San Lucas 8:29 - El Nuevo Testamento

²⁹ Ijkó̱n kijtoj iga Jesús kitekimakatoya ma̱lespí̱ritoj iga maki̱sa ipan inó̱n ta̱gaꞌ. Má̱j achto ma̱lespí̱ritoj miaꞌ ve̱j kiki̱tzkia̱ya, malej iga kijikxi‑ilpia̱yaj iwá̱n kimajma‑ilpia̱yaj iga amo macholo; eꞌ yéj sankiko̱koto̱naya inó̱n cadena. Iwá̱n ma̱lespí̱ritoj kiwi̱gaya ipan desierto ka̱n ayagaj cha̱ntitoꞌ.

San Lucas 8:29 Iomraidhean Croise

San Marcos 5:8

Ijkó̱n kijtoj iga Jesús ijkí̱n kijlijtoya: —¡Ma̱lespí̱ritoj, xiki̱sa ipan iní̱n ta̱gaꞌ!

San Lucas 8:28

Kua̱ꞌ inó̱n ta̱gaꞌ kitaꞌ Jesús, motankua̱ketzaꞌ iyi̱xtaj, iwá̱n tzajtziꞌ, kijtoj: —¿Té̱ tikneki nowa̱n, tej Jesús yej iPiltzi̱n Dios yej onoꞌ pox ajko? Nimitztajtaniliá iga amo xine‑ikno̱chi̱wa.

San Lucas 8:30

Jesús kitajtan: —¿Té̱ moto̱ka̱ꞌ? Iwá̱n kijlij: —Noto̱ka̱ꞌ Miaꞌ. Kijtoj ijkó̱n iga miaꞌ ma̱lespi̱ritojmej onoyaj ipan inó̱n ta̱gaꞌ.

San Lucas 9:39

Se̱ ma̱lespí̱ritoj kiyokaki̱tzkiá iwá̱n kitzajtzi̱ltiá iwá̱n kikuejkuekuechkaltiá iwá̱n chijchalposo̱ntiá. Kipoxikno̱chi̱wa iwá̱n ayá̱ꞌ kikajte̱wasneki.

San Lucas 9:42

Kua̱ꞌ chokotzi̱n kina̱ꞌtechojtia̱ya Jesús, ma̱lespí̱ritoj kitájkal este ipan ta̱jli iga kikuejkuekuechkaltij recio. Eꞌ Jesús kajajwaꞌ inó̱n ma̱lespí̱ritoj iwá̱n kachitialtij inó̱n chokotzi̱n. Iwá̱n kimáꞌ sej itaj.