotuŋa aŋuna ka akitogogoŋ, akisimukekin ka akimaima ikes.

1 Ŋikor. 14:3 Iomraidhean Croise

Luk. 3:18

Alorotin a ŋice a ŋulu alalak, abu Yoana kiserak Ŋakiro ŋuna Ajokak lotuŋa.

Ŋitic. 13:15

Ani kesyomi ekitaabo ŋolo a Ŋikisila a Moses ka ŋakigireta ŋuna a ŋikadwarak, kiyakikis ŋikapolokinitok esinagoga ikes akirot ebasi, “Ŋikaitotoi, ani keyai iyes akirot ŋina isimukekini ŋituŋa, tolimutu.”

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 15:32

Apotu Yuda ka Silas ikwapei araakatar ŋikadwarak, kisimukekis ŋikanupak a ŋakiro a ŋuna alalak, kitogogoŋo ikes.

Ŋitic. 4:36

Ayai daŋ ekile ŋolo anyaritae Yosepu ŋolo anateker a Lepi ŋolo edounitoe alo Kupuro. Anyarito Ŋikiyakia iŋes Baranaba (iŋes atemar “Ŋolo esimukekinan”)

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

Ŋirom. 12:8

Ani kerae akisimukekin ŋuluce, itemokino iwon esimukekisi. Ituŋanan daadaŋ ŋini ipotonori ka arimao neni a ŋuluce, itemokino kitiya ka alakara. Ituŋanan daadaŋ ŋini erae ekarikon, itemokino kitiya ka alelakinit.

Ŋirom. 14:19

Aŋun nai, itemokino iwon jwi jwi ekatakisi akitiya ŋuna eyaunete ekisil ka ŋuna ikiŋarakinete akitogogoŋo make.

Ŋirom. 15:2

Akilo, itemokino ŋinituŋanan aneni yok kitiya neni ke ekanupan ibore ŋini ajokan ŋini italakari iŋes, ikotere kitogogoŋ iŋes ananupit.

1 Ŋikor. 10:23

Ebookoi ebe, “Ikicamakinitae iwon akitiya ŋinibore daadaŋ”. Nai nyejokak ŋiboro daadaŋ, kire, “Ikicamakinitae iwon akitiya ŋinibore daadaŋ.” Nai nyikitogogoŋete ŋiboro daadaŋ.

1 Ŋikor. 14:12

Aŋun nai, ikwapei iitanitotor iyes aryamun ŋainakineta ŋuna ke Etau ka Akuj, akilo daadaŋ itemokino toyenut ŋainakineta ŋuna itogogoŋete atukot a Ŋikristo.

1 Ŋikor. 14:17

Tari kejok akilip kon ŋina ka alakara neni ka Akuj, nyepedori akitogogoŋ ituŋanan ŋinice.

1 Ŋikor. 14:26

Ŋikaitotoi kaŋ, apolou a ŋakiro a ŋuna erworo ayoŋ iŋes na: ani iryamiryamete akilip, epedori ipeituŋanan alimun eete, kitatam ice ŋakiro ŋuna ka Akuj, ice toyakar akitoodikinet aneni ka Akuj, ice toyakar akirot a ŋaŋajepa a ŋuna egelaaka, ka ice daŋ kisileereu ŋuna irworoe a ŋaŋajepa a ŋuna egelaaka. Nai itemokino ŋinibore torae ŋini itogogoŋi ŋikanupak.

1 Ŋikor. 14:31

Ipedorete iyes daadaŋ akisera ŋakiro ŋuna ka Akuj a ŋipeipei, ikotere eyenunete ŋituŋa daadaŋ ka kimukekis.

1 Ŋikor. 8:1

Egiri tokona ŋuna ikamunito ŋuna ipotu iyes kigira aŋuna a ŋamuja a ŋuna einanakinio erae amuronot nakujo ŋace. Iyookino kire atemar, “Ikiyakar iwon daadaŋ ayenut.” Isiturokini ayenut ituŋanan, nai amina iŋes itogogoŋi ituŋanan.

2 Ŋikor. 1:4

Ikiŋaranakini iŋes iwon alocan yok a daadaŋ, ikotere opedoryata akiŋarakin ŋuluce, ŋulu eyakatar ŋican kan akiŋarakinet ŋinapei abu Akuj ikiinak iwon.

2 Ŋikor. 2:7

Nai akilo, itemokino kisyonioto ka kimaimaa iŋes, ikotere nyesuro etau keŋ nooi, ido toluŋakin jik.

Ŋiep. 4:29

Nyirworosi ŋakiro ŋuna awanak, nai kirworos ŋuna eŋarakinak, ŋuna epedorete akiŋarakin ŋituŋa alotooma ŋuna iitanito ikes, ikotere yaut ŋarereŋisyo lotuŋa ŋulu ikipupete iyes.

Ŋiep. 6:22

Ŋakiro ŋun ikes eyakuunitor ayoŋ iŋes neni kus, alimokin iyes epite ŋolo iboiyere isua, ikotere nai ikisimukekis iyes ŋun.

