San Mateo 6:1 - El Nuevo Testamento

¹ Jesús no̱ kijtoj: —Kua̱ꞌ ankichi̱waj tejté̱ yej ye̱kti, amo xikchi̱waka̱n iga san mamitzitaka̱n. Siga ijkó̱n ankichi̱waj, amoTaj Dios yej onoꞌ ipan cielo ayá̱ꞌ mitzmakaskej nité̱.

San Mateo 6:1 Iomraidhean Croise

San Mateo 16:27

Iga nej yej iPiltzi̱n Ta̱gaꞌ niwi̱ꞌ iwá̱n iweyipode̱r toTaj iwá̱n no̱ iya̱ngelejmej, íkua̱ꞌya sí yawi kipaga̱ro̱ti sejsé̱ kensan iga kichij.

San Mateo 16:6

Iwá̱n Jesús kijtoj: —Taꞌ xikakika̱n; amo xikchi̱waka̱n ken kitekichi̱waj fariseojmej iwá̱n saduceojmej, iga yejamej né̱sikiꞌ ye̱ꞌnemij, sie̱mpa ayá̱ꞌ.

San Mateo 23:13

’¡Lástima amejwa̱n yej antamachtiáj ipan la ley iwá̱n anfariseojmej, anmopajpantiáj iga anye̱ꞌnemij!, ankitzakuiliáj sekin iga amo makalakika̱n ipan iyojwi Dios. Niga amejwa̱n ayá̱ꞌ ankalakij wa̱n ankitzakuiliáj iga amo makalakika̱n yej kalakisnekij ipan iyojwi Dios.

San Mateo 23:5

Inochi kichi̱waj ka̱nsan makitaka̱n. Kita̱liáj iyi̱xpamej iwá̱n ipan ima̱mej itájto̱l Dios yej ijkuilijtoꞌ ipan a̱matzi̱n yej onoꞌ ipan ca̱jajtzitzi̱n iga san mane̱si, iwá̱n kakiáj itzotzolmej yej kipiá we̱weyaꞌ ibi̱bilonka.

San Mateo 25:40

El Rey kijto̱j: “Nej nimitzijliáj, kua̱ꞌ tejté̱ ankichi̱wilijkej yej ye̱kti ini̱mej nokni̱wa̱n yej moali̱mpamatij, ino̱nwaꞌ nej anne̱chi̱wilijkej.”

San Mateo 5:16

Ijko̱nsan no̱ amejwa̱n xikchi̱waka̱n yej ye̱kti iyi̱xtaj la gente, iwá̱n kua̱ꞌ mitzitaskej iga ankichijtokej yej ye̱kti, kiweyimati̱lti̱skej toTaj Dios yej onoꞌ ajko.

San Mateo 5:46

Eꞌ siga amejwa̱n ankinekij yejsan no̱ mitznekij, ¿té̱ anmo̱ta̱niliáj iga ijkó̱n ankichi̱waj? Este yej kicobra̱rowaj impuesto iga Roma ijkó̱n no̱ kichi̱waj.

San Mateo 5:48

Xipoxye̱ꞌnemika̱n, ijkó̱n kensan amoTaj Dios yej onoꞌ ipan cielo nochipa kichi̱wa yej ye̱kti.

San Mateo 6:16

’Kua̱ꞌ anmayuna̱rowaj, amo mane̱si iga anmokno̱matij ken ino̱mej yej san mopajpantiáj iga ye̱ꞌnemij. Yejamej kinekij makitaka̱n iga mayuna̱rojtokej. Eꞌ nimitznojma‑ijliáj iga yej inó̱n kichi̱waj, kipiaja yej mota̱nilijkej.

San Mateo 6:9

Amejwa̱n ijkí̱n xitajto̱ka̱n iwá̱n Dios: NoTaj yej tonoꞌ ipan cielo, nochi makiweyimati̱lti moto̱ka̱ꞌ.

