1 Ŋikor. 10:1 - Ebaibul

¹ Ŋikaitotoi kaŋ, acamit ayoŋ iyes totamut ŋuna apotu kitiyakinos neni atapapaa yok, ŋulu apotu totupakis Moses. Abu edou toiu ikes, todoka daadaŋ anam ŋina enyaritae “Anam ŋina areŋan”.

1 Ŋikor. 10:1 Iomraidhean Croise

Neem. 9:19

ibu iyoŋ anakisyon kon a ŋina apolon nyimyek ikes analoŋisat, abu adis ŋina eŋarenikinit ikes alorot naparan nyimyek ikes, tari arira ŋina eŋarenikinit ikes nakwaare alorot, abu nyimyek ikes.

Ŋikiru. 105:39

Abu Akuj kiŋarenik ŋituŋa keŋ esibit edou naparan, ido abu kiŋarenik ikes esibit arira a akim nakwaare.

Ŋikiru. 66:6

Abu iŋes kilocok neni sek arae anam kituruwo akwap neni aonon, apotu ŋituŋa todoka aŋolol a ŋakejen. Aŋun, olelyana neni ka Akuj.

Ŋikiru. 78:53

Abu Akuj kiten ikes ejok, aŋun, apotu ikes nyekuryaketa; nai abu anam kitamat ŋimoe kec.

Awos. 14:29

Nai apotu Ŋisirael todoka Anam eonit neni alosyoto ikes ka erounito ikes ŋakipi esibit ŋarwatatain aloteten ka alokedyeny kec.

Awos. 40:34

Ekaku, kimuko edou Eema ŋolo iryamununoi, kilelebikin akica ŋina ke Ekapolon ŋina akwaŋan kya tooma Eema ŋolo iryamununoi.

Ekim. 14:14

ido elimokinete Ŋijipitian ŋituŋa ŋulu iboiyete anakwap a na ŋakiro ŋun. Adaut ikes Ekapolon akiirar atemar irukito iyoŋ ka ŋituŋa lu, anerae ikiteo iyoŋ Ekapolon ka ewoi adis kon alokidiama kec ka iŋarenikinit iyoŋ ikes elosete naparan a adis ka nakwaare a akim.

Ekim. 33:8

Towotokis alo Piairos totuboros ekekwaye anam, tolomasi naloŋisat, torubakis ewosete ŋirwa ŋiuni analoŋisat a ŋina a Esam, tolomiyasi Mara.

Yoa. 4:20

Apotu atapapaa kosi kilipa neni ka Akuj alomoru a lo, nai ibasi iyes Ŋiyudayan ebe Yerusalem bon ejokya akilipya neni ka Akuj.”

Ŋirom. 1:13

Acamit ayoŋ iyes ŋikaitotoi toyenut atemar eitanit ayoŋ ŋapakio ŋuna alalak abunore aanyun iyes, (nai akitodol tokona ekeretakinitae). Acamit kaŋ iŋes akitunup ŋituŋa alokidiŋ kus daŋ Ŋakiro a Yesu Kristo, ikwaŋina etunupya ŋuluce ŋulu nyerae Ŋiyudayan.

Ŋirom. 11:21

Abu Akuj nyerimak Ŋiyudayan, ŋulu isikwaanitae ka ŋaten ŋuna lopeyek; itamete iyes atemar ikirimakini iŋes iyes a?

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

1 Ŋikor. 12:1

Ŋakiro ŋuna etapito ŋainakineta ŋuna eponito aneni ke Etau a ŋolo Asegan: tokona, acamit ayoŋ iyes ŋikaitotoi kaŋ toyenut ŋakiro ŋuna a kire ŋuna etapito ŋakiro ŋun.

1 Ŋikor. 14:38

Ani pa kemitaki idiotuŋanan ŋakiro ŋun, nyimitakis iŋes daŋ.

Ŋigal. 3:29

Ani nai kiraakasi iyes ŋulu a Kristo, iraakasi ŋiletok ŋulu ka Aburaam ka iryamunete ŋuna adau Akuj akiikin.

Ŋikis. 1:33

ŋolo ikiŋarenikinit iyes erot daadaŋ aryamun akibois ŋina ilomete iyes. Abu iŋes ikiŋarenik iyes nakwaare esibit arira a akim ka naparan esibit adis, ikitoodikinit iyes erot ŋolo emaikina iyes kiwuapa.”

Ŋibur. 11:29

Anupit iŋes koloŋ etoryoto ŋituŋa ŋulu a Isirael Nanam ŋina Areŋan eonit ikwa akwap neni aonon, nai ani ikatakinete ŋituŋa ŋulu a Ijipit daŋ akidok, kitamata ŋakipi ikes.

Yos. 4:23

anerae abu Ekapolon Akuj kus kitoon aŋolol Yorodan akitodol ŋina idokaryata iyes ekekwaye, lopite ŋolopei etiyator Ekapolon Akuj kus ananam a ŋina enyaritae Anam ŋina Areŋan, ŋina abu iŋes kitoon aŋuna yok akitodol ŋina adokunere iwon daadaŋ ekekwalo.