1 Ŋikor. 1:18 - Ebaibul

¹⁸ Anerae akirot ŋina ke emusalaba erae abaŋao aneni a ŋituŋa a ŋulu ebukoro, nai aneni yok a ŋulu ikiiun erae apedor ŋina ka Akuj.

1 Ŋikor. 1:18 Iomraidhean Croise

Ŋitic. 13:41

‘Kiirasi! Iyes ŋikajamuwanarak ŋakiro ŋuna ka Akuj! Toumonokisi, totwaka! Anerae alosi ayoŋ akitiyakin alorwa kus ibore ŋini nyinupete iyes jik tari daŋ kikilimok iyes idiotuŋanan!’ ”

Ŋitic. 17:18

Kimocoto daŋ iŋes ka ŋikaosok ŋulu anyaritae Ŋipikuriyae ka Ŋisitoikae. Temasi ŋice, “Inyoni ecamit ekile ŋolo irworo car lo alimun?” Temasi ŋice, “Esibit elimonokini iŋes ŋakiro ŋuna a ŋakujo a ŋuna egelaaka.” Alimunete ikes ŋun, anerae alimonokini Paulo ŋakiro ŋuna a Yesu ka ŋuna ka ayarun alokatwak.

Ŋitic. 17:32

Ani iirarete ikes ŋuna ka ayarun alokatwak, tojamuwasi ŋice iŋes; nai temasi ŋice ebe, “Ikicamit isua akiirar iyoŋ irworo ŋakiro ŋun nabo.”

Ŋitic. 2:47

epurosi ikes Akuj ka tominakinito ŋituŋa daadaŋ ikes. A ŋinakoloŋit, eyatanakini Ekapolon natukot kec ŋulu aiununuyo.

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

1 Ŋikor. 15:2

Ikiunete iyes Ŋakiro ŋuna Ajokak ŋun, erae kicata iyes aneni kec lopite ŋolo akalimokinitor ayoŋ iyes--ŋaye kerae anupit kus akoŋinait!

1 Ŋikor. 2:14

Ituŋanan ŋini emamukar Etau ŋolo ka Akuj, nyecamuni ŋakiro ŋuna ke Etau a ŋolo ka Akuj, anerae erae ŋun abaŋao aneni keŋ; ido nyepedori ayenun ikes, anerae epedorosi ŋun ayenun anakiŋarakinet a ŋina ke Etau a ŋolo ka Akuj bon.

1 Ŋikor. 2:2

Anerae abu ayoŋ otyaku atemar nyitemokino ayoŋ eketatam iyes idiobore, mati ŋuna a Yesu Kristo bon a ŋolo aponi kibubukinoe lomusalaba.

1 Ŋikor. 3:19

Anerae aosou ŋina ka akwap a na, erae abaŋao alokiŋaren Akuj. Ikwaŋina igiritere Nakigireta ebe, “Ikamununui Akuj ŋikaosok anaosou kec”

1 Ŋikor. 4:10

Aŋuna a Kristo, ikirae isua ŋibaŋaanotin, nai iosok iyes anakimorikina ka Kristo! Ikipalag isua, nai igogoŋ iyes. Ikijamuwaritae isua, nai ikitopolooritae iyes!

2 Ŋikor. 10:4

Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon.

2 Ŋikor. 4:3

Ani tari kerapap Ŋakiro ŋuna Ajokak ŋuna ikilimonokini isua, erapap aneni a ŋulu ebukoro.

1 Ŋites. 1:5

Anerae aponi isua yaunae Ŋakiro ŋuna Ajokak neni kus, meere alorwor bon, nai anapedor a Etau a ŋolo Asegan ka ipotu iyes toanyut kire epite ŋolo ikikinyomitor isua jik ŋakiro ŋun. Iyenete iyes epite ŋolo ikiboiyo isua apaki ŋina ikirukitor iwon; arae aŋuna ka akiŋarakin iyes.

2 Ŋites. 2:10

ka isitiyae amodiyo daadaŋ ŋina ka aronis keŋ alotuŋa a ŋulu ebukoro. Ebukorosi ikes, anerae apotu ikes nyijaut ka nyeminakis ŋakiro ŋuna a kire, ikotere toiunos.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.