San Lucas 23:9 - Nahuatl Northern Oaxaca

⁹ Herodes miek okitlatlajtlanij, pero Jesús mach itlaj okinankilij.

San Lucas 23:9 Iomraidhean Croise

San Mateo 27:12

Iwan maski in tlayekankej tiopixkej iwan tlayekankej tetajtzitzintin opéj kistlakawiaj, in Jesús mach itlaj okijtoj.

San Mateo 27:14

Pero Jesús mach itlaj okinankilij. Iwan Pilato sa otlajtlachixke (omomajmawtij).

San Mateo 7:6

’Itlajtol in Dios katlej chipawak amo xikinmakakan in tlakaj katlej kipiaj mach kuale inyolo. Porke yon kej yeskia ankinmakaj in chichimej ma kikuakan tlan Dios iaxka, iwan noijki kej yeskia ankinmakaj in pitzomej ma kikuakan se tlamantle katlej sa tekitl patíoj. Porke yejwan san ipan tlajtlaksaskej iwan welis mokuepaskej amotech iwan amechkuaskej.

San Marcos 15:5

Jesús mach itlaj okijtoj. In Pilato sa otlajtlachixke (omomajmawtij) por amo otlanankilij in Jesús.

San Lucas 13:32

Pero Jesús okinnankilij: ―Xiwian xikilwitij yon ostotl Herodes: “Axan iwan mostla ok nikinkixtijtos ejekamej mach kualtin iwan ok nikinpajtijtos in kokoxkej, iwan asta ipan eyi tonale nitlamis.”

San Lucas 23:10

Ompa oyekaj noijki in tlayekankej tiopixkej iwan tlamachtijkej de itlanawatil in Moisés, katlej okistlakawiayaj chikawak ika miek tlajtole.

San Juan 19:9

Oksemi okalakke itech ipalacio iwan okitlajtlanij in Jesús: ―¿Tej de kan otiwalaj? Pero in Jesús mach okinankilij.

Hechos 8:32

Tlan okilerojtiaya in etiope, ijkín kijta: Okiwikakej kej se ichka kan tlamiktiaj. Iwan kej se ichkatzin mach tzajtzi nijkuak kiximaj, no ijkón Yej mach itlaj okijtoj nijkuak okimiktijkej.

1 Pedro 2:23

Nijkuak okiwijwikaltiayaj in Cristo, in Yej mach itlaj okinnankiliaya. Nijkuak okitlajyowiltiayaj, Yej mach okinmajmawtiaya itlaj kintoktis, sino nochi okikawaya imak toTajtzin Dios katlej nochipa tlaixkomaka (tlatzonmana) ken moneki.