San Mateo 19:3 - El Nuevo Testamento

³ Iwá̱n sekin fariseojmej kitechojkej Jesús ka̱nsan makima̱wetzi̱lti̱ka̱n, kitajtankej: —¿Ix wel se̱ ta̱gaꞌ kikajte̱wa isiwa̱ꞌ iga san tejte‑iga?

San Mateo 19:3 Iomraidhean Croise

San Mateo 16:1

Fariseojmej iwá̱n saduceojmej yajkij kitatoj Jesús, iwá̱n iga wel makima̱wetzi̱lti̱ka̱n, kitajtanili̱toj iga makine̱xtili̱ka̱n tejté̱ yej ayi̱ꞌpa mo‑ita yej Dio̱ssan wel kichi̱wa.

San Mateo 22:35

iwá̱n se̱ yej tamachtiá ipan iley Moisés kineꞌ makima̱wetzi̱lti Jesús; ijkí̱n kitajtan:

San Marcos 10:2

Iwá̱n sekin fariseojmej kitechojkej Jesús ka̱nsan makima̱wetzi̱lti̱ka̱n ipan itájto̱l. Kitajtankej siga se̱ ta̱gaꞌ wel kikajte̱wa isiwa̱ꞌ.

San Marcos 12:13

Eꞌ despué̱j kiti̱tanilijkej sej sékinoꞌ más fariseojmej iwá̱n sekin yej kitokaj rey Herodes, ka̱nsan Jesús makijto tejté̱ iga wel makite̱lwi̱ka̱n.

San Marcos 12:15

Eꞌ Jesús kimatiꞌ iga kima̱wetzi̱lti̱jnekiáj, kijtoj: —¿Te iga anne̱tantia̱rowaj? Xine̱wajliguili̱ka̱n se̱ tomi̱n, iga manikita.

San Juan 8:6

Inó̱n kijlijkej ka̱nsan makima̱wetzi̱lti̱ka̱n, iga ijkó̱n wel makite̱lwi̱ka̱n. Iwá̱n Jesús mokototzoj iwá̱n pe̱waꞌ tajkuiloj ipan ta̱jli iga imájpil.

1 Corintios 7:10

Eꞌ yej na̱miktitókeja, nitatekimaka iga siwa̱ꞌ amo makikajte̱wa iwé̱j. Iní̱n ayéj nej nokta nitatekimaka, sino que toTe̱ko.

Hebreos 3:9

Ompa ne̱yokakuejkuesojkej amo‑ikyapatajwa̱n, malej iga kitakej nochi yej nikchijtoya cuarenta años iga yejame̱n.