1 Ŋikor. 13:5 - Ebaibul

⁵ Nyitiyae amina ŋipitesyo ŋulu aronok ka emam emwane aneni keŋ; nyeŋoyenene amina atipei. Nyidyasi amina ŋakiro ŋuna aronok.

1 Ŋikor. 13:5 Iomraidhean Croise

2 Sam. 10:3

kiŋita ŋikapolok a Ŋiamoni Anun ekapolon kec temasi, “Itami kire iyoŋ atemar itopoloorit Daudi papa kon aŋuna eyakuunia ŋituŋa alimokin iyoŋ akiyaloloŋ keŋ aŋuna apapa kon a? Meere mono aripirip iyakuunitor Daudi ŋituŋa, ikotere erosete ejok, ido kikamasi akwap a?”

Yob 21:27

“Okoe, ayeni ayoŋ ŋuna itamete iyes, ayeni ayoŋ ŋuna aronok ŋuna iyeete iyes akitiya neni kaŋ.

Ŋakit. 14:17

Ituŋanan ŋini epatana akiŋo, itiyae ŋakiro alotooma abaŋao, ido eye ituŋanan ŋini aronon ŋiman.

Isa. 3:5

Iteryamun ŋituŋa make ŋican, imanakin ŋituŋa make, imanakin ŋikidunyet make, eremokin ŋisorok ŋikasikou ka nyitopoloorete ŋituŋa ŋulucaryo ŋikapolok kec.

Yer. 11:19

Nai ikikwaan ayoŋ ka ikale ŋinimesek ŋini epatana erikoryo akiŋol. Pa ayeni ayoŋ atemar ekemanitae ayoŋ, pa ayeni ayoŋ atemar ayeete ikes ŋakiro kec ebasi, ‘Omunaasi ekitoe ka ŋaraito keŋ, olemasi iŋes anakwap a ŋituŋa a ŋulu eyarete, ikotere tojoŋoi atamunit ekiro keŋ.’

Ekim. 12:3

Arae Moses ituŋanan ŋini etiditeuna bon nooi akilo ŋituŋa daadaŋ anakwap.

Ekim. 16:15

Abu nai Moses toŋo nooi, ido tema neni ke Ekapolon, “Nyicamu ŋainakineta kec. Mam nyeyaa ayoŋ aneni kec tari ŋolo arae esigirya epei daŋ ka nyewana ayoŋ idio alokidiŋ kec.”

Ekim. 32:6

Nai tolimok Moses ŋituŋa a ekabila a Gad ka ŋulu a ekabila a Ruben tema, “Kaanukiro idoŋioto iyes ne tolosete bo lojie?

Mat. 5:22

Nai tokona akalimokini ayoŋ iyes atemar, ituŋanan ŋini eŋoikini lokaato keŋ, itemokino isitakinio anatukot. Nai ŋini iyanyi lokaato keŋ, itemokino yaunae loikiiko ka ŋini etemari ŋinice, ‘Ibaŋaana iyoŋ,’ itemokino tocakakinae tooma nakim ŋina nyeduŋe.

Mat. 9:4

Nai ikwapei ayenia Yesu ŋuna atamete ikes, tolimok ikes tema, “Kaanukiro itamyata iyes ŋuna aronok alotai kus?

Mar. 3:5

Kitek Yesu ikes daadaŋ eŋoit, kitiilito daŋ aŋuna ka aniniku a ŋakecetameta. Tolimok nai ekaŋwalan tema, “Toriyo akonikan.” Toriyo iŋes, toŋaleu akeekan.

Luk. 7:39

Ani iŋolikini Eparisayot ŋolo anyarit Yesu nakimuj ŋakiro ŋun, abu totamak bon tema, “Kerae kire torae ekile lo ekadwaran, keyeni atemar aniberu na ŋina etapit iŋes na; nabo keyeni atemar erae iŋes akasecan!”

1 Ŋikor. 10:24

Nyitemokino idiotuŋanan atamuna bon, nai itemokino totamunite ŋulucetuŋa.

1 Ŋikor. 10:33

Kiboiyoto lopite ŋolopei eboiyo ayoŋ; ekatakinit ayoŋ akitalakar ŋituŋa daadaŋ alopitesyo a daadaŋ, nyatami ŋuna kaŋ bon, nai atami aŋuna a ŋituŋa a daadaŋ, ikotere toiunos ikes daadaŋ.

1 Ŋikor. 11:18

Ŋuna esyaunak, eira ayoŋ atemar ŋina iryamiryamyata iyes ikwapei atukot a ŋikanupak, eyai atyakatyaka kidiŋ kus; aneni kaŋ, esibit ŋakiro ŋun ŋuna a kire.

1 Ŋikor. 12:25

Aŋun, emam atyakatyaka eyai nakuwan, nai ŋinerin daadaŋ emitakina make.

1 Ŋikor. 7:36

Ani keyai ekile ŋolo etami atemar nyejokak ŋipitesyo keŋ alotooma aŋayaŋayat akiit apese ŋina iikina ka iŋes ka ani kegogoŋ ekibure keŋ, itemokino ikes kiitas ikwa ecamitor iŋes. Nyesecit iŋes.

2 Ŋikor. 5:19

Akuj iŋes abu kimorikinos ka akwap alotooma Kristo, nyimari iŋes ŋasecisya a ŋituŋa aŋuna ka akisicania ikes. Ikicikak iŋes isua etic ŋolo ka akimoryanakin.

Ŋigal. 5:13

Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.

Ŋipil. 2:21

Anerae emitakinit ŋinituŋanan ŋakiro keŋ a ilope, nyemitakinit ŋuna a Yesu Kristo.

Ŋipil. 4:8

Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.

2 Ŋites. 3:7

Iyenete iyes ŋilopeyek epite ŋolo eboiyere isua alokidiŋ kus; itemokino epite ŋol toruwor akitaanyikinet aneni kus. Pa ikikalanyaka isua apaki ŋina ikirukitor iwon.

2 Tim. 2:10

Edaŋidaŋi ayoŋ ŋun daadaŋ aŋuna a ŋituŋa a ŋulu aseu Akuj, ikotere ikes daŋ eryamunete aiuno ŋina ebuni aneni a Yesu Kristo ka ŋina eyauni ajakaanut ŋina nyedaun.

2 Tim. 4:16

Emam ituŋanan abu okoik ayoŋ apaki ŋina ke ekiŋaren ŋina erworor ayoŋ aŋuna kaŋ aloikiiko; apotu daadaŋ okoesikis ayoŋ. Elipit Akuj nyimarak ŋun erae asecit aneni kec!

Yak. 1:19

Ŋikaitotoi kaŋ ŋuluminan, toyenutu ŋakiro nu! Itemokino ŋinituŋanan kikirikira apupokin, nai tosae akirworikin ka nyeŋoyenene atipei.