Ŋikol. 4:8

Ŋakiro ŋun iŋes eyakuunitor ayoŋ iŋes neni kus, alimokin iyes epite ŋolo iboiyere isua, ikotere nai ikisimukekis iyes ŋun.

1 Ŋites. 2:11

Iyenete iyes epite ŋolo eŋarakinitere isua ŋinituŋanan alokidiŋ kus ikwa iŋarakinitor papa ŋidwe keŋ.

1 Ŋites. 2:3

Apaki ŋina ekatakinitere isua akitacamun iyes Ŋakiro ŋuna Ajokak, pa adyakaritae isua, kori pa erworoe ŋakiro ŋuna ka asiilyo ka daŋ pa arae ŋuna modikinet idiotuŋanan.

1 Ŋites. 3:2

aponi isua kiyakuunae Timoteo lokaato yok ŋolo ikitiyae ka isua aŋuna ka Akuj alotooma alimonokin Ŋakiro ŋuna Ajokak ŋuna a Kristo. Aponi isua kiyakuunae iŋes akitogogoŋ ka akisimukekin iyes ananupit kus,

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

1 Ŋites. 4:18

Aŋun nai, kisimukekinos make a ŋakiro a ŋun.

2 Ŋites. 3:12

Alokiro ke Ekapolon Yesu Kristo, icikakinitae ka elimokinitae isua ŋituŋa ŋulu ikote ŋul akitiya etic kec alopite a ŋolo ajokan, ikotere ikes kitiyaut a ŋakan kec ibore daadaŋ ŋini iitanito ikes aŋuna ka akiyar kec.

1 Tim. 1:4

Tolimok ikes tojoŋoto akitumoro aloemuto a ŋul ka anakimar ŋirorwa ŋulu alalak ŋulu atapapaa--ŋulu iatakinete ŋakiŋiseta ka ŋipegeta akilo akiyokit etic ŋolo ka Akuj ananupit.

1 Tim. 4:13

Kiwuak ŋatameta kon daadaŋ ka agogoŋu kon daadaŋ nasyomanakin ŋituŋa ŋakiro ŋuna ka Akuj, nalimonokin ka nakitatam akitodol ŋina abunio ayoŋ.

1 Tim. 6:2

Nyejok ŋipi ŋulu erae ŋikapolok kec Ŋikristo ejamuwarito ikes, aŋuna eraakatar ŋikepukak kec ŋikaitotoi alotooma Kristo. Nai akilo, itemokino ikes kitiyanakis ikes ejok nooi, anerae ŋulu itiyanakinio eraakasi ŋikanupak ŋuluminan.

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

Tito 1:9

Itemokino kiricite ejok akitatam ŋina ecamuna, ŋina ikinyoma ŋina a Ŋikristo. Alopite a ŋol epedori akisimukekin ŋuluce anakitatam a ŋin, a ŋina iyookino ka akitepeg ŋulu itepegito akitatam ŋin.

Tito 2:15

Kitatam ŋakiro ŋun; kisitiya apolou daadaŋ ŋina iyakar iyoŋ apaki ŋina isimukekinitor ka ŋina isiburaa ikes epupete ŋakiro ŋuna irworo iyoŋ. Nyicamak idio alokidiŋ kec ikimenit iyoŋ.

Tito 2:6

Ikwaŋinapei, kitatam ŋisorok toraakas ŋulu ecayete ŋatameta.

Tito 2:9

Kitatam ŋipi topupete ŋikapolok kec anakiro a daadaŋ, kitalakanarete ikes tomam apeganakin ikes,

Ŋibur. 10:25

Nyikipalik acunanakin iwapei ikwaŋina apalikiniata ŋice. Nai orubakisi ikisimukekina make, nooi anapaki a na a ŋina aapuunia Akoloŋit ŋina ke Ekapolon.

Ŋibur. 13:22

Ekemaimai ayoŋ iyes ŋikaitotoi kaŋ atemar topupokis alotooma akidaŋidaŋakinit ŋakiro nu ŋuna ka akitumunikin, anerae nyeoya abaruwa na ŋina ekegirak ayoŋ iyes.

Ŋibur. 3:13

Nai kiŋaranakinos iyes make ŋapakio daadaŋ eriŋa ikiya napaki ŋina enyaritae, “Nakoloŋit na,” ikotere nyemodik asecit idio kus kitininik ŋatameta.

1 Pet. 5:12

Silipano iŋes ekeŋarak ayoŋ akigir abaruwa ŋinauriyen na neni kus, ayeni ayoŋ atemar erae iŋes lokaato ŋolo ikinyoma. Acamit ayoŋ akisimukekin iyes ka akiteyenikin atemar erae ŋakiro ŋun ŋuna a kire ŋuna ka ajokis ka Akuj. Torubakisi jik anakirot a na!

Yud. 1:20

Nai iyes ŋikaitotoi ŋulu minan, torubakisi ipoloete ananupit a ŋina asegan akilo; torubakisi ilipeneneete alotooma Etau ŋolo Asegan.