Apocalipsis 5:5 - Nahuatl Northern Oaxaca

⁵ Ijkuakón se de yen tetajtzitzintin onechilwij: ―Amo xichoka, porke in lión katlej walajtok nelwatl de familia de Judá iwan noijki de familia de David, Yej yotlatlanke para welis kitlapos in libro iwan kintzayanas in chikome seyojtin.

Apocalipsis 5:5 Iomraidhean Croise

San Lucas 23:28

Pero Jesús omokuepke iwan okinmilwij: ―Namejwan ansiwamej de Jerusalén, amo xichokakan por Nej, sino xichokakan por amejwan iwan por amopilwan.

San Lucas 7:13

Nijkuak in Señor okitak in viuda, okiknomatke iwan okilwij: ―Amo xichoka.

San Lucas 8:52

Nochtin okichokilijtokaj iwan omoyolkokojtokaj. Pero Jesús okinmilwij: ―Amo xichokakan. In takkoj ayamo miki, sino yej san kochi.

San Juan 20:13

In angelestin okitlajtlanijkej in María: ―Siwatl, ¿tlanik tichoka? Yej okinnankilij: ―Yokiwikakej noSeñor, iwan mach nikmati kan okikawatoj.

Romanos 1:3

Yon kuale tlajtole katlej temakixtia tlapoa de yen toSeñor Jesucristo, iKone in toTajtzin Dios. Nijkuak otlakatke, otlakatke kej se tlakatl katlej walajtok nelwatl de yen rey David.

Romanos 15:12

Iwan Isaías noijki kijta: Satepan tlakatis se iwejkaixwi in Isaí, iwan yej yetos tlayekanke katlej kinnawatis nochtin katlej mach judiojtin. Iwan yejwan mochiaskej inawak para ma kinmakixti.

Hebreos 7:14

Iwan tikmatij nik in toSeñor walajtok nelwatl de familia de Judá, iwan itlanawatil in Moisés mach itlaj kijta kox yeskej tiopixkej katlej walajtokej nelwatl de Judá.

Apocalipsis 1:1

Itech yin tiotlajkuilole nikijta tlan Jesucristo onechititij katlej mach ok wejkawitl para tlapanos. Dios okimakak in Jesucristo yin tlamantle para ma techititi in tejwan tiitekipanojkawan. Iwan Jesucristo onechwaltitlanilij se iángel para ma nechititiki yin tlamantle. Nej niJuan niktekipanoa in toTajtzin Dios.

Apocalipsis 22:16

’Nej niJesús, onikkualtitlanke noángel para ma amechmatilti nochi in yin tlamantle namejwan katlej antiopantlaneltokakej. Yen Nej ninelwatl katlej niwalajtok de yen rey David, iwan yen Nej niteixwi de yen rey David. Iwan noijki yen Nej nisitlale katlej kisa kualkan.

Apocalipsis 3:21

Akinmej tlatlaniskej, Nej nikinkawilis nowan ma motlalikan kan nitlanawatia, ijkón ken Nej onitlatlanke iwan onimotlalij iwan noPapan kan Yej tlanawatia.

Apocalipsis 4:10

in senpoale iwan nawi tetajtzitzintin omotlankuaketzayaj iyakapan katlej ewatok ipan isiya, iwan okiweyikixtiayaj katlej yolitok iktlanke, iwan okitlaliayaj inkorona iyakapan siya, iwan okijtoayaj:

Apocalipsis 4:4

Yon siya noijki okiyawalojtokaj oksekimej senpoale iwan nawi siyajtin, iwan itech yonmej siyajtin oewatokaj senpoale iwan nawi tetajtzitzintin, otlakentitokaj de istak iwan okipiayaj itech intzontekon se korona de oro.

Apocalipsis 5:4

Iwan nej sa tekitl onichokak, porke mach oyeka nion se akin ma itech powi para kitlapos iwan kileros in libro, iwan nion para kitas tlanon ijkuilitok.

Apocalipsis 6:1

Ijkuakón onikitak in Ichkatzin okitzayanke se seyo de yen chikome seyojtin, iwan onikakke se de yen nawi katlej yolitokej okijtoj chikawak kej se tlatikuinalistle: ―¡Xiwiki iwan xikita!

Apocalipsis 7:13

Ijkuakón se de yen tetajtzitzintin onechtlajtlanij: ―¿Akinmej yinmej katlej tlakentitokej ika intlaken istak, iwan de kan owalajkej?