San Mateo 2:6 - El Nuevo Testamento

⁶ Tej, Belén, yej tonoꞌ ipan estado de Judá, malej iga ti‑a̱ltepe̱tzi̱n, eꞌ ayéj yej má̱j ti‑ali̱mpa, no̱ tivale̱rowa kensan ino̱mej wejweyi a̱ltepe̱ꞌ yej onoꞌ ipan estado de Judá; iga ipan tej yawi ki̱sati se̱ yej manda̱rowa, yej yawi kicuida̱ro̱ti noge̱ntej de Israel.

San Mateo 2:6 Iomraidhean Croise

San Mateo 2:1

Jesús onoko Belén, se̱ a̱ltepe̱ꞌ yej onoꞌ ipan estado de Judea. Íkua̱ꞌ manda̱rojtoya rey Herodes. Entonces asikej Jerusalén sekin tajta̱gaꞌ yej wa̱lkej iki̱sáya̱mpa to̱nati̱ꞌ. Ino̱mej tajta̱gaꞌ momachtijkej ken iga ojonokej si̱talimej, iwá̱n kijliáj Re̱yejma̱gojmej.

San Mateo 28:18

Jesús kitechoj idisci̱polojmej, iwá̱n kijtoj: —Iná̱n Dios kichij iga wel manirreina̱ro ipan cielo iwá̱n nigaj ipan ta̱jli.

San Juan 21:16

Sej kitajtan, iga iní̱n o̱me ve̱jya: —Simón, ipiltzi̱n Jonás, ¿ix tine̱neki? Pedro kijtoj: —Kena noTe̱ko, tej tikmati iga nimitzneki. Jesús kijtoj: —Xicuida̱ro noborre̱gojmej.

San Juan 7:42

Ka̱n ijkuilijtoꞌ kijtowa iga Cristo yawi ki̱sati ipan ipilówa̱mpa ipilowa̱n rey David iwá̱n nace̱ro̱j Belén, ipansan inó̱n a̱ltepe̱ꞌ ka̱n icha̱n David.

Efesios 1:22

Dios kita̱lij Cristo iga makimanda̱ro nochi, iwá̱n no̱ kita̱lij iga maono ken tzontekon pan nochi tokni̱wa̱n yej kitokaj toTe̱ko.

Colosenses 1:18

Cristo ken tikita tzontekon iga tonochi̱n yej timoconfia̱rowaj ipan yéj, iwá̱n tejame̱n ken tikita icue̱rpoj. Yéj onoyay kua̱ꞌ pe̱waꞌ iga mochi̱wa yej onoꞌ. Yéj yej achto ojpa‑isaꞌ iga mane̱si iga yéj nokta yej má̱j tayaka̱ntoꞌ.

Hebreos 7:14

Iwá̱n nochi kimati iga toTe̱ko ki̱saꞌ ipan itri̱buj Judá, iwá̱n ipan iley Moisés ayá̱ꞌ kijtoj iga ipan iní̱n tribu maki̱sa sacerdo̱tejmej.

El Apocalipsis 11:15

Iwá̱n kua̱ꞌ ásiꞌya pan siete ángel iga kipi̱tzaꞌ itrompe̱taj, mokaguiꞌ tajto̱lmej yej recio ipan cielo, kijtowa̱yaj: Iná̱n toTe̱ko Dios iwá̱n Cristo yej iPiltzi̱n; nochipa yawij manda̱ro̱tij ipan ta̱jli wa̱n ayí̱ꞌ tamis iga manda̱rowaj.

El Apocalipsis 2:27

ijkó̱n ken noTaj ne̱ta̱lij iga wel manimanda̱ro; ijkó̱n no̱ yejame̱n yawij kimanda̱ro̱tij pai̱smej, iwá̱n pox wel tamanda̱ro̱skej, ayagaj wel kite̱nkuepili̱skej; kita̱nili̱j iyenemi̱gojmej ken tikita kua̱ꞌ se̱ kixama̱na a̱ko̱miꞌ iga weyaꞌtepos.

El Apocalipsis 7:17

iga Jesucristo yej kijliáj Cordero yej e̱watoꞌ tajko trono yawi kicuida̱ro̱ti ino̱mej ken tikita borre̱gojmej. Iwá̱n Jesucristo yawi kiwi̱gati ka̱n onoꞌ a̱tzontekon iwá̱n yawij koni̱tij a̱ꞌti yej kichi̱was iga nochipa maonolo; iwá̱n Dios yawi kipojpowili̱ti iyi̱xa̱mej.