San Mateo 9:4 - El Nuevo Testamento

⁴ Eꞌ Jesús kimatiá te̱ kejla̱ntoyaj, kijtoj: —¿Te iga ankejla̱mikij yej aye̱kti ipan amoa̱lmajmej?

San Mateo 9:4 Iomraidhean Croise

San Mateo 12:25

Jesús kimatiá te̱ kejla̱ntoyaj, iwá̱n kijtoj: —Siga se̱ país mochi̱wa o̱me grupo iga mosepankuejkuesowaj, inó̱n país políwiya; iwá̱n siga se̱ a̱ltepe̱ꞌ o siga se̱ familia mosepankuejkuesowaj, awel wejka̱wa iga onos.

San Marcos 12:15

Eꞌ Jesús kimatiꞌ iga kima̱wetzi̱lti̱jnekiáj, kijtoj: —¿Te iga anne̱tantia̱rowaj? Xine̱wajliguili̱ka̱n se̱ tomi̱n, iga manikita.

San Marcos 2:8

Eꞌ Jesús kimatiá te̱ kejla̱ntoyaj, iwá̱n kijtoj: —¿Te iga ijkó̱n ankejla̱mikij ipan amoa̱lmajmej?

San Lucas 11:17

Eꞌ Jesús kimatitoyay te̱ kejla̱ntoyaj in ino̱mej, iwá̱n kijlijkej: —Siga se̱ país mochi̱wa o̱me grupo iga mosepankuejkuesowaj, inó̱n país políwiya. Iwá̱n siga se̱ familia mosepankuejkuesowaj, aka̱wis ni agaj.

San Lucas 5:22

Eꞌ Jesús kimatiá te̱ kejla̱ntoyaj, iwá̱n kijtoj: —Amejwa̱n, ¿te iga ijkó̱n ankejla̱mikij ipan amoa̱lmajmej?

San Lucas 6:8

Eꞌ Jesús kimatiá te̱ kejla̱ntoyaj, iwá̱n kijlij ta̱gaꞌ yej ma̱takua̱wayaxtoꞌ: —Ximoketza iwá̱n xiwi̱ki tatajkoya̱n. Iwá̱n ta̱gaꞌ moketzaꞌ.

San Lucas 7:40

Iwá̱n Jesús kijlij fariseo: —Simón, nimitzijli̱jneki achi tejté̱. Fariseo kijtoj: —Tamachtia̱ni, xine‑ijli.

San Juan 16:19

Jesús kimatiꞌ iga kitajtanisnekiáj, iwá̱n kijlijkej: —Nej nimitzijlijkej iga poliwi alí̱n iga ayoꞌ anne‑itaskej iwá̱n pano̱j seꞌ alí̱n tiempo sej anne‑itaskej. ¿Ix iní̱n in yej anmotajtantokej amejwa̱n?

San Juan 16:30

Iná̱n nikitaj iga nochi tikmati, iwá̱n ayꞌ kineki iga agaj mamitztajtani, inó̱n iga nicre̱dowaj iga tiwa̱laj ka̱n onoꞌ Dios.

San Juan 21:17

Iga iní̱n e̱yi ve̱ja kitajtan: —Simón, ipiltzi̱n Jonás, ¿ix tine̱neki? Pedro mokno̱matiꞌ iga e̱yi ve̱ja kitajtanij iga si kineki; iwá̱n kijlij: —NoTe̱ko, tej nochi tikmati; tej tikmati iga nimitzneki. Jesús kijtoj: —Xicuida̱ro noborre̱gojtzitzi̱n.

San Juan 6:61

Jesús kimatiꞌ iga yej kitokatinemiáj kipo̱pojtoyaj, tatajtan: —¿Ix mitzkuesowaj iga ijkó̱n nitamachtij?

San Juan 6:64

Eꞌ ónogoꞌ sekin de amejwa̱n yej ayá̱ꞌ kicre̱dowaj. Eꞌ Jesús kimatiáy aja̱ꞌyéj yej ayá̱ꞌ kicre̱dowa̱yaj, iwá̱n a̱ꞌyéj yawi kine̱xti̱ti iga makiki̱tzki̱ka̱n.

Hechos 5:9

Iwá̱n Pedro kijlij: —¿Te iga anmotajto̱ltijkej iga ankinekikej xikajkaya̱waka̱n iyEspí̱ritoj toTe̱ko? Taꞌ xikita, ne̱ wi̱tzej yej kito̱kato̱yaj mowé̱j; iná̱n tej no̱ yawij mitzwi̱gatij.

El Apocalipsis 2:23

iwá̱n ipilowa̱n inó̱n siwa̱ꞌ nochi nia nikmiktili̱ti. Iwá̱n ijkó̱n inochi yej ne̱cre̱dojtokej yawij kimatitij iga nej nikmati inochi yej la gente kejla̱ntokej ipan iya̱lmajmej; iwá̱n sejsé̱ de amejwa̱n nimitzmakaskej san ken ankichijkej.