Apocalipsis 14:3 - Nahuatl Northern Oaxaca

³ Iwan okitlakuikayaj se yankuik tlakuikale, iyakapan siya iwan inyakapan nawin katlej yolitokej iwan inyakapan in tetajtzitzintin. Mach akaj owelia okitlakuikaya in tlakuikale, sino san yejwan in se siento iwan omenpoale iwan nawi mil tlakaj, katlej Cristo okinkoj ika ieso de intzalko nochtin in tlaltikpaktlakaj.

Apocalipsis 14:3 Iomraidhean Croise

1 Corintios 1:18

In kuale tlajtole techilwia kenik omikke in Cristo itech krus por tejwan para techmakixtis. Iwan nekatej tlakaj katlej yawij kan teixpolojkan, para yejwan kitaj kej yeskia se tontojyotl. Pero para tejwan katlej tiawij kan tlatemakixtijkan, yon kuale tlajtole kipia poder de Dios.

1 Corintios 2:14

Se tlakatl katlej amo kipia iEspíritu in toTajtzin Dios mach kimomaka kuenta tlan iEspíritu in toTajtzin Dios techmachtia, porke para yej kita kej yeskia se tontojyotl. Iwan mach weli kimomaka kuenta porke para kimomakas kuenta moneki kipias iEspíritu in toTajtzin Dios.

Apocalipsis 14:1

Satepan onikitak in Ichkatzin moketok ipan tepetl itoka Sión. Iwan ompa Iwan oyekaj se siento iwan omenpoale iwan nawi mil tlakaj, katlej okipiayaj ijkuilitok itech inmixkuak itoka de yen Ichkatzin iwan itoka de yen iPapan.

Apocalipsis 15:3

Iwan okitlakuikayaj (okuikayaj) se tlakuikale katlej Moisés okijkuiloj katlej okitekipanoaya in toTajtzin Dios, iwan noijki otlakuikayaj para yen Ichkatzin. Ijkín nik otlakuikayaj: Weyi iwan tetlajtlachialtij (temajmawtij) nochi tlan tejwatzin otikchij, Señor, tejwatzin Dios katlej tikpia nochi poder. Tikchiwa tlan kuale iwan tlan melawak, tejwatzin tiRey de nochtin paismej.

Apocalipsis 2:17

Akin kineki kimomakas kuenta, ma kikaki tlan iEspíritu in toTajtzin Dios kinmilwia in tiopantlaneltokakej. Akin tlatlanis, nikmakas ma kikua in tlakuale itoka maná katlej tlatitok ilwikak. Iwan noijki nikmakas se tetzintle istak kan ijkuilitos se yankuik tokayitl (tokayotl) katlej mach akaj kixmatis, sino san yen akin kiresibiros.”

Apocalipsis 5:9

Yejwan okitlakuikayaj (okuikayaj) se yankuik tlakuikale: Tejwatzin motech powi para tikitzkis in libro iwan tikintzayanas in seyojtin. Porke omitzmiktijkaj, iwan ika moeso otikinkoj para ma yekan iaxkawan in toTajtzin Dios, nochtin in tlaltikpaktlakaj, nochtin katlej tlapoaj tlatlamantle tlajtole, de nochtin pueblojtin, iwan de nochtin paismej.

Apocalipsis 7:4

Iwan onikakke okintenejkej se siento iwan omenpoale iwan nawi mil tlakaj katlej okinseyarojkej itech inmixkuak de nochtin in majtlaktin iwan ome familias de Israel.