1 Ŋikor. 13:2 - Ebaibul

² Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin.

1 Ŋikor. 13:2 Iomraidhean Croise

Mat. 13:11

Toboŋok Yesu ikes tema, “Ikiinakinitae iyes ayenut ŋuna imunono ŋuna ka Apukan a ŋina anakuj, nai nyeinakinitae ikes.

Mat. 17:20

Toboŋok Yesu ikes tema, “Anerae edit anupit kus. Akalimokini ayoŋ iyes kire atemar, ani iyakatar iyes anupit ŋina edit ikwa icokit ŋini ikoni ŋini ke ebobore, ilimokinete tari emoru lo atemar, ‘Kiyoto a ne, tolot ama,’ iyotori; ka emam ibore ŋini ikipiyori iyes akitiyakin. [

Mat. 21:19

Ani iŋolikini iŋes ebobore anawae, tolot neni keŋ, nai nyeryamu idiobore, mati ŋakwii bon. Tolimok iŋes ekitoe tema, “Nyiraii nabo iyoŋ jik.” Toono ebobore atipei.

Mat. 21:21

Toboŋok Yesu ikes tema, “Akalimokini ayoŋ iyes kire atemar, ani iyakatar iyes anupit ka nyiŋayaŋayato, itiyaete iyes ŋuna etiyak ayoŋ lobobore. Meere ŋuna bon, ilimokinete tari emoru lo atemar ‘Kiyoto a ne, kimasar nanam,’ itiyakinio.

Ŋitic. 13:1

Ayakasi ŋikadwarak ka ŋiketatamak neni a Ŋikristo a ŋulu alo Antiokio. Araakasi ikes Baranaba ka Simeon ŋolo arae Niger (iŋes atemar ŋolokiryonon), Lukio ŋolo abunit alo Kurene, Manaen ŋolo kepolounete kaapei ka erwosit Erode ta Saulo.

Ŋirom. 11:25

Ŋikaitotoi kaŋ, eya ŋakiro ŋuna a kire ŋuna ka akimunono ŋuna acamit ayoŋ iyes toyenut. Ikitojoŋoe nen iyes akitam atemar kori iosok iyes. Ikote ŋakiro ne: nyerae akisyaanua Ŋisirael a ŋice ŋinaruba, nai edaun anapaki a ŋina ecamuniata daadaŋ ŋulu eseunitae aneni a ŋulu nyerae Ŋiyudayan ŋakiro ka Akuj.

Ŋirom. 15:14

Ŋikaitotoi kaŋ: ayeni ayoŋ elope atemar ileleba ajokis neni kus ka daŋ ileleba aosou neni kus, ido ipedorete akitatama make.

Ŋirom. 16:25

Oinakisi akipuro neni ka Akuj! Epedori iŋes akiturubakin iyes inupito alopite a ŋolo a Ŋakiro a ŋuna Ajokak a ŋuna a Yesu Kristo, ŋuna etatami ayoŋ ka alopite a ŋolo ka akitoodikinet a ŋakiro a ŋuna koloŋ emunonitae.

1 Ŋikor. 11:4

Ekile daadaŋ ŋolo ilipi kori edwari kimukite akou, nyitopoloorit Kristo.

1 Ŋikor. 12:28

Anatukot a Ŋikristo, adau Akuj akiwuakin ŋituŋa loticisyo kec: ŋulu esyaunak erae ŋikiyakia, ŋulu a ŋiarei erae ŋikadwarak, ŋulu a ŋiuni erae ŋiketatamak, totupakis ŋulu etiyak ŋakujuwuanisya ka nabo ŋulu einakinitae apedor akitaŋaleunun ŋidekesyo; ŋice akiŋarakin ŋuluce, ŋice apolokinit ŋuluce ka ŋice daŋ akirworo ŋaŋajepa ŋuna egelaaka ŋuna ke Etau.

1 Ŋikor. 13:1

Ani kerwor ayoŋ a ŋaŋajepa a ŋituŋa ka a ŋuna a ŋimalaikan daŋ, nai tomam amina aneni kaŋ, ikoni erwor kaŋ asuwat ŋina arwon kori ekadoŋodoŋot ŋolo ikilya.

1 Ŋikor. 13:3

Ani kakorak ayoŋ ŋiboro kaŋ lokulyak, ojalak daŋ ŋituŋa kicunya akuwan kaŋ, nai tomam amina aneni kaŋ, emam ibore aryamuni.

1 Ŋikor. 13:8

Erae amina ŋina a jik. Eyakasi ŋakiro ŋuna edwaritae, nai erae ŋuna ka adiouriyen; eyakasi ŋainakineta ŋuna kirworet ŋaŋajepa ŋuna egelaaka, nai elunyarosi; eyai ayenut, nai esaluni.

1 Ŋikor. 14:29

Itemokino ŋituŋa ŋiarei kori ŋiuni ŋulu einakinit Akuj ŋakiro keŋ, kirworikis, totamatamaete ŋuluce ŋakiro ŋun.

1 Ŋikor. 14:39

Aŋun nai ŋikaitotoi kaŋ, kiitana nooi akidwar ŋakiro ŋuna ka Akuj. Nyiretakis idiotuŋanan akirwor ŋaŋajepa ŋuna egelaaka,

1 Ŋikor. 14:4

Ituŋanan ŋini irworo ŋaŋajepa ŋuna egelaaka itogogoŋo iŋes bon, nai ituŋanan ŋini edwari, itogogoŋi iŋes atukot a Ŋikristo.

1 Ŋikor. 15:51

Kiirasi ŋakiro ŋuna a kire ŋuna imunono nu: nyikitwaki iwon daadaŋ, nai ani eruuni arupepe ŋina esidyon, ikilocokinio iwon daadaŋ atipei, ikwa akirwapakinet ŋina ka akoŋu. Anerae ani eruuni arupepe, iteyarunio ŋikatwak, nyetwakete nabo jik; ka ikilocokinio iwon ŋulu ikiyari.

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!

1 Ŋikor. 4:1

Itemokino iyes toyenete atemar ikirae isua ŋiketiyak ŋulu a Kristo, ŋulu adau Akuj ainakin apolokin etic ŋolo ka akisera ŋakiro ŋuna a kire ŋuna imunono.

1 Ŋikor. 7:19

Tari kileŋeritae ituŋanan kori kemam, erae ŋun ŋakoŋinae aneni ka Akuj, nai akiwuap Ŋikisila ŋulu ka Akuj iŋes epol.

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

2 Ŋikor. 12:11

Etiyae ayoŋ ikwa ebaŋaanot! Ipotu iyes itoreikis ayoŋ akitiya ŋun. Etemokino torae iyes ikitojokito ayoŋ. Tari karae ayoŋ ecaryoit, nyekeloito jik ayoŋ ŋituŋa ŋul ŋulu ebookoi iyes “Ŋikiyakia ŋulu apolok nooi”.

Ŋigal. 5:16

Ŋakiro ŋuna erworo ayoŋ ikes nu: kimyekisi Etau ŋolo ka Akuj kipuka akiyar kus, nyikipuka nai iyes ekibure ŋolo ka aseconu a ituŋanan.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋigal. 6:3

Ani ketami ituŋanan atemar arae iŋes ŋae torae bo kire ikoŋinait, emodyanakin iŋes bon.

Ŋiep. 3:4

Ani isyomete iyes ŋuna adau ayoŋ akigir, ipedorete ayenun epite ŋolo ayenunia ayoŋ ŋakiro ŋun, ŋuna imunono, ŋuna erae ŋuna a Kristo.

Ŋiep. 6:19

Kilipanakinetei ayoŋ daŋ, ikotere okoinak Akuj akirot ŋina iyookino ayoŋ erwor; ikotere nai erwor emam akuryanu, ido etaanyu ŋituŋa akimunono ŋina a Ŋakiro a ŋuna Ajokak.

Ŋikol. 1:26

Ŋakiro ŋuna ka Akuj ŋun arae ŋuna emunonitae, ŋuna abu iŋes kiwua alotuŋa a daadaŋ ŋikaru ŋulu alunyarosi, nai tokona esileerek neni a ŋituŋa keŋ.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

1 Yoa. 4:8

Ŋini nyemina, nyeyeni ituŋanan ŋin Akuj, anerae erae Akuj amina.