1 Ŋikor. 14:1 - Ebaibul

¹ Itemokino toŋirikis aryamun amina. Kiitanito ŋainakineta ŋuna ke Etau a ŋolo Asegan, kiitana nooi ainakinet ŋina ka akidwar ŋakiro ŋuna ka Akuj.

1 Ŋikor. 14:1 Iomraidhean Croise

Ŋakit. 15:9

Erae ŋakiro ŋuna iwuapito ŋulu aronok asiilyo aneni a Ekapolon, nai emina Ekapolon ituŋanan ŋini iwuapit akiyookino.

Ŋakit. 21:21

Ituŋanan daadaŋ ŋini iwuapit ŋuna ka akiyookino ka arimao, iboi eyari ekaoyan ka itopolooryo.

Isa. 51:1

Iyes ŋulu iwarito akiyookino, topupokinae ayoŋ, iyes ŋulu iwarito Ekapolon, topupokinae ayoŋ. Totamutu ataaba ŋina ikityakunere iyes; totamutu neni ibesere ŋamoru neni ikibetunere iyes.

Ŋirom. 12:6

Aŋun, itemokino iwon esitiyaete ŋainakineta yok ŋuna egelegelya alopite a ŋolo ikiinakinitor Akuj iwon anajokis keŋ. Ani kerae ainakinet yok akidwar ŋakiro ŋuna ka Akuj, itemokino iwon odwara alopite a ŋolo ka anupit a ŋina ikiyakar.

Ŋirom. 14:19

Aŋun nai, itemokino iwon jwi jwi ekatakisi akitiya ŋuna eyaunete ekisil ka ŋuna ikiŋarakinete akitogogoŋo make.

Ŋirom. 9:30

Ikitemari nai tokona iwon ai? Ikote ne: pa ekatakinito ŋituŋa ŋulu nyerae Ŋiyudayan akituruwor ŋulu iyookino alokiŋaren Akuj, nai arae Akuj abu kituruwo ikes ŋulu iyookino alokiŋaren keŋ, anerae apotu ikes tonupa Akuj.

1 Ŋikor. 12:1

Ŋakiro ŋuna etapito ŋainakineta ŋuna eponito aneni ke Etau a ŋolo Asegan: tokona, acamit ayoŋ iyes ŋikaitotoi kaŋ toyenut ŋakiro ŋuna a kire ŋuna etapito ŋakiro ŋun.

1 Ŋikor. 12:31

Kiitana nooi ŋainakineta ŋuna apolok akilo. Eketoodikini nai ayoŋ iyes erot ece ŋolo ajokan nooi adepar.

1 Ŋikor. 13:13

Eriŋa nai nu ŋunauni eroparito: anupit, akigeno ka amina, nai ŋina iloit ŋun daadaŋ iŋes amina.

1 Ŋikor. 13:2

Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin.

1 Ŋikor. 14:22

Aŋun nai, ainakinet ŋina kirworet ŋaŋajepa ŋuna egelaaka erae akitoodikinet aneni a ŋulu nyenupito Kristo, meere neni a ŋulu enupito. Ainakinet ŋina ka akidwar erae akitoodikinet neni a ŋulu enupito, meere neni a ŋulu nyenupito Kristo.

1 Ŋikor. 14:37

Ani ketami ituŋanan atemar erae iŋes ekadwaran ŋolo ka Akuj kori ipukat Etau ka Akuj iŋes, itemokino toyenu atemar ŋakiro ŋuna egir ayoŋ tokona neni kus erae akiciket aneni ke Ekapolon.

1 Ŋikor. 14:39

Aŋun nai ŋikaitotoi kaŋ, kiitana nooi akidwar ŋakiro ŋuna ka Akuj. Nyiretakis idiotuŋanan akirwor ŋaŋajepa ŋuna egelaaka,

1 Ŋikor. 16:14

Ŋuna daadaŋ itiyaete iyes, kitiyata anamina.

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

1 Ŋites. 5:20

nyijamuwanarete ŋakiro ŋuna edwaritae.

1 Tim. 4:14

Nyijamak ainakinet ŋina ke Etau a ŋolo ka Akuj ŋina eyai neni kon, ŋina aponi ikiinakin iyoŋ apaki ŋina erworotor ŋikadwarak, ido kidokok atukot a ŋikatukok ŋakan kec nakou kon.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.

1 Tim. 6:11

Nai iyoŋ ŋolo ka Akuj, toŋer ŋakiro ŋun daadaŋ. Toŋirik ka agogoŋu akiyookino, akiyar ŋina ecamit Akuj, anupit, amina, atitinyikinit ka akiyapara.

2 Tim. 2:22

Toŋer ekibure ŋolo itemi ŋisorok akisec, toŋirik ka agogoŋu aruwor ŋolo iyookino, ŋolo inupit, ŋolo imina ka ŋolo isilito kaapei ka ŋulu ilipete neni ke Ekapolon a ŋitai a ŋulu asegak.

Ŋibur. 12:14

Toŋirikisi akisil ka ŋinituŋanan daadaŋ ka toŋirikisi akiboi anakiyar a ŋina Asegan, anerae emam ituŋanan eanyuwari Ekapolon emam ŋun.

2 Pet. 1:7

loyare ŋolo ecamit Akuj, kiyatakisi amina ŋina ke ekaitotoonu ka namina kus ŋina ke ekaitotoonu, kiyatakisi amina.

3 Yoa. 1:11

Ekaakone ŋolo minat, nyiroku ŋuna aronok, nai toroku ŋuna ajokak. Ituŋanan ŋini itiyae ŋuna ajokak, erae ŋini ka Akuj, ituŋanan ŋini itiyae ŋuna aronok, nyeanyuna iŋes Akuj.

1 Sam. 10:5

Kilunyar a nen, idoli iyoŋ Gibeas-Eloim, nakibois ŋina elomito ŋasigarya a Ŋipilistin. Ani idoli iyoŋ nen ilomari lotaun, iryamasi ka atukot a ŋikadwarak etiyaun anakibois a ŋinamukur etiŋito: Aduŋgu, ebur ka apilu ta agita, idoŋaete. Iryamuni iyoŋ ŋikadwarak edwarete.