1 Ŋikor. 13:4 - Ebaibul

⁴ Etitiny amina ka erimaana; nyerakaana amina kori nyitojoka bon kori nyiturono.

1 Ŋikor. 13:4 Iomraidhean Croise

Akisy. 30:1

Ani eanyuni Rakel atemar emam ŋidwe edoe iŋes aŋuna a Yakob, torakaanik nakaato keŋ; tolimok Yakob tema, “Kiteryamunae ayoŋ ŋidwe, ani kemam atwani ayoŋ!”

Akisy. 37:11

Aŋun, apotu ŋikaitotoi a Yosepu torakaanikis Yosepu, nai abu papa keŋ kiric ŋakiro ŋun alotau keŋ.

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Ŋikiru. 10:5

Eryamununeete ikes ibore ŋini ecamito ŋapakio daadaŋ, nyemisito ikes ŋikisila kon; ejamuwarito ikes ŋimoe kec daadaŋ.

Ŋakit. 10:12

Iasete ŋiman ŋican, nai erapuwarit amina ŋasecisya daadaŋ.

Ŋakit. 13:10

Nakituro iŋes elomunitotor ŋiburasyo, nai eryamun aosou aneni a ŋulu ecamunete ŋuna ebookoi kitiyata.

Ŋakit. 17:14

Ikoni akisyakin ebura apunor ŋakipi anamatata, aŋun, tojoŋo erwor eriŋa nyiburakina.

Ŋakit. 17:9

Ituŋanan ŋini isyoni ŋinice anakiro a ŋuna abu todyeka, itopoloe ituŋanan ŋin aminanar, nai ituŋanan ŋini erubakini jik isiburae ŋinice elimununui ŋakiro ŋuna alunyar, eauni ituŋanan ŋin, atyaka iŋes ka ŋirukitos keŋ.

Ŋakit. 19:22

Ibore ŋini iitana aneni a ituŋanan iŋes amina, ido ejok araakau ikulyakit akilo araakau ikalyokonon.

Ŋakit. 31:20

Einanakini ŋiboro keŋ neni a ŋikulyak, iŋaranakini ŋulu iitanito akiŋarakino.

Ŋakit. 31:26

Irworo iŋes ŋakiro ŋuna ka aosou, itatami iŋes ŋakiro ŋuna ka arimao.

Ekal. 10:4

Ani kikitoŋo iyoŋ ekapolon kon, nyiesik etic ŋolo ikipolokinitor iŋes iyoŋ, anerae isyonio ŋinadyakaret daadaŋ erae pa kededeŋiar ituŋanan.

Mat. 27:18

Anerae ayeni iŋes atemar arikunito ikes Yesu neni keŋ aŋuna ka arakaanut kec.

Ŋitic. 7:9

“Torakaakyata atapapaa yok, togyelasi Yosepu Ijipit aruwor epito. Nai arukito Akuj ka Yosepu,

Ŋirom. 1:29

Ileleba neni kec ŋakiro ŋuna nyiyookino--aronis, akiŋobel ka ediŋet; ileleba arakao, akiar, ebura, amodiyo, ŋinyas ka asyoma.

Ŋirom. 13:13

Eboiyoto ejok ikwa ŋituŋa ŋulu eya nakica ŋina ka apaaran; olemasi adakanu kori emeret, olemasi amalao kori akiŋobel, olemasi ejiye kori arakao.

1 Ŋikor. 3:3

anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a?

1 Ŋikor. 4:18

Eturokinosi ŋice alokidiŋ kus, anerae etamete ikes atemar kori nyabuni ayoŋ aanyun iyes.

1 Ŋikor. 4:6

Aŋuna kus, ŋikaitotoi, adau ayoŋ akirwor ŋakiro ŋun daadaŋ esitiyae Apolo ka ayoŋ erae akitaanyikinet. Etiya ayoŋ ŋun, ikotere toyenut aneni kosi apolou ŋina ka alimunet a ŋina ebala, “Totupa Ŋikisila ŋulu a kire.” Nyitemokino idio aneni kus iturokina aŋuna a ituŋanan a ipei, ido tojamuwa ŋinice.

1 Ŋikor. 5:2

Kaanukiro nai iturotor iyes? Kitemokino iyes kiyaloloŋete, nabo kitemokino ituŋanan ŋini itiyae ŋakiro ŋun, totyakarae anatukot kus.

1 Ŋikor. 8:1

Egiri tokona ŋuna ikamunito ŋuna ipotu iyes kigira aŋuna a ŋamuja a ŋuna einanakinio erae amuronot nakujo ŋace. Iyookino kire atemar, “Ikiyakar iwon daadaŋ ayenut.” Isiturokini ayenut ituŋanan, nai amina iŋes itogogoŋi ituŋanan.

2 Ŋikor. 12:20

Akabulit ayoŋ atemar ŋina adolunio ayoŋ inaa, akaryamuni iyes igelaaka, pa ikote neni acamit ayoŋ iyes kikote ka ayoŋ daŋ pa ekoni neni icamito iyes ayoŋ ekoni. Akabulit ayoŋ atemar aryamuni aneni kus ebura, arakao, anyunyura, emwane, ŋiyany ka akirworor ŋuluce, akituro ka atyakatyaka.

2 Ŋikor. 6:6

Aŋuna ka asegis alotai kosi, anayenut, anatitinyikinit ka anarimao, ikitoodiun isua ikirae ŋiketiyak ŋulu ka Akuj alotooma Etau ŋolo Asegan, ka anamina kosi a ŋina a kire

Ŋigal. 5:26

Nyitemokino eturokinos kori obenyununos make kori erakanaros make aŋuna a ŋuluce.

Ŋiep. 4:2

Itemokino iyes kitiditeuna, kiyapara ka totitiny. Kitoodiutu amina kus alotooma adaŋa make.

Ŋiep. 4:32

Akilo, toruworos ŋulu irimaaka ka ŋulu iyapara alotai, kisyonios make ikwapei adaunia Akuj akisyon iyes alotooma Kristo.

Ŋipil. 1:15

Kire, elimonokinete ŋice ŋakiro a Kristo anarakao ka anakiloiloa, nai elimonokinete ŋice alotai a ŋulu ajokak.

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Ŋikol. 3:12

Ikwapei tokona iraakatar iyes ŋituŋa ŋulu ka Akuj, ŋulu ikiseu ka ŋulu emina iŋes, itemokino nai iyes kitoodiut akisyon, arimao, akitiditeuna, akiyapara ka atitinyikinit.

1 Ŋites. 5:14

Ikimaimai isua iyes ŋikaitotoi, kisirworiut ŋituŋa ŋulu ekalanyaka, kisimukekisi ŋulu ekuryaka, kiŋarakisi ŋulu epalag, todaŋa ŋituŋa daadaŋ.

1 Tim. 6:4

erae iŋes ŋini elal akituro ka emam ibore eyeni. Eyakar iŋes ekibure ŋolo aronon ŋolo ka apega ka ŋolo kiburaet, ido eyaunete ŋun: arakao, ŋiburasyo, akiyany ŋuluce ka atamakinit ŋakiro ŋuna aronok neni a ŋuluce,

2 Tim. 2:25

Itemokino iŋes erae ŋolo epatana apaki ŋina itatamya ŋulu itepegete iŋes, anerae acepaki einakini Akuj ikes apaki ŋina kiet ŋasecisya kec, ido toyenut ŋuna a kire.

2 Tim. 3:10

Nai ŋuna ikikamunito iyoŋ, idau akiwuap akitatam kaŋ, ŋipitesyo kaŋ ka ŋuna alosikinit ayoŋ anakiyar; idau iyoŋ akiwuap anupit kaŋ, atitinyikinit kaŋ, amina kaŋ, akidaŋidaŋ kaŋ,

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Yak. 4:5

Nyitamete atemar kori nyiyookino ŋakiro ŋuna igiritae Nakigireta ebe, “Ecamit Akuj ikotere iŋes bon etau ŋolo abu kiwuak tooma yok.”

1 Pet. 2:1

Toesikisi aronis daadaŋ; tojoŋoto alyokonu, ŋisoswae, ka arakao ta ŋakiro a ŋiyany daadaŋ.

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

1 Pet. 4:8

Akilo ŋun daadaŋ, tominanaros make nooi, anerae erapuwarit amina ŋasecisya ŋuna alalak.

2 Pet. 1:7

loyare ŋolo ecamit Akuj, kiyatakisi amina ŋina ke ekaitotoonu ka namina kus ŋina ke ekaitotoonu, kiyatakisi amina.

1 Yoa. 4:11

Ŋikaakonei ŋuluminan, ikwaŋina abunio Akuj ikiminakinia iwon ikoŋina, itemokino iwon daŋ ominin make.