San Marcos 8:15

Jesús kijlij idisci̱polojmej: —Taꞌ xikakika̱n; amo xikchi̱waka̱n ken kitekichi̱waj fariseojmej iwá̱n yej kitokaj Herodes, iga yejamej né̱sikiꞌ ye̱ꞌnemij, sie̱mpa ayá̱ꞌ.

San Lucas 11:35

Ximocuida̱ro iga inó̱n tiꞌti yej tikpiá amo mase̱wi.

San Lucas 12:1

Iwá̱n monechkojkej miles de gente este moto̱tope̱wayaj. Iwá̱n Jesús achto pe̱waꞌ kijlij idisci̱polojmej: —Taꞌ xikakika̱n: amo xikchi̱waka̱n ken kitekichi̱waj fariseojmej, iga yejamej né̱sikiꞌ ye̱ꞌnemij, sie̱mpa ayá̱ꞌ.

San Lucas 12:15

Kijtoj no̱: —Ximocuida̱ro̱ka̱n, amo xikpoxpiasnekika̱n tejté̱ yej awel ankipiáj. Se̱ ta̱gaꞌ awel ye̱ꞌono iga san makipiá komati yej pox patiyoj.

San Lucas 16:15

Iwá̱n Jesús kijlij fariseojmej: —Améjwa̱nya nokta yej ankijtowaj iyi̱xtaj tokni̱mej iga anye̱ꞌnemij, eꞌ Dios ki̱xmati amoa̱lmajmej; yej tajta̱gaꞌ kipoxye̱ꞌitaj, Dios ayá̱ꞌ kiye̱ꞌita.

San Juan 12:43

Akicre̱dojkej ipan Jesús iga má̱j kinekiáj iga la gente makiye̱ꞌitaka̱n, que Dios makiye̱ꞌita.

San Juan 5:44

¿Kén wel anne̱cre̱do̱skej, siga améjwa̱nsan ankinekij iga tokni̱mej mamitzweyimati̱lti̱ka̱n, iwá̱n ayí̱ꞌ annemij ken kajasi iga Dios mamitzye̱ꞌitaka̱n?

Hechos 3:12

Inó̱n kitaꞌ Pedro, kijtoj: —Nokni̱mej yej no̱ an‑israeli̱tajmej, ¿te iga anmoyo̱lmajtiáj? ¿Te iga nejame̱n anne̱tachi̱liáj kenkua̱ꞌ nejamej nikachitialtijkej iní̱n ta̱gaꞌ? ¿Ix nikachitialtijkej iga nejamej niwelitij o iga niye̱ꞌnemij iyi̱xtaj Dios?

Gálatas 6:12

Ino̱mej yej mitztekimakaj iga ximocircuncida̱ro̱ka̱n, kichi̱waj iga san makiye̱ꞌitaka̱n, iwá̱n iga amo makijiyaka̱n iga kitokaj Cristo yej miꞌ pan cruz.

Hebreos 11:26

Moisés má̱j kiye̱ꞌita iga makikno̱chi̱waka̱n kensan kikno̱chijkej Cristo que iga makipiá yej poxsan vale̱rowa yej onoꞌ Egipto, iga yéj kimatitoya yej Dios yawi kimakati.

Hebreos 2:1

Inó̱n iga nochipa matikejla̱ntoka̱n ye̱ꞌnoti̱ciaj yej tikakikej iga amo santá̱ꞌ tiki̱saskej ajachi ajachi ipan ye̱ꞌojti.

Hebreos 6:10

Iga Dios nochipa kichi̱wa yej ye̱kti iwá̱n ayá̱ꞌ ke̱lka̱wa yej ankichijkej, ankipale̱wijkej tokni̱wa̱n yej moconfia̱rowaj ipan Dios kensan iná̱n ankichijtokej. Ompa ankine̱xtiáj iga ankinekij Dios.

2 Juan 1:8

Xikitaka̱n nokta ken iga annemij, iga amo ankine̱mpolo̱skej yej ankichijkej, sino que Dios mamitzmakaka̱n ke̱ꞌ kajasi yej iga ankichijkej.