1 Ŋikor. 12:6 - Ebaibul

⁶ Egelegelya ŋirotin ŋulu itiyaere ŋiticisyo, nai Akuj apei ekorakinit ŋinituŋanan apedor ŋinakitiyaet etic.

1 Ŋikor. 12:6 Iomraidhean Croise

Yob 33:29

Kire, itiyae Akuj ŋakiro ŋun daadaŋ, ŋarwa ŋaarei, kori ŋauni neni a ŋituŋa,

Yoa. 5:17

Tolimok Yesu ikes tema, “Itiyae Papa kaŋ ŋapakio daadaŋ ka etiyae ayoŋ daŋ ikwaŋinapei.”

1 Ŋikor. 12:11

Ŋainakineta ŋun daadaŋ erae Etau ŋolo Asegan ŋolopei ŋol einanakini, iŋes ekoranakini neni a ŋinituŋanan anacamit keŋ.

1 Ŋikor. 12:5

Egelegelya ŋirotin ŋulu ijaanakinere, nai Ekapolon ŋolopei ijaanakinio.

1 Ŋikor. 15:28

Nai ani iwuakinio ŋiboro daadaŋ Napukan a Kristo, ebuni nai Lokoku elope kiwuakin Napukan ka Akuj a ŋina adau akiwuakin ŋiboro daadaŋ Napukan a Kristo, ikotere nai toruwor Akuj akepukan a daadaŋ.

1 Ŋikor. 3:7

Aŋun nai, emam apolou eyai neni a ŋini adupan kori neni a ŋini abukon ŋakipi, nai eyai neni ka Akuj bon a ŋina itopoloe ŋinibore.

Ŋiep. 4:6

Eyai Akuj apei ŋina erae Papa a ŋituŋa a daadaŋ; ŋina erae Ekapolon a daadaŋ, ŋina itiyae alotooma daadaŋ ka eyai neni a daadaŋ.

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Ŋikol. 1:29

Aŋakiro a ŋun, etiyae ayoŋ ka agogoŋu ka aŋirikinit alotooma apedor ŋina akainakinit Kristo ŋina eketepedorit ayoŋ akitiya ŋun.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.