1 Ŋikor. 14:2 - Ebaibul

² Anerae ituŋanan ŋini irworo ŋaŋajepa ŋuna egelaaka, nyirworo lotuŋa, nai irworo neni ka Akuj, anerae emam ituŋanan eyeni ŋakiro ŋuna irworo iŋes, nai irworo iŋes ŋakiro ŋuna imunono aŋuna ka apedor a ŋina ke Etau ka Akuj.

1 Ŋikor. 14:2 Iomraidhean Croise

Akisy. 11:7

Potu oloto kwap, enyala aŋajep kec, ikotere tojoŋoto apupo make.”

Akisy. 42:23

Apaki ŋin, pa ayenete ikes atemar apupi Yosepu ŋakiro ŋuna erworosi ikes, anerae ekobio erwor kec ka Yosepu.

2 Ŋirw. 18:26

Apotu Eliakim lokoku a Ilikia ka Sebina ta Yoa todyeka ekapolokiniton ejie a ŋasigarya ka Asiriya temasi, “Iyoŋ ikipolokinit isua. Ikilipit iyoŋ ikisirwor isua anaŋajep a ŋina ka Aramaik, anerae ikiyeni isua aŋajep ka Aramaik. Nyikisirwor isua a Ŋaburaniyae, anerae iirarete ŋituŋa ŋulu edukito ŋakais kec narwatata alotooma.”

Ŋikiru. 78:2

Erwori ayoŋ neni kus a ŋakitadapeta; alimori ayoŋ ŋakiro ŋuna ewuaitae ŋinapei koloŋ,

Mat. 13:11

Toboŋok Yesu ikes tema, “Ikiinakinitae iyes ayenut ŋuna imunono ŋuna ka Apukan a ŋina anakuj, nai nyeinakinitae ikes.

Mar. 16:17

Ŋakujuwuanisya ŋuna einakinio ŋikanupak akitiya ikes nu: iritanarete ikes ŋipyan alokiro kaŋ, epedorete erwor ŋaŋajepa ŋuna kitet;

Mar. 4:11

Toboŋok Yesu ikes tema, “Ikiinakinitae iyes ayenun ŋuna imunono ŋuna ka Apukan ka Akuj. Nai ŋituŋa ŋuluce itatamio a ŋakitadapeta,

Ŋitic. 10:46

Anerae apupete ikes ŋituŋa ŋul irworosi ŋaŋajepa ŋuna agelegelya ka ipurosi Akuj. Tolimu Petero tema,

Ŋitic. 19:6

Kidokok nai Paulo ŋakan keŋ neni kec, min Etau ŋolo Asegan neni kec; kirworikis ikes ŋaŋajepa ŋuna agelegelya, todwara ŋakiro ŋuna ka Akuj.

Ŋitic. 22:9

Toanyuwasi ŋikilyok ŋulu ikirukit ka ayoŋ akica, nai nyiirara ikes etoil a ŋolo erworo neni kaŋ.

Ŋirom. 16:25

Oinakisi akipuro neni ka Akuj! Epedori iŋes akiturubakin iyes inupito alopite a ŋolo a Ŋakiro a ŋuna Ajokak a ŋuna a Yesu Kristo, ŋuna etatami ayoŋ ka alopite a ŋolo ka akitoodikinet a ŋakiro a ŋuna koloŋ emunonitae.

1 Ŋikor. 12:10

Neni a ice einakini apedor ŋinakitiyaet ŋakujuwuanisya, neni a ice akidwar; neni a ice apedor ŋinayenunet ŋakiro ŋuna erae ŋuna ke Etau a ŋolo Asegan kori ŋuna nyerae. Einakini neni a ice apedor ŋina kirworet ŋaŋajepa ŋuna egelaaka, neni a ice einakini akisileereun ŋuna irworoe a ŋaŋajepa a ŋuna egelaaka.

1 Ŋikor. 12:28

Anatukot a Ŋikristo, adau Akuj akiwuakin ŋituŋa loticisyo kec: ŋulu esyaunak erae ŋikiyakia, ŋulu a ŋiarei erae ŋikadwarak, ŋulu a ŋiuni erae ŋiketatamak, totupakis ŋulu etiyak ŋakujuwuanisya ka nabo ŋulu einakinitae apedor akitaŋaleunun ŋidekesyo; ŋice akiŋarakin ŋuluce, ŋice apolokinit ŋuluce ka ŋice daŋ akirworo ŋaŋajepa ŋuna egelaaka ŋuna ke Etau.

1 Ŋikor. 13:1

Ani kerwor ayoŋ a ŋaŋajepa a ŋituŋa ka a ŋuna a ŋimalaikan daŋ, nai tomam amina aneni kaŋ, ikoni erwor kaŋ asuwat ŋina arwon kori ekadoŋodoŋot ŋolo ikilya.

1 Ŋikor. 13:2

Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin.

1 Ŋikor. 14:16

Nai ani ilakar iyoŋ neni ka Akuj ka aŋajep a ŋina ke Etau ka Akuj, ikokini nai ituŋanan ŋini emamukar ainakinet ŋin etemari “Amen” aŋuna ka akilip a ŋina ka alakar kon neni ka Akuj ai? Emam epite ŋolo epedorya iŋes ayenun ŋuna irworo iyoŋ.

1 Ŋikor. 14:26

Ŋikaitotoi kaŋ, apolou a ŋakiro a ŋuna erworo ayoŋ iŋes na: ani iryamiryamete akilip, epedori ipeituŋanan alimun eete, kitatam ice ŋakiro ŋuna ka Akuj, ice toyakar akitoodikinet aneni ka Akuj, ice toyakar akirot a ŋaŋajepa a ŋuna egelaaka, ka ice daŋ kisileereu ŋuna irworoe a ŋaŋajepa a ŋuna egelaaka. Nai itemokino ŋinibore torae ŋini itogogoŋi ŋikanupak.

1 Ŋikor. 15:51

Kiirasi ŋakiro ŋuna a kire ŋuna imunono nu: nyikitwaki iwon daadaŋ, nai ani eruuni arupepe ŋina esidyon, ikilocokinio iwon daadaŋ atipei, ikwa akirwapakinet ŋina ka akoŋu. Anerae ani eruuni arupepe, iteyarunio ŋikatwak, nyetwakete nabo jik; ka ikilocokinio iwon ŋulu ikiyari.

1 Ŋikor. 2:10

Nai adau Akuj akitoodikin isua ŋun alotooma Etau keŋ. Eripiripi Etau ŋakiro daadaŋ, tari ŋuna iwuaitae ŋuna ka Akuj.

1 Ŋikor. 2:7

Nai ikitatami isua iyes aosou ŋina ka Akuj ŋina imunono ŋina iwuaitae. Eriŋa tari akwap nyesubuna, keris Akuj ketyaku atemar itemokino iwon omora ka iŋes apolou keŋ.

Ŋiep. 6:19

Kilipanakinetei ayoŋ daŋ, ikotere okoinak Akuj akirot ŋina iyookino ayoŋ erwor; ikotere nai erwor emam akuryanu, ido etaanyu ŋituŋa akimunono ŋina a Ŋakiro a ŋuna Ajokak.

Ŋikis. 28:49

Eyauni Ekapolon ŋituŋa ŋulu ikitijikinete iyes ŋulu ka akwap a ŋina alwanan a ŋina eyai lokisal a akwap, eyauni Ekapolon ŋituŋa ŋulu nyipupete iyes aŋajep kec, iuwaun ikes neni kus lopite ŋolo iuwaunor egole kwap.

Ŋikol. 2:2

Etiyae ayoŋ ŋun, ikotere kimukekiniata iyes alotai kus ka kimorikinos anamina; ido nai toryamut ebari daadaŋ ŋolo eyauni ayenut ka toyenut ejok ŋakiro ŋuna imunono ŋuna ka Akuj, ŋuna erae Kristo elope.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

1 Tim. 3:9

Itemokino ikes kiricito akimunono ŋina ka anupit a ŋatameta a ŋuna ecayete.

Akis. 10:7

Nai, ani ekutakini emalaika ŋolo a ŋikanikaarei arupepe keŋ, irikakini Akuj ŋakiro ŋuna ka akimunono ŋuna elosikinit iŋes akitiya, ikwaŋinapei alimokinitor ŋikadwarak ŋulu erae ŋiketiyak keŋ.