San Lucas 6:22 - El Nuevo Testamento

²² ’Xipa̱ktoka̱n kua̱ꞌ mitzijiyaj, iwá̱n kua̱ꞌ mitzki̱xtiáj ipan amoa̱ltepe̱ꞌ iga akinekij xonoka̱n iwa̱mej, iwá̱n kua̱ꞌ kuajkuantas mitzijliáj iwá̱n kua̱ꞌ mitzpi̱najtiáj iga anne̱tokaj nej yej iPiltzi̱n Ta̱gaꞌ.

San Lucas 6:22 Iomraidhean Croise

San Mateo 10:18

Iwá̱n iga notechko mitzwi̱gaskej iná̱ꞌ gobernado̱rmej iwá̱n re̱yejmej; ijkó̱n iga wel antajto̱skej de nej iyi̱xtaj yejamej iwá̱n yej ayéj judiyojmej.

San Mateo 10:22

Nochi yawij mitzijiyatij iga nej anne̱tokaj; eꞌ yej mane̱toka este que mamiki, yawi moma̱nawi̱ti.

San Mateo 10:39

Yej kineki san mamoma̱nawi, yawi poliwiti, eꞌ yej mamiki iga ne̱toka, nochipa onos nowa̱n.

San Lucas 20:15

Kiki̱xtijkej ipan u̱vajyoj iwá̱n kimiktijkej. Iwá̱n Jesús tatajtan: —Amejwa̱n, ¿kén ankitaj? Ite̱ko u̱vajyoj, ¿té a̱n kichi̱wili̱j in ino̱mej?

San Lucas 21:17

Iwá̱n nochi mitzijiyaskej iga anne̱tokaj.

San Lucas 6:21

’Xipa̱ktoka̱n amejame̱n yej iná̱n anmaya̱naj iga an‑ixwiskej. ’Xipa̱ktoka̱n yej iná̱n ancho̱kaj, iga anwetzkaskej.

San Juan 12:42

Eꞌ malej ijkó̱n, miaꞌ judiyojmej kicre̱dojkej Jesús, este yej má̱j tayaka̱ntokej, eꞌ ayá̱ꞌ momelaꞌne̱xtia̱yaj iga kimajmawilia̱yaj fariseojmej iga amo makiki̱xti̱ka̱n tio̱pan.

San Juan 16:2

Yawij mitzki̱xti̱tij ipan amotio̱pamej, iwá̱n kua̱ꞌ agaj de yejamej mitzmikti̱skej, yejamej kejla̱ntoskej iga ijkó̱n kichi̱waj, nemi kichi̱waj ken Dios kineki.

San Juan 17:14

Nej nikpowilíjkeja motájto̱l, eꞌ yej amitzi̱xmatij kijiyaj yej mitzi̱xmatij, iga yejamej ayoꞌ kichi̱waj ken yej ayá̱ꞌ mitzcre̱dowaj, kensan nej no̱ ayá̱ꞌ nikchi̱wa ken yej ayá̱ꞌ mitzcre̱dowaj.

San Juan 7:7

Yej ayá̱ꞌ ne̱cre̱dojtokej, amejwa̱n awel mitzijiyaj, eꞌ nej, kena ne‑ijiyaj, iga nikne̱xtiliáj iga kichijtokej yej aye̱kti.

San Juan 9:34

Iwá̱n judiyojmej kijtojkej: —Tej yej motékiya iga tikchíjtoꞌya yej aye̱kti, ¿tikneki xine̱machti̱ka̱n? Iwá̱n kiki̱xtijkej ipan tio̱pan.

Hechos 22:22

Ompa tamatiꞌ iga santakaktoyaj la gente, pe̱ꞌ tzajtzikej iga kijtojkej: —¡Mamíkiya! ¡Iní̱n ta̱gaꞌ akajasi iga maono!

Hechos 24:5

Pues nikasikej iní̱n ta̱gaꞌ tayojyokatijtinemi no̱ya̱n ipan iní̱n ta̱jli iwá̱n kichi̱wa iga mamoyojyokati̱ka̱n judiyojmej, iwá̱n yéjwaꞌ in yej ken tzontekon de ino̱mej yej kitokaj Jesús de Nazaret, yej moto̱ka̱wiáj nazarenos.

Hechos 9:16

Nej nia nikne̱xtili̱ti iga yéj yawij poxsan kikno̱chi̱watij iga ne̱toka.

Santiago 1:12

Pa̱ktoꞌ yej kijyo̱wiá inochi yej kiyo̱lmiktijtoꞌ, iga kua̱ꞌ pánoja, Dios kimakas yej pox ye̱kti iwá̱n pox mo̱nsajtiꞌ iga onos nochipa wa̱n Dios, ijkó̱n ken Dios kijlij nochi yej kinekij.

1 Pedro 3:14

Siga agaj mitzchi̱wiliáj tejté̱ iga ankichijtokej yej ye̱kti, amejwa̱n xipa̱kika̱n. Amo xikmajmawili̱ka̱n ni agaj, niga ximajmatoka̱n.