Apocalipsis 2:7 - Nahuatl Northern Oaxaca

⁷ Akin kineki kimomakas kuenta, ma kikaki tlan iEspíritu in toTajtzin Dios kinmilwia in tiopantlaneltokakej. Akinmej tlatlaniskej, Nej nikinmakas ma kikuakan itlakilo in tlatokkuawitl katlej kitemaka nemilistle, katlej kajki kan paraíso kan sa tekitl tlakualkan, kan kajki in toTajtzin Dios.”

Apocalipsis 2:7 Iomraidhean Croise

San Mateo 11:15

Akin kipia itlakakilis, ma kikaki.

San Mateo 13:43

Iwan katlej kichiwaj tlan Dios kineki, petlaniskej ken tonale ompa kan tlanawatia inPapan. Akin kineki kimomakas kuenta, ma kikaki.

San Mateo 13:9

Tla ankinekij ankimomakaskej kuenta, xikkakikan.

San Marcos 4:9

Iwan okinmilwij: ―Tla ankinekij ankimomakaskej kuenta, xikkakikan.

San Marcos 7:15

Nochi tlan kalakis ijtik se tlakatl mach kiyolsokiotis. Tlan kisa de ipan iyolo in tlakatl yej yon kiyolsokiotia.

San Marcos 7:16

Tla ankinekij ankimomakaskej kuenta, xikkakikan.

San Lucas 23:43

Jesús okinankilij: ―Ipan melajka nimitzilwia, axan tias nowan itech paraíso.

San Lucas 8:8

Iwan oksekin semiya owetzke kan kuale tlale. Iwan nijkuak okiske, omoskaltij iwan okipixke kuale itlakilo, iwan kada se semiya okitemakak asta se siento itliolo. Nijkuak Jesús otlanke ijkón okijtoj, ijkuakón okinmilwij chikawak: ―Tla ankinekij ankimomakaskej kuenta, xikkakikan.

San Juan 16:33

Nochi yin namechilwia para xikpiakan yolosewilistle nonawak. Namejwan antlajyowiskej ixko yin tlaltikpak, pero ximoyolojchikawakan, porke Nej yonitlatlanke itech nochi tlan onkaj ixko yin tlaltikpak.

1 Corintios 2:10

Tejwan Dios otechinnextilij yinmej tlamantin ika iEspíritu Santo. Porke in Espíritu Santo kimati nochi tlamantle, asta yen tlamantin de Dios katlej mach tiwelij tikmomakaj kuenta.

2 Corintios 12:4

Nej kuale nikmati nik onechwikakej ilwikak kan sa tekitl tlakualkan, iwan onikakke sekin tlajtole katlej mach weli mijta ika totlajtol iwan nion Dios mach kitekawilia akaj ma kijto.

1 Juan 2:13

Tetajmej, namechtlajkuililia namejwan porke ya ankixmatkej in Cristo katlej yoyeka desde ijkuak opejke nochi tlan onkaj. Telpokamej, namechtlajkuililia namejwan porke ya ankitlankej in diablo. Nokonetzitzinwan, namechtlajkuililia namejwan porke ya ankixmatkej in toPapan Dios.

Apocalipsis 13:9

Akin kineki kimomakas kuenta, ma kikaki.

Apocalipsis 14:13

Ijkuakón onikakke se tlajtole de ilwikak. Onechilwij: ―Xikijkuilo tlan nimitzilwis: “Ma pakikan katlej mikiskej de nian para tlayakapan nochtin katlej kineltokaj in toSeñor.” In Espíritu Santo noijki kijta: “Melawak, sa tekitl ma pakikan, porke yejwan mosewiskej de intekiw, iwan Dios kintlaxtlawis ompa ilwikak por tlan okichijkej.”

Apocalipsis 15:2

Noijki onikitak kej se mar de teskatl nelitok iwan tlitl. Iwan ompa omoketokaj ipan yon mar de teskatl katlej okitlankej in amo kuale yolkatl, katlej amo omotlankuaketzkej iyakapan iretrato, iwan nion amo omotekawilijkej ma kintlalilikan inúmero de itoka. Okinpixtokaj inmarpajwan katlej Dios okinmakak.

Apocalipsis 2:11

Akin kineki kimomakas kuenta, ma kikaki tlan iEspíritu in toTajtzin Dios kinmilwia in tiopantlaneltokakej. Akinmej tlatlaniskej mach ojpa mikiskej, kijtosneki mach yaskej ijtik tliko kan mach keman sewis in tlitl.”

Apocalipsis 2:17

Akin kineki kimomakas kuenta, ma kikaki tlan iEspíritu in toTajtzin Dios kinmilwia in tiopantlaneltokakej. Akin tlatlanis, nikmakas ma kikua in tlakuale itoka maná katlej tlatitok ilwikak. Iwan noijki nikmakas se tetzintle istak kan ijkuilitos se yankuik tokayitl (tokayotl) katlej mach akaj kixmatis, sino san yen akin kiresibiros.”

Apocalipsis 21:7

Akin tlatlanis itech nochi tlan amo kuale tlan panos, nikmakas nochi yin tlamantle kej herencia. Iwan Nej nietos niiDios iwan yej yetos nokone.

Apocalipsis 22:14

’Ma pakikan katlej kipakaj intlaken para welis kalakiskej itech puerta de yen weyikan para kikuaskej itlakilo in tlatokkuawitl katlej kitemaka yankuik nemilistle.

Apocalipsis 22:17

In Espíritu Santo iwan isiwa in Ichkatzin kijtaj: ―Xiwiki. Iwan akin kikaki, noijki ma kijto: ―Xiwiki. Iwan tla akaj amiki ipan iyolo, iwan kineki konis in atl katlej kitemaka yankuik nemilistle, ma wiki, iwan ma koni iwan mach itlaj moneki kitlaxtlawas.

Apocalipsis 22:2

Yon atl opanotoka tlatlajko ojtle de yen weyikan. Iwan ojkan lado atlatentle de yen weyatl oyekaj in kuawmej katlej kitemakaj yankuik nemilistle. Yonmej kuawmej tlakij kada metztle, kijtosneki majtlaktle iwan ome buelta se xiwitl, iwan inxiwyo serbiroa para ika mopajtiskej in tlaltikpaktlakaj de nochtin paismej.