San Mateo 10:8 - El Nuevo Testamento

⁸ Xikachitialti̱ka̱n yej we̱titokej, xikojpa‑ixiti̱ka̱n yej miktokej, xikpajti̱ka̱n yej pala̱ntokej ikajlo̱mej iga kipiáj lepra, xiki̱xti̱ka̱n ma̱lespi̱ritojmej. Amejwa̱n ayá̱ꞌ ankikojkej iga iní̱n wel ankichi̱waj, amejwa̱n no̱ amo mamitzixta̱waka̱n iga iní̱n ankichi̱waj.

San Mateo 10:8 Iomraidhean Croise

San Mateo 10:1

Iwá̱n Jesús kino̱tzaꞌ doce idisci̱polojmej iwá̱n kimáꞌ poder iga wel makiki̱xti̱ka̱n ma̱lespi̱ritojmej iwá̱n iga wel makachitialti̱ka̱n yej de se̱seꞌpa iga we̱titokej iwá̱n nochi yej kuajkualo̱tokej.

San Mateo 10:7

Xikijlijtinemika̱n iga iná̱n sí na̱ꞌya onoꞌ iga Dios yawi reina̱ro̱ti ipan tejamej.

San Mateo 10:9

’Amo no̱ xikui̱gaka̱n ni alí̱n tomi̱n,

San Marcos 16:18

Kiki̱tzki̱skej kowa̱mej iga ima̱mej, iwá̱n siga koni̱skej tejté̱ yej te̱miktiá, até̱ kichi̱wili̱skej. Kita̱li̱skej ima̱mej ipan yej we̱titokej, iwá̱n achitiaskej.

San Lucas 10:9

xikachitialti̱ka̱n yej we̱titokej yej ompa onokej, iwá̱n xikijli̱ka̱n: “Ayoꞌ wejkatis iga reina̱ro̱j Dios ipan amejwa̱n.”

Hechos 3:6

Eꞌ Pedro kijtoj: —Anikpiá plata niga oro, eꞌ yej nikpiá nia nimitzmakati: Jesucristo yej de Nazaret nochi wel kichi̱wa iwá̱n yéj ne̱ti̱tan, inó̱n iga nimitzijliá, ximoketza wa̱n xinejnemi.

Hechos 4:30

Iwá̱n iga mopode̱r maachitiaka̱n yej we̱titokej iwá̱n mamochi̱wa weyi mila̱grojmej ipan ito̱ka̱ꞌ moPiltzi̱n Jesús yej ayí̱ꞌ kichij yej aye̱kti.