San Lucas 5:14 - El Nuevo Testamento

¹⁴ Jesús kijlij inó̱n yej achitiáꞌ iga amo agaj makijli a̱ꞌ kipajtij, iwá̱n kijlij: —Xaj ka̱n onoꞌ sacerdote iga mamitzita, iwá̱n xikmaka moofre̱ndaj Dios, ken Moisés tatekimáꞌ, iga Dios mitzpájtija iwá̱n iga mamomati iga tipájtiꞌya.

San Lucas 5:14 Iomraidhean Croise

San Mateo 10:18

Iwá̱n iga notechko mitzwi̱gaskej iná̱ꞌ gobernado̱rmej iwá̱n re̱yejmej; ijkó̱n iga wel antajto̱skej de nej iyi̱xtaj yejamej iwá̱n yej ayéj judiyojmej.

San Mateo 12:16

Iwá̱n yej kachitialtia̱ya, kitekimáꞌ iga amo makijto̱ka̱n a̱ꞌyéj in yéj.

San Mateo 8:4

Iwá̱n kijlij: —Taꞌ xikaki, amo agaj xikijli; xaj ka̱n onoꞌ sacerdote iga mamitzita, iwá̱n xikta̱li moofre̱ndaj ken tatekimaka iley Moisés, iga nochi makimati iga tipájtiꞌya.

San Mateo 9:30

Iwá̱n tachákeja. Iwá̱n Jesús kitekimáꞌ nokta ino̱mej: —Amo agaj xikijli̱ka̱n.

San Marcos 1:44

—Taꞌ xikaki, amo xikijli agaj kén iga ti‑achitiáꞌ, tej xaj ka̱n onoꞌ sacerdote iga mamitzita iwá̱n xikta̱li moofre̱ndaj iga tipájtiꞌya, kensan iley Moisés tatekimaka iga mamochi̱wa ijkó̱n. Iga nochi makimati iga tipájtiꞌya.

San Marcos 6:11

Iwá̱n siga kanaj ayá̱ꞌ mitzo̱mema̱wiáj niga mitzkakisnekij, xiki̱saka̱n ompa, xiktzejtzelo̱ka̱n amokxita̱lpíno̱l iga makimatika̱n iga ayá̱ꞌ kichijkej yej ye̱kti. Nimitzijliáj iga ino̱mej, kua̱ꞌ Dios tajuzga̱ro̱j, yejamej má̱j kikno̱chi̱waskej que yej de Sodoma iwá̱n de Gomorra iga ayá̱ꞌ mitzo̱mema̱wijkej.

San Lucas 17:14

Kua̱ꞌ Jesús kitaꞌ, kijlijkej: —Xa̱ka̱n iná̱ꞌ sacerdo̱tejmej. Mie̱j nemi ya̱yaj, achitiakej.

San Lucas 5:13

Jesús kichijchin iga ima̱ꞌ iwá̱n kijlij: —Kena, nikneki xipajti. Iwá̱n íkua̱ꞌsan pajtiꞌ ka̱n pala̱ntia̱ya.

San Lucas 9:5

Iwá̱n ka̱n ayá̱ꞌ mitzo̱mema̱wi̱skej, xiki̱saka̱n ipan inó̱n a̱ltepe̱ꞌ, xiktzejtzelo̱ka̱n amokxita̱lpíno̱l iga makimatika̱n iga ayá̱ꞌ kichijkej yej ye̱kti.