San Lucas 4:17 - El Nuevo Testamento

¹⁷ Kimakakej se̱ a̱maꞌ yej kijkuiloj el profeta Isaías, iwá̱n kua̱ꞌ kitapoj, kasiꞌ ka̱n ijkí̱n ijkuilijtoꞌ:

San Lucas 4:17 Iomraidhean Croise

San Lucas 16:29

Eꞌ Abraham kijlij: “Ompiga onoꞌ yej kijkuiloj Moisés iwá̱n profe̱tajmej, ¡inó̱n makikakika̱n!”

San Lucas 20:42

Puej Davidsan kijtoj ipan libro de los Salmos, kijtoj: ToTe̱ko Dios kijlij noTe̱ko: “Ximota̱li ila̱doj noye̱ꞌma̱ꞌ ka̱n nimanda̱rowa,

San Lucas 4:16

Jesús yajki Nazaret, ka̱n moskaltij. Ipan día kua̱ꞌ mose̱wilo, kalaꞌ tio̱pan ken iga nochipa kichi̱waya. Iwá̱n moketzaꞌ iga kilee̱roj itájto̱l Dios.

San Lucas 4:18

IyEspí̱ritoj toTe̱ko ne̱pale̱wiá, Dios ne̱tapejpen iga manikui̱guili ye̱ꞌnoti̱ciaj yej ayá̱ꞌ motapialiáj. Ne̱ti̱tan iga manikachitialti yej moyo̱lmiktijtokej, iwá̱n iga manikijto̱ki ken iga maxitomika̱n yej ken ilpitokej, iwá̱n iga maniktachalti yej pachamej. Ne̱ti̱tan iga manikma̱nawi̱ki yej kikno̱chi̱waj.

San Lucas 4:20

Iwá̱n Jesús kiki̱kimiloj in inó̱n a̱maꞌ iwá̱n kimáꞌ yej manda̱rowa, iwá̱n Jesús mota̱lij. Eꞌ yej ompa onoyaj tio̱pan, kitachi̱lijtikajkej Jesús.

Hechos 13:15

Kua̱ꞌ moleé̱roja iley Moisés iwá̱n yej kijkuilojkej profe̱tajmej, yej manda̱rowaj tio̱pan kino̱tzkej Pablo iwá̱n sekin, kijlijkej: —Nokni̱mej siga tejté̱ anne‑ijli̱jnekij yej nigaj nonokej iga anne̱no̱no̱tzaj, xine‑ijli̱ka̱n iná̱n.

Hechos 13:27

Iga yej cha̱ntitoyaj Jerusalén iwá̱n yej ompa manda̱rowa̱yaj ayá̱ꞌ kimatikej a̱ꞌyéj in Jesús. Niga kentende̱rowa̱yaj itajto̱lmej profe̱tajmej, yej molee̱rowa nochipa pan día kua̱ꞌ mose̱wilo; ijkó̱n kua̱ꞌ kimiktijkej Jesús kichijkej ken kijkuilojkej profe̱tajmej.

Hechos 7:42

Iwá̱n Dios kikajtej yejame̱n, kisemakákeja iga makiweyimati̱lti̱ka̱n si̱talimej. Ijkí̱n ijkuilijtoꞌ ipan ili̱broj profