Apocalipsis 21:3 - Nahuatl Northern Oaxaca

³ Iwan onikakke se tlajtole chikawak de ilwikak. Okijtoj: ―Xikita. Dios axan chanti inwan tlakaj. Yej inwan chantis iwan yeskej iaxkawan, Yej inewian inwan yetos iwan Yej yetos inDios.

Apocalipsis 21:3 Iomraidhean Croise

San Juan 1:14

Cristo omochij tlakatl iwan towan onenke ixko yin tlaltikpak, iwan otikitakej imawisotlanex, imawisotlanex de san Yej se iKone in toTajtzin Dios. Otechmakak miek itlasojtlalis iwan otechmachtij tlan melawak.

San Juan 14:23

Jesús okinankilij: ―Akin nechtlasojtla, kichiwa tlan nikijta. Iwan noPapan kitlasojtlas, iwan noPapan iwan Nej tiwitzej para timochantiskej ipan iyolo.

2 Corintios 6:16

O noso, ¿kox welis san sekan yeskej itiopan in Dios iwan katlej mach melawak diosmej? Namejwan kiné, ankatej kej itiopan in Dios katlej yolitok. Ijkón ken Dios inewian okijtoj: Nichantis iwan ninemis inwan. Nej nietos niinDios, iwan yejwan yeskej noaxkawan.

2 Corintios 6:18

Nej nietos namoPapan, iwan namejwan anyeskej annopilwan. Ijkín kijta in toSeñor katlej kipia nochi poder.

1 Tesalonicenses 3:11

Tiknekij yen toPapan Dios iwan toSeñor Jesucristo ma techpalewi para ma weli ma tiwian ma tamechitatij.

Hebreos 11:16

Pero yejwan okinekiaj se tlale katlej okachi kuale para ompa chantiskej, kijtosneki yejwan okinekiaj chantiskej ilwikak. Por yonik in Dios mach pinawa de ma kinotzakan nik yen Dios de yejwan. Porke Yej yokinchiwilij se weyikan itech ilwikak.

Hebreos 8:10

In yankuik akuerdo katlej satepan nikchiwas inwan tlakaj de Israel, yen yin: Nej niktlalis notlanawatil ipan intlalnamikilis, iwan nikijkuilos ipan inyolo. Nej nietos niinDios, iwan yejwan yeskej nokonewan.

Hebreos 8:2

Jesucristo tekipanoa kej weyi tiopixke itech tiopan ompa itech ilwikak, kijtosneki katlej melawak tiopan katlej mach okichijkej tlakaj sino Dios okichij.

Apocalipsis 10:4

Iwan nijkuak in yonmej chikome tlatikuinalistin owaltlajtojkej, nej ya nikijkuiloani, pero ijkuakón onikakke se tlajtole de ilwikak onechilwij: ―Amo xikijkuilo tlan okijtojkej in chikome tlatikuinalistin, sino san tej xikmato tlan okijtojkej.

Apocalipsis 10:8

In tlajtole katlej onikakke katlej omokakke de ilwikak, oksemi onechilwij: ―Xiwia, iwan xikitzki in librojtzin katlej tlapotok itech ima in ángel katlej moketok ipan atl iwan ipan tlaltikpak.

Apocalipsis 12:10

Ijkuakón onikakke se tlajtole chikawak ompa ilwikak, okijtoj: ―Yoejkok in tonale nijkuak nochtin katlej iaxkawan in Dios kinmakixtiskej, yoneske ipoder in toTajtzin Dios iwan yopéj tlanawatia. Iwan Cristo noijki yokiresibiroj tekiwajkayotl, porke yokiwaltlamotlakej de ilwikak in Amo Kuale Tlakatl katlej teistlakawij de yen tokniwan, katlej okinmistlakawiaya yuale tonale iyakapan Dios.

Apocalipsis 21:7

Akin tlatlanis itech nochi tlan amo kuale tlan panos, nikmakas nochi yin tlamantle kej herencia. Iwan Nej nietos niiDios iwan yej yetos nokone.

Apocalipsis 22:3

Itech yon weyikan mach ok yetos itlaj tlan amo kuale katlej Dios moneki kitlajyowiltis. Isiya in toTajtzin Dios iwan isiya in Ichkatzin yetoskej itech yon weyikan. Ompa itekipanojkawan kitekipanoskej iwan kiweyikixtiskej.

Apocalipsis 7:15

Por yonik katej iyakapan isiya in Dios, iwan kitekipanoaj itech itiopan yuale tonale. Iwan katlej ewatok ipan isiya kinpalewis porke inwan yetos.