San Lucas 4:14 - Nahuatl Northern Oaxaca

¹⁴ Jesús omokuepke itech estado de Galilea tentok de ipoder in Espíritu Santo, iwan nochtin in tlakaj de yon región omotlapowiayaj de Jesús.

San Lucas 4:14 Iomraidhean Croise

San Mateo 4:12

Nijkuak Jesús okimatke nik in Juan Tlakuateekij okitzakej telpiloyan, ijkuakón Yej okiske de estado de Judea iwan oyáj itech estado de Galilea itech ipueblo Nazaret.

San Mateo 9:26

Iwan itech nochi nekáj país okimatkej de tlan otlapanok.

San Mateo 9:31

Pero niman nijkuak okiskej, opéj tetlapowiaj itech nochi in yon región de tlan Jesús okichij.

San Marcos 1:14

Satepan de okitzakej in Juan ijtik telpiloyan, Jesús oyáj Galilea okitematiltito in kuale tlajtole katlej temakixtia de kenik in Dios tlanawatia.

San Marcos 1:28

Iwan totoka omomatke tlan Jesús okichiwaya itech nochi in estado de Galilea.

San Lucas 4:13

In diablo ayakmo owelia ken kichiwas para kitlajtlakolmayawini in Jesús, iwan okikaj por se tiempo.

San Lucas 4:37

Iwan itech nochi yon región omotlapowiayaj de tlan Jesús okichiwaya.

San Juan 4:43

Satepan de yon ome tonale, Jesús okiske de ompa, iwan oyáj itech estado de Galilea.

Hechos 10:37

Namejwan kuale ankimatij tlan otlapanok itech nochi in tlale de Judea. Opejke itech estado de Galilea, satepan de ijkuak otetlapowij iwan otlakuateekij in Juan.