1 Ŋikor. 13:7 - Ebaibul

⁷ Idaŋidaŋi amina ŋakiro daadaŋ, enupit ŋakiro daadaŋ, igeno ka etitinyikinit ŋinibore daadaŋ.

1 Ŋikor. 13:7 Iomraidhean Croise

Akisy. 29:20

Aŋun, abu Yakob kitiya neni Laban ŋikaru ŋikanikaarei aŋuna a Rakel, nai aneni a Yakob, asibito ŋikaru ŋul ŋirwa ŋidikudyo, anerae amina Yakob Rakel.

Yob 13:15

Kiirasi akaari ayoŋ Akuj; mam akigeno ayakar ayoŋ, nai alimori ayoŋ alokiŋaren keŋ epite ŋolo etiyator ayoŋ emam asecit.

Ŋikiru. 119:66

Kitatamae ayoŋ akitub ŋakiro ejok ka aosou, anerae anupit ayoŋ ŋakiciketa kon.

Ŋakit. 10:12

Iasete ŋiman ŋican, nai erapuwarit amina ŋasecisya daadaŋ.

Mat. 10:22

Ikitoroniyarete ŋituŋa iyes aŋuna ke ekiro kaŋ, nai ŋini etitinyikini akitodol nasalunet, eiunio.

Mar. 9:23

Tema Yesu neni keŋ, “Ani kipedori a! Epedorosi ŋiboro daadaŋ aneni a ŋini enupit.”

Ŋirom. 15:1

Itemokino iwon ŋulu ikigogoŋ ananupit eŋaranakinete ŋulu epalag, egaŋakisi ikes anatyokisyo kec. Nyitemokino iwon ikitiyae ŋuna ikitalakarete iwon make.

Ŋirom. 8:24

Anerae arae aŋuna ka akigeno a na aponere ikiiun iwon; nai ani kikiŋolik iwon ŋuna ikigeno iŋes atemar meere ŋin akigeno. Anerae ani kite ituŋanan ibore, kan nyo nabo igenor iŋes?

1 Ŋikor. 13:4

Etitiny amina ka erimaana; nyerakaana amina kori nyitojoka bon kori nyiturono.

1 Ŋikor. 9:12

Ani nai keyakatar ŋulucetuŋa apedor ŋina ryamunet ŋiboro ŋul aneni kus, nyikiyakar nai isua apedor ŋina apolon akilo ikes a? Tari kikote neni, nyisitiya isua apedor ŋin; nai ikititinyik isua ŋican daadaŋ, ikotere nyitukuruwor alimonokin ŋina a Ŋakiro a ŋuna Ajokak a ŋuna a Kristo.

Ŋigal. 6:2

Kiŋaranakinos make anatyokisyo kus, ido alopite a ŋol, iwuapete iyes ekisil ŋolo a Kristo.

Ŋikis. 1:9

Kirwor nabo Moses tema, “Apaki ŋin, abu ayoŋ okolimok iyes otema, ‘Nyapedorit ayoŋ bon akidaŋidaŋ ŋakiro kus.

Ŋikis. 22:27

Ikwapei aryamunia ekile ŋol iŋes anariet, acepaki kebu apese ŋin kiworou ikotere eiunio, nai amam ituŋanan a nen ŋini apedori aiun iŋes.

2 Ŋites. 1:4

Ŋakiro ŋun ikes ikiturore isua iyes anatukon a Ŋikristo aŋuna ka Akuj. Ikituro isua aŋuna kus, anerae irubakinito iyes iŋirikinito ka inupito tari anapakio a daadaŋ a ŋuna ka akisicanio ka alocan a ŋulu iryamunito iyes.

2 Tim. 2:24

Nyitemokino eketiyan ŋolo ke Ekapolon iburae. Itemokino iŋes erae ŋolo iyapara aneni a ŋituŋa a daadaŋ, ŋolo epedori akitatam ejok ka ŋolo edaŋana.

2 Tim. 3:11

ŋakisicaneta ŋuna aryamunit ayoŋ ka ŋican kaŋ. Iyeni iyoŋ daadaŋ ŋuna apotu totakanut neni kaŋ alo Antiokio ka alo Ikonio ta alo Listra, ŋakisicaneta ŋuna aronok nooi ŋuna edaŋidaŋi ayoŋ! Nai abu Ekapolon okoiu ayoŋ aneni kec a daadaŋ.

2 Tim. 4:5

Nai aneni kon, itemokino torae ŋolo ipakit anakiro a daadaŋ, kidaŋidaŋi ŋican, kitiya etic ŋolo ke ekalimonokinan a Ŋakiro a ŋuna Ajokak ka kitiya etic kon daadaŋ irae eketiyan ŋolo ka Akuj.

Ŋibur. 13:13

Aŋun, itemokino iwon oloto kiŋa neni keŋ, nakibois ŋina nyiboiyoto ŋituŋa, ido omora ŋileec ŋulu abu iŋes toryamu.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Pet. 4:8

Akilo ŋun daadaŋ, tominanaros make nooi, anerae erapuwarit amina ŋasecisya ŋuna alalak.