San Juan 11:16 - Nahuatl Northern Oaxaca

¹⁶ Ijkuakón in Tomás, katlej kitokayotiaj Kuatejtzin, okinmilwij in oksekimej momachtijkej: ―Tejwan noijki ma tiwian, para ma timikikan san sekan iwan Jesús.

San Juan 11:16 Iomraidhean Croise

San Mateo 10:3

Noijki okinpejpenke in Felipe, Bartolomé, Tomás, Mateo katlej okololoaya impuestos. Jacobo itelpoch in Alfeo, iwan Tadeo.

San Mateo 26:35

Iwan Pedro okilwij: ―Maski mowan ma nechmiktikan, nej mach keman nimitzkawas. Iwan nochtin imomachtijkawan no ijkón okijtojkej.

San Marcos 3:18

Noijki okinpejpenke: Andrés, Felipe, Bartolomé, Mateo, Tomás, Jacobo itelpoch in Alfeo, Tadeo, Simón katlej onemia inwan cananistas,

San Lucas 22:33

Simón okilwij: ―Señor, nimotemaka nias mowan maski ma nechtzakuakan o noso maski ma nechmiktikan.

San Lucas 6:15

Mateo, Tomás, Jacobo itelpoch in Alfeo, Simón katlej onemia inwan cananistas,

San Juan 11:15

Nipaki porke mach ompa onieka. Nipaki porke yon se kuale para amejwan para okachi xitlaneltokakan. Axan ma tiwian ma tikitatij.

San Juan 11:8

Imomachtijkawan okilwijkej: ―Tlamachtij, mach ya wejkika ompa in judiojtin okinekiaj mitzmiktianij ika tetl, ¿iwan oksemi tikneki tias ompa?

San Juan 13:37

Pedro okilwij: ―Señor, ¿tlanik amo welis nimitzwikas? Nej asta welis nimotemakas ma nechmiktikan por tejwatzin.

San Juan 14:5

Tomás okilwij in Jesús: ―Señor, mach tikmatij kan tiawi, ¿kenik tikmatiskej katlij yen ojtle?

San Juan 21:2

Imomachtijkawan Jesús oyekaj san sekan, oyeka in Simón Pedro, Tomás katlej kitokayotiaj Kuatej, Natanael katlej oyeka de Caná de Galilea, noijki ipilwan Zebedeo, iwan ok omen imomachtijkawan.

Hechos 1:13

Nijkuak oajsitoj Jerusalén, okalakej kalijtik iwan otlejkokej ajkopan itech oksé piso kan yejwan okalotitokaj. Ompa oyeka in Pedro, Juan, Jacobo, Andrés, Felipe, Tomás, Bartolomé, Mateo, Jacobo itelpoch in Alfeo, Simón katlej onemia inwan cananistas, iwan Judas itelpoch in Jacobo.