San Mateo 18:3 - El Nuevo Testamento

³ iwá̱n kijtoj: —Nimitznojma‑ijliáj siga ayá̱ꞌ ankipataskej ken annemij iwá̱n ayá̱ꞌ anmochi̱waj ken iní̱n choochi̱n, awel reina̱rowa Dios ipan amejwa̱n.

San Mateo 18:3 Iomraidhean Croise

San Mateo 13:15

Iga ini̱mej poxsan moyo̱ltakua̱wilijkej, ayá̱ꞌ ye̱ꞌtakakij, kitzajtzaktokej iyi̱xmej; iga amo matachaka̱n iga iyi̱xmej, niga matakakika̱n iga inakasmej, niga makentende̱ro̱ka̱n iga iya̱lmajmej, niga mawi̱kika̱n note̱noj iga manikachitialti̱ka̱n.

San Mateo 18:2

Iwá̱n Jesús kino̱tzaꞌ se̱ choochi̱n iwá̱n kiketzaꞌ tajkoya̱n ka̱n onokej idisci̱polojmej,

San Mateo 18:4

Yej má̱j tayaka̱ntoꞌ ka̱n reina̱rowa Dios, yej moali̱mpamati iwá̱n mochi̱wa ken iní̱n choochi̱n.

San Mateo 19:14

Eꞌ Jesús, kijtoj: —Xika̱waka̱n in ko̱kone̱ꞌ, ka̱ma mane̱techo̱ka̱n, amo xikojtzakuili̱ka̱n; iga yej mochi̱wa ken ini̱mej ko̱kone̱ꞌ, kajasi iga Dios marreina̱ro ipan yéj.

San Mateo 19:23

Iwá̱n Jesús kijlij idisci̱polojmej: —Nej nimitzijliáj iga se̱ yej moconfia̱rowa ipan itomi̱n awel mote̱maka iga Dios marreina̱ro ipan yéj.

San Mateo 5:18

Iwá̱n no̱ nimitznojma‑ijliáj, mie̱j iga onos cielo iwá̱n ta̱jli, nisé̱ punto nisé̱ letra awel mopolowa ipan iley Moisés, este que nochi mamochi̱wa yej mochi̱was.

San Mateo 5:20

Iwá̱n no̱ nimitzijliáj, siga ayá̱ꞌ má̱j anye̱ꞌnemij que fariseojmej iwá̱n ken yej tamachtiáj ipan la ley, nike̱man ayá̱ꞌ ankalakiskej ka̱n Dios reina̱rowa.

San Mateo 6:16

’Kua̱ꞌ anmayuna̱rowaj, amo mane̱si iga anmokno̱matij ken ino̱mej yej san mopajpantiáj iga ye̱ꞌnemij. Yejamej kinekij makitaka̱n iga mayuna̱rojtokej. Eꞌ nimitznojma‑ijliáj iga yej inó̱n kichi̱waj, kipiaja yej mota̱nilijkej.

San Mateo 6:2

Kua̱ꞌ tikpale̱wiá agaj yej amotapialiá, amo xikpojtinemi ken kichi̱waj ino̱mej yej mopajpantiáj iga ye̱ꞌnemij iga kipojtinemij tio̱pan‑ijtiꞌ iwá̱n kajka̱n pano̱lo iga makiweyimati̱lti̱ka̱n. Nimitzijliáj iga ino̱mej ino̱nsan mota̱niliáj, iwá̱n Dios ayá̱ꞌ kiye̱ꞌita.

San Mateo 6:5

’Kua̱ꞌ antajtowaj wa̱n Dios, amo xikchi̱waka̱n ken ino̱mej yejsan mopajpantiáj iga ye̱ꞌnemij, ino̱mej kiye̱ꞌmatij iga ejkati‑ora̱dowaj tio̱pan‑ijtiꞌ iwá̱n ipan calle ka̱nsan makitaka̱n. Nimitznojma‑ijliáj iga ini̱mej ino̱nsan mota̱niliáj, iwá̱n Dios ayá̱ꞌ kikakij.

San Marcos 4:12

Ijkó̱n malej iga matachaka̱n, ken tikita ayá̱ꞌ tacháj. Malej iga matakakika̱n eꞌ amo makentende̱ro̱ka̱n nité̱, iga amo mamoyo̱lpataka̱n iwá̱n iga amo make̱lka̱wili̱ka̱n yej kichijkej yej aye̱kti.

San Lucas 13:24

—Xitekiꞌkalakika̱n ipan kalte̱n yej tzo̱ltiꞌ, nimitzijliáj iga miaꞌ kalakisnekiskej iwá̱n ayá̱ꞌ welitiaskej.

San Lucas 22:32

Eꞌ nikte̱néwija Dios iga tej, iga amo xikajte̱wa iga timoconfia̱rowa ipan nej. Kua̱ꞌ timomelaꞌconfiá̱roja, xikpale̱wi mokni̱wa̱n iga nochipa mamoconfia̱rojtoka̱n ipan nej.

San Juan 1:51

No̱ kijtoj Jesús: —Nimitznojma‑ijliáj, iga amejwa̱n anyawij ankitatij iga cielo tapojtoꞌ, iwá̱n iya̱ngelejmej Dios tejkawiskej iwá̱n temo̱skej ipan nej yej iPiltzi̱n Ta̱gaꞌ.

San Juan 3:3

Iwá̱n Jesús kijtoj: —Nimitznojma‑ijliá nokta, yej ayá̱ꞌ ojpanace̱rowa, awel kita ka̱n reina̱rowa Dios.

San Juan 3:5

Iwá̱n Jesús kijtoj: —Nimitznojma‑ijliá, yej ayá̱ꞌ nace̱rowa iga a̱ꞌti iwá̱n iga Espíritu, awel kalaki ka̱n reina̱rowa Dios.

Hechos 14:22

Ompa kanima̱rojtinenkej tokni̱wa̱n yej kitokaj Jesús, kijlijtinenkej iga nochipa mamoconfia̱ro̱ka̱n pan toTe̱ko; kijlijkej iga poxsan kikno̱chi̱waskej iga wel makalakika̱n ka̱n reina̱rowa Dios.

Hechos 28:27

Iga ini̱mej poxsan moyo̱ltakua̱wilijkej, ayá̱ꞌ ye̱ꞌtakakij, iji̱xtzaktokej; iga amo matachaka̱n iga iyi̱xmej, niga matakakika̱n iga inakasmej, niga ipan iya̱lmajmej wel makentende̱ro̱ka̱n, niga mawi̱kika̱n note̱noj iga manikachitialti̱ka̱n.

Hechos 3:19

Inó̱n iga xikajte̱wáka̱nya iga ankichi̱waj yej aye̱kti wa̱n xikna̱ꞌtecho̱ka̱n Dios, iga mamitzperdona̱rowili̱ka̱n yej ankichijkej yej aye̱kti. Iwá̱n toTe̱ko kichi̱was iga xiye̱ꞌonoka̱n.

1 Corintios 14:20

Nokni̱wa̱n, ximochi̱waka̱n ken anko̱kone̱mej iga yejamej aya kichi̱waj yej aye̱kti, eꞌ amo xitajla̱mikika̱n ken yej aya yo̱lej. Xiye̱ꞌtajla̱ntoka̱n ken yej yó̱leja yej kimátiya te̱ kichi̱wa.

1 Pedro 2:2

Xijyaka̱n ken seliꞌko̱kone̱ꞌ yej a̱tanekij iga kinektokej chi̱chiwala̱ꞌ, iwá̱n ino̱nwaꞌ chi̱chiwala̱ꞌ kijto̱jneki itájto̱l Dios yej pox ye̱kti iwá̱n te̱pale̱wiá iga wel má̱j matimoconfia̱ro̱ka̱n ipan yéj iwá̱n wel te̱salva̱rowa.

2 Pedro 1:11

Ijkó̱n toTe̱ko Cristo Jesús yej te̱salva̱rowa mitzijli̱skej iga xiye̱ꞌasika̱n ka̱n yéj nochipa manda̱rowa.