1 Ŋikor. 10:7 - Ebaibul

⁷ Nyitemokino iwon elipete neni a ŋakujo a ŋace, ikwa kilipyata ikes ŋice; ikwapei ebaakatar Ŋakigireta ebe, “Apotu ŋituŋa kiboikinos; kimuja, tomata ka tobolyata.”

1 Ŋikor. 10:7 Iomraidhean Croise

Awos. 32:17

Ani iirari Yosua ecelet a ŋituŋa apaki ŋina acelatar, tema neni a Moses, “Ecelasi ŋituŋa analomar esibit ejiete.”

Awos. 32:19

Adolun Moses diyete alomari bon, kiŋolik etorube a itaok ewoi ka kiŋolik ŋituŋa idoŋaete, toŋo Moses nooi, tonomosi ŋun iŋes etau, kimasa ŋamoru ŋunadapal ŋun, tobwaŋak nakeju a emoru.

Awos. 32:4

Kijaa Aron ŋiboro ŋul aneni kec, totala, ido tobukok egolid ŋol neni ecietae esibit itaok, kitiyau etorube a itaok, temasi nai ŋituŋa “Ŋisirael, akuj yok na ŋina paaran abu ikitipeunio iwon anakwap a Ijipit!”

Ŋitic. 15:20

Nai itemokino akigirakin ikes abaruwa, ikotere toesikis akinyam ŋamuja ŋuna nyitesegunitae, anerae einakinitae sek nakujo; toesikis daŋ amalao ka nyenyamete ediotyaŋ ŋolo emyeditae kori ŋaokot.

1 Ŋikor. 10:14

Aŋun nai, ŋikaitotoi kaŋ ŋuluminan, toŋero akilip neni a ŋakujo a ŋace.

1 Ŋikor. 5:11

Nai ŋuna abu ayoŋ olimu ikes nu: nyirukito ka ituŋanan ŋini ebala arae iŋes lokaato alotooma Kristo, nai tomalaana kori tororokana kori kilipi neni a ŋakujo a ŋace kori tosyomar ŋuluce kori tomerana kori tokokolana. Nyimora tari ka ituŋanan ŋin akimuj.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

1 Ŋikor. 8:7

Nai emamukatar ŋituŋa ŋulu alalak ayenut ŋin. Anaikis ŋituŋa ŋice ŋakujo ŋace; iŋes nai ani kenyama ikes akimuj ŋina einakinitae erae amuronot nakujo ŋace, eriŋa ikes etamete atemar ilipete ikes neni a ŋakujo a ŋun; epalag ŋatameta kec ka eyenete ikes alotai kec atemar ikisecit.

Ŋikis. 9:12

Tema nai Ekapolon neni kaŋ, “Tonyou, kionyak atipei totiyaar kwap, anerae adaut ŋituŋa kon ŋulu ibu iyoŋ yau alo Ijipit akitiya ŋuna aronok. Emyekis ikes atipei ŋuna abu ayoŋ ecikit ikes akiwuap, ido itiyaut aŋuna kec etorube a akuj.”

1 Yoa. 5:21

Ŋidwe kaŋ, tocoikisi ŋakujo ŋuna nyerae ŋuna a kire.