1 Juan 4:9 - Nahuatl Northern Oaxaca

⁹ Dios otechititij nik techtlasojtla nijkuak otechwaltitlanilij ixko yin tlaltikpak katlej san yej se iKone. Otechwaltitlanilij para ma tikpiakan yankuik nemilistle inawak iKone.

1 Juan 4:9 Iomraidhean Croise

San Marcos 12:6

’Omokaj sa yen itelpoch, san yej se itlasojkone, okititlanke iwan okimolwij: “Komo notelpoch, kitlakitaskej.”

San Lucas 4:18

IEspíritu in Señor notech kajki, porke Dios onechtlalij para ma nikintlapowi in pobrestin de yen yankuik kuale tlajtole. Onechwaltitlanke para ma nikinpajti katlej moyolkokoaj, para ma nikinmatilti in tlajtole katlej temakixtia katlej ilpitokej ipan tlajtlakole, para ma nikintlachialti katlej mach tlachiaj, para ma nikinmakixti katlej kintlajyowiltiaj.

San Juan 10:10

’In ichtekke owalaj san para tlachtekis, san temiktia iwan san teixpoloa. Pero Nej oniwalaj para in tlakaj ma kipiakan nemilistle. Iwan yon nemilistle tentok de nochi tlamantle tlan kuale.

San Juan 14:6

Jesús okinankilij: ―Yen Nej niojtle, yen Nej nimelawak iwan yen Nej ninemilistle. Tla akaj amo nechneltoka, mach welis ajsis inawak noPapan.

San Juan 3:16

’Dios sa tekitl kintlasojtla in tlaltikpaktlakaj, iwan por yonik okitemakak in san Yej se iKone, para ke nochtin akinmej kineltokaskej, amo ma mopolokan, sino ma kipiakan nemilistle katlej mach keman tlamis.

San Juan 3:18

Akin kineltoka iKone in Dios, mach mopoloa. Pero akin amo kineltoka, kijtosneki yomopoloj porke amo otlaneltokak inawak katlej san Yej se iKone in Dios.

San Juan 5:23

Para ijkón nochtin ma nechtlakitakan Nej katlej niiKone in Dios, ijkón ken kitlakitaj noPapan. Akin amo nechtlakita Nej katlej niiKone in Dios, tonses noijki mach kitlakita noPapan katlej onechwaltitlanke.

San Juan 6:29

Jesús okinnankilij: ―Yen yin tlan Dios kineki xikchiwakan. Yej kineki xinechneltokakan Nej porke Yej onechwaltitlanke.

San Juan 6:51

Nej nipan katlej niktemaka nemilistle katlej oniwaltemok de ilwikak. Akin kikuas yin pan, yolitos nochipa. In pan katlej nej niktemakas kijtosneki yen notlalnakayo, iwan niktemakas para ma kipiakan nemilistle in tlaltikpaktlakaj.

San Juan 6:57

NoPapan katlej onechwaltitlanke, kipia nemilistle, iwan Nej nikpia nemilistle inawak. Ijkón noijki akin nechmomajsewia, noijki kipia nemilistle nonawak.

San Juan 8:29

Porke katlej onechwaltitlanke Yej nowan kajki. NoPapan mach nechkawa noselti, porke Nej nochipa nikchiwa tlan Yej kipaktia.

San Juan 8:42

Ijkuakón Jesús okinmilwij: ―Tla yen Dios yeskia namopapan, namejwan annechtlasojtlanij, porke Nej oniwalaj de Dios ixko yin tlaltikpak. Mach oniwalaj san por Nej oniknekke, sino porke Dios onechwaltitlanke.

San Juan 9:3

Jesús okinnankilij: ―Mach por yej otlajtlakoj nion mach por otlajtlakojkej ipapanwan. Sino para itech ma mota tlan Dios weli kichiwa.

Romanos 8:32

Dios mach oyáj tzotzokatl nijkuak okitemakak iKone por tejwan, sino okitemakak ma miki por tinochtin tejwan. Tonses, ¿tlanik amo ma techmaka san sekan iwan iKone nochi in tlamantle tlan techilwia?

Hebreos 1:5

Porke toTajtzin Dios mach semi okilwij akaj ángel: Tej tinoKone. Axan Nej nimoPapan. Nion mach okilwij akaj ángel: Nej nietos iPapan, iwan yej yetos noKone.

1 Juan 3:16

Tikmatij tlanon kijtosneki in tlasojtlalistle. Tikmatij porke Cristo otechtlasojtlak nijkuak omikke por tejwan. Iwan axan tejwan noijki moneki timotlasojtlaskej iwan tikinpalewiskej in tokniwan maski ma techmiktikan por yejwan.

1 Juan 4:10

Mach yen tejwan achtoj otiktlasojtlakej in Dios, sino Yen achtoj otechtlasojtlak. Porke otechwaltitlanilij iKone para ma mikiki itech krus para ijkón ma techtlapojpolwi de totlajtlakol. Por yonik axan tikmomakaj kuenta tlanon kijtosneki in tlasojtlalistle.

1 Juan 4:16

Ijkón tejwan tikmatij iwan tikneltokaj nik in Dios techtlasojtla. Dios Yej tetlasojtlak. Iwan akin tetlasojtla, kijtosneki kajki iwan Dios, iwan Dios kajki iwan yej.

1 Juan 5:11

Iwan yen yin tlan techmatiltia: nik in Dios techmaka yankuik nemilistle katlej mach keman tlamis, iwan yon nemilistle techmaka itech iKone.

1 Juan 5:13

Namechtlajkuililia namejwan katlej ankineltokaj iKone in Dios, para kuale xikmatikan nik ya ankipiaj yankuik nemilistle katlej mach keman tlamis.