San Mateo 11:5 - El Nuevo Testamento

⁵ Xikpowili̱ka̱n iga pachamej tachaja, ko̱xomej nejnémija, yej pala̱ntia̱yaj ikajlo̱mej iga kipiáj lepra, achitiákeja, yej ayá̱ꞌ takakiáj, iná̱n takákija, yej miktoyaj, ojpa‑isákeja, yej ayá̱ꞌ motapialiáj, mopowiliá ye̱ꞌnoti̱ciaj ken iga Dios tasalva̱rowa.

San Mateo 11:5 Iomraidhean Croise

San Mateo 10:8

Xikachitialti̱ka̱n yej we̱titokej, xikojpa‑ixiti̱ka̱n yej miktokej, xikpajti̱ka̱n yej pala̱ntokej ikajlo̱mej iga kipiáj lepra, xiki̱xti̱ka̱n ma̱lespi̱ritojmej. Amejwa̱n ayá̱ꞌ ankikojkej iga iní̱n wel ankichi̱waj, amejwa̱n no̱ amo mamitzixta̱waka̱n iga iní̱n ankichi̱waj.

San Mateo 11:4

Jesús kijtoj: —Xa̱ka̱n xikijli̱tij Juan nochi yej nigaj nemi ankitaj iwá̱n yej nemi ankikakij.

San Mateo 12:13

Iwá̱n Jesús kijlij inó̱n ta̱gaꞌ: —Xikmela̱wa moma̱ꞌ. Iwá̱n kua̱ꞌ kimélaja ima̱ꞌ, ye̱ktiaꞌya kensan seꞌ ima̱ꞌ.

San Mateo 21:14

Ompa weyitio̱pan kitecho̱toj Jesús sekin pachamej iwá̱n ko̱xomej, iwá̱n kachitialtij.

San Mateo 5:3

—Pa̱kij yej kimachi̱liáj ipan iya̱lmajmej iga yejáme̱nsan awel te̱ kichi̱waj iwá̱n ijko̱nya iga kite̱mowaj Dios, iga yejáme̱nya kipiaskej Dios iga iTe̱komej.

San Mateo 9:30

Iwá̱n tachákeja. Iwá̱n Jesús kitekimáꞌ nokta ino̱mej: —Amo agaj xikijli̱ka̱n.

San Marcos 7:37

Iwá̱n la gente poxsan madmira̱dowa̱yaj, iwá̱n kijtowa̱yaj: —Ini̱nya sí kichi̱wa nochi yej ye̱kti, este yej nagastzaktoꞌ kinagastapowa, iwá̱n yej awel tajtowa, wel kitajto̱ltiá.

San Marcos 9:25

Kua̱ꞌ Jesús kitaꞌ iga nemi monechko̱lo, kajajwaꞌ inó̱n ma̱lespí̱ritoj, kijlij: —Ti‑espíritu yej titano̱nojtiliá, iwá̱n yej titanagastzakua, nej nimitztekimaka iga xikí̱saya, xiká̱waya in iní̱n chokotzi̱n, iwá̱n ayoꞌ sej xikalaki ipan yéj.

San Lucas 4:18

IyEspí̱ritoj toTe̱ko ne̱pale̱wiá, Dios ne̱tapejpen iga manikui̱guili ye̱ꞌnoti̱ciaj yej ayá̱ꞌ motapialiáj. Ne̱ti̱tan iga manikachitialti yej moyo̱lmiktijtokej, iwá̱n iga manikijto̱ki ken iga maxitomika̱n yej ken ilpitokej, iwá̱n iga maniktachalti yej pachamej. Ne̱ti̱tan iga manikma̱nawi̱ki yej kikno̱chi̱waj.

San Juan 10:25

Jesús kijtoj: —Nimitzijlíjkeja iwá̱n ayá̱ꞌ anne̱cre̱dojkej. Yej ankitaj nikchi̱wa iga ijkó̱n nokta ne̱tekimaka noTaj, inó̱n kimelaꞌne̱xtiá a̱ꞌyéj in nej.

San Juan 10:38

Eꞌ siga nikchi̱wa yej kichi̱wa noTaj, malej ayá̱ꞌ anne̱cre̱dowaj nej, eꞌ xicre̱do̱ka̱n yej nikchi̱wa, iga xikmelaꞌmatika̱n nokta iga noTaj onoꞌ nowa̱n iwá̱n nej nonoꞌ iwá̱n noTaj.

San Juan 2:23

Kua̱ꞌ Jesús onoya Jerusalén, ka̱n mo‑ilwichi̱wiliá la Pascua, miaꞌ kicre̱dojkej ipan yéj iga kitayaj kichijchi̱waya milagro.

San Juan 3:2

Nicodemo yajki tayowaka̱n kipaxa̱lowili̱to Jesús, iwá̱n kijlij: —Tamachtia̱ni, nikmatij iga Dios mitzti̱tan iga xine̱machti̱ka̱n, iga ayagaj wel kichi̱wa milagro ken yej tej tikchi̱wa siga Dios ayá̱ꞌ onoꞌ íwa̱n.

San Juan 5:36

Eꞌ nej nikpiá ka̱n niktaksaltiá notájto̱l, má̱j ye̱kti que yej kijtoj Juan. Yej nej nikchi̱wa, inó̱n yej toTaj ne‑ijlij iga manikchi̱wa, iwá̱n inó̱n yej nikchi̱wa, kine̱xtiá iga kena, toTaj ne̱ti̱tan.

San Juan 9:7

Iwá̱n Jesús kijtoj: —Xaj ximo‑i̱xpa̱kati ipan a̱yawalwé̱j yej ito̱ka̱ꞌ Siloé —Siloé kijto̱jneki “yej kiti̱tankej”. Pacha yajki iwá̱n mo‑i̱xpa̱gaꞌ, iwá̱n kua̱ꞌ mokuepaꞌ, welja tachaya.

Hechos 2:22

’Nokni̱mej yej no̱ an‑israeli̱tajmej, xikakika̱n yej nia nimitzijli̱tij: Dios kiye̱ꞌitaꞌ Jesús yej icha̱n Nazaret. Iwá̱n amo‑i̱xtaj Jesús kichij miaꞌ milagro, iwá̱n yej pox ye̱kti iga Dios kipale̱wij. Iní̱n amejwa̱n ankimátija.

Santiago 2:5

Nokni̱wa̱n taꞌ xikakika̱n: Dios kitapejpen yej ayá̱ꞌ motapialiáj ipan iní̱n ta̱jli iga mamoconfia̱ro̱ka̱n ipan yéj, iga maonoka̱n ka̱n yéj reina̱rowa ken yéj kijtoj iga ye̱ꞌonoskej yej kinekij.