1 Ŋikor. 1:10 - Ebaibul

¹⁰ Ŋikaitotoi kaŋ! Ekemaimai ayoŋ iyes alokiro a Ekapolon yok Yesu Kristo, atemar tocamunos make alorwor kus tomam atyakatyaka alokidiŋ kus, nai toraakas ŋulu imorikina anatameta ka ananupit kus.

1 Ŋikor. 1:10 Iomraidhean Croise

Ŋikiru. 133:1

Ejok nooi ka ikinirari ekiboiye a ŋituŋa a ŋulu ka Akuj anakimorikina.

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Mat. 9:16

“Emam ituŋanan ŋini epedori adapakin arac ŋina kitete lolou ŋoloŋorot, anerae kedapaki, ecilar arac ŋina kitete, kiyatakin acilat lolou ŋoloŋorot.

Mar. 2:21

“Emam ituŋanan epedori adapakin arac ŋina kitete lolou ŋoloŋorot; ani kedapaki, ecilar ŋina kitete alolou a ŋoloŋorot, kiyatakin acilat nooi.

Mar. 3:24

Akwap ŋina etyakatyakatar ŋituŋa bon, nyepedori akicat.

Yoa. 10:19

Totyakatyakas Ŋiyudayan nabo aŋuna a ŋakiro a ŋun.

Yoa. 17:23

Ayai ayoŋ tooma kec, iyai iyoŋ tooma kaŋ, ikotere toruworos ikes ŋipei jik, ikotere nai toyenu akwap atemar ikiyakuunit iyoŋ ayoŋ ka atemar imina iyoŋ ikes, ikwaŋinapei ikiminar iyoŋ ayoŋ.

Yoa. 7:43

Totyakatyakas ŋituŋa aŋuna agelegelaakatar ŋakiro ŋuna erworosi ikes aŋuna a Yesu.

Yoa. 9:16

Temasi Ŋiparisayon ŋice, “Nyebunit ekile ŋol aneni ka Akuj, anerae nyiricakinit iŋes ekisil ŋolo ka akoloŋit a ŋina a Sabato.” Nai temasi ŋice, “Okoe, ikokini mono ekile ŋolo erae ekasecan itiyae ŋakujuwuanisya ŋun ai?” Tosodi totyakatyakas ikes.

Ŋitic. 4:32

Arae atukot ŋina a ŋikanupak ŋina atami ka anupit ŋakiro ŋapei. Amam tari idio ŋini abala arae ŋiboro keŋ ŋulu keŋ ke elope, nai amorete ikes ŋiboro daadaŋ ŋulu ayakatar.

Ŋirom. 1:13

Acamit ayoŋ iyes ŋikaitotoi toyenut atemar eitanit ayoŋ ŋapakio ŋuna alalak abunore aanyun iyes, (nai akitodol tokona ekeretakinitae). Acamit kaŋ iŋes akitunup ŋituŋa alokidiŋ kus daŋ Ŋakiro a Yesu Kristo, ikwaŋina etunupya ŋuluce ŋulu nyerae Ŋiyudayan.

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 12:16

Kiboiyoto ka ŋituŋa daadaŋ irae ŋipei. Nyiturosi, nai tocamutu ŋiticisyo ŋulu ka akitiditeuna. Nyitamete atemar kori iosok iyes.

Ŋirom. 15:30

Ekemaimai ayoŋ iyes ŋikaitotoi kaŋ atemar, aŋuna ke Ekapolon Yesu Kristo ka aŋuna ka amina a ŋina ikiinakinit Etau ŋolo ka Akuj emorikinos oŋirikisi akilip Akuj aŋuna kaŋ.

Ŋirom. 16:17

Ŋikaitotoi kaŋ, ekemaimai ayoŋ iyes atemar tocoikis ŋulu etyakatyakaete ŋituŋa, ido kitooliyosi ananupit kec; ŋulu eŋerito ŋakiro ŋuna aponi ikitatami iyes. Tocoito irukete ka ikes!

1 Ŋikor. 1:11

Ŋikaitotoi kaŋ, akalimokis ayoŋ ŋituŋa ŋulu a Kilowe atemar iburaete iyes make.

1 Ŋikor. 11:18

Ŋuna esyaunak, eira ayoŋ atemar ŋina iryamiryamyata iyes ikwapei atukot a ŋikanupak, eyai atyakatyaka kidiŋ kus; aneni kaŋ, esibit ŋakiro ŋun ŋuna a kire.

1 Ŋikor. 12:25

Aŋun, emam atyakatyaka eyai nakuwan, nai ŋinerin daadaŋ emitakina make.

1 Ŋikor. 3:3

anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a?

1 Ŋikor. 4:16

Aŋun nai, ekemaimai iyes totupakis ŋuna etiyae ayoŋ!

2 Ŋikor. 10:1

Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

2 Ŋikor. 13:9

Ikilakara isua ŋina igogoŋioto iyes, tari kikipalag isua. Aŋun, ikilipit isua Akuj kitogogoŋ ŋitai kus jik.

2 Ŋikor. 5:20

Ikirae isua ŋikawuoikinitok ŋulu a Kristo ka erae neni kosi ikinyaritor iyes Akuj anakiro kosi: alokiro a Kristo, ikimaimai isua iyes tocamut akimorikin ka Akuj.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋigal. 4:12

Akadyekit ayoŋ iyes ŋikaitotoi kaŋ, kikokis ayoŋ, anerae ekoni ayoŋ daŋ iyes. Nyitiyakina iyes ŋadi ŋuna aronok neni kaŋ.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 3:16

Tari kikote neni daŋ, oloto lopite ŋolo pei sek itiyaere iwon.

1 Ŋites. 5:13

Tokerito ikes nooi anamina aŋuna ke etic a ŋolo itiyaete ikes. Kisilito iyes make.

2 Ŋites. 2:1

Ŋikaitotoi, ŋuna ikamunito abunore ŋina ke Ekapolon Yesu Kristo ka acunakin yok akisiryam iŋes, ikimaimai isua iyes

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.

2 Tim. 4:1

Ekeciki ayoŋ iyoŋ alokiŋaren Akuj ka alokiŋaren Yesu Kristo ŋolo etubokini ŋulu eyarete ka ŋulu etwakito ka aŋuna etakanunia iŋes akipuka erae Erwosit:

Yos. 22:15

Ani edolete ikes Gilead neni a ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase, temasi,

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.