1 Ŋikor. 1:5 - Ebaibul

⁵ Anerae anakimorikina kus ka Kristo, iryamut iyes alopitesyo a daadaŋ erwor ka ayenut daadaŋ.

1 Ŋikor. 1:5 Iomraidhean Croise

Ŋitic. 2:4

Kilelebikin Etau ŋolo Asegan neni kec daadaŋ, togeut akirwor ŋaŋajepa ŋuna agelegelya, ikwaŋina ainakinitor Etau ŋolo Asegan ikes akirwor.

Ŋirom. 11:12

Abu asecit ŋina a Ŋiyudayan yau ŋarereŋisyo ŋuna alalak nakwap ka abu atwaniyar kec aiuno yau ŋarereŋisyo ŋuna alalak lotuŋa ŋulu nyerae Ŋiyudayan. Etyaunete nai ŋarereŋisyo ai ŋina imarakinere Ŋiyudayan daadaŋ etya neni etya aruwor ŋikanupak a Kristo!

Ŋirom. 15:14

Ŋikaitotoi kaŋ: ayeni ayoŋ elope atemar ileleba ajokis neni kus ka daŋ ileleba aosou neni kus, ido ipedorete akitatama make.

Ŋirom. 15:4

Ŋakiro daadaŋ ŋuna igiritae Nakigireta, aponi kigirae aŋuna ka akitatamya iwon, ikotere ikiryamuni akigeno anatitinyu ka anakimukekin ŋuna ikiinakinete Ŋakigireta iwon.

1 Ŋikor. 12:10

Neni a ice einakini apedor ŋinakitiyaet ŋakujuwuanisya, neni a ice akidwar; neni a ice apedor ŋinayenunet ŋakiro ŋuna erae ŋuna ke Etau a ŋolo Asegan kori ŋuna nyerae. Einakini neni a ice apedor ŋina kirworet ŋaŋajepa ŋuna egelaaka, neni a ice einakini akisileereun ŋuna irworoe a ŋaŋajepa a ŋuna egelaaka.

1 Ŋikor. 12:8

Einakini Etau ŋolo Asegan neni a ipei apedor ŋina kirworet ŋuna ka aosou, neni a ice einakini Etau ŋolopei ŋol apedor ŋina ka ayenut ŋakiro.

1 Ŋikor. 13:2

Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin.

1 Ŋikor. 13:8

Erae amina ŋina a jik. Eyakasi ŋakiro ŋuna edwaritae, nai erae ŋuna ka adiouriyen; eyakasi ŋainakineta ŋuna kirworet ŋaŋajepa ŋuna egelaaka, nai elunyarosi; eyai ayenut, nai esaluni.

1 Ŋikor. 14:26

Ŋikaitotoi kaŋ, apolou a ŋakiro a ŋuna erworo ayoŋ iŋes na: ani iryamiryamete akilip, epedori ipeituŋanan alimun eete, kitatam ice ŋakiro ŋuna ka Akuj, ice toyakar akitoodikinet aneni ka Akuj, ice toyakar akirot a ŋaŋajepa a ŋuna egelaaka, ka ice daŋ kisileereu ŋuna irworoe a ŋaŋajepa a ŋuna egelaaka. Nai itemokino ŋinibore torae ŋini itogogoŋi ŋikanupak.

1 Ŋikor. 8:11

Aŋun, inyasun ituŋanan ŋin, ŋini epalag ayenut keŋ aŋuna ka ayenut kon--iŋes ŋini abu Kristo totwan aŋuna keŋ.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

2 Ŋikor. 6:10

tari kikisiyaloloŋitoe daŋ, ikilelyani isua jwi jwi; kikisibit ŋikulyak daŋ, nai ikitabarenene isua ŋituŋa ŋulu alalak, kesibit emam ibore ikiyakar daŋ, ikiyakar kire ŋiboro daadaŋ.

2 Ŋikor. 8:7

Iyakatar iyes ŋakiro nu nooi adepar: anupit, erwor, ayenut, akiitanit akiŋarakin, ka amina kus isua; aŋun, ikicamit isua iyes torimaakiata alopite a lo daŋ a ŋolo ka amina.

2 Ŋikor. 9:11

Ikitabari iŋes iyes jwi jwi, ikotere toruworos ŋulu irimaaka ŋarwa daadaŋ, ikotere nai tolakaros ŋikalalak neni ka Akuj aŋuna a ŋainakineta kus a ŋuna eryamunete ikes aneni kosi.

Ŋiep. 1:17

Elipenene ayoŋ Akuj ŋina ke Ekapolon yok Yesu Kristo, Papa ŋolo eyai apolou daadaŋ, ikiinak iyes aosou ka ŋakitoodyanakineta, ikotere toyenut iyes iŋes ejok.

Ŋiep. 2:7

Abu Akuj kitiya ŋun akitoodiunia anapakio a daadaŋ a ŋuna eponito, ajokis keŋ ŋina apolon nooi ŋina iloit daadaŋ, ŋina ileere anamina a ŋina abu iŋes kitoodiu neni yok aneni a Yesu Kristo.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋiep. 6:19

Kilipanakinetei ayoŋ daŋ, ikotere okoinak Akuj akirot ŋina iyookino ayoŋ erwor; ikotere nai erwor emam akuryanu, ido etaanyu ŋituŋa akimunono ŋina a Ŋakiro a ŋuna Ajokak.

Ŋipil. 1:9

Elipi ayoŋ Akuj kiturubak amina kus iyata jik, kaapei ka ayenut ka aosou ŋina ipedoryata atyakatyak ŋuna ajokak ka ŋuna aronok, ido

Ŋikol. 2:3

Neni a Kristo iwuaitere ebari daadaŋ ŋolo ka aosou ka ŋolo ka ayenut.

Ŋikol. 3:10

ka iryamut ekuwane ŋolokitete. Ekuwane ŋolokitete ŋol iŋes erubakinit Akuj akasuban keŋ itete kikwaanikinos ka iŋes, ikotere toyenuniata iyes iŋes ejok.

Yak. 3:13

Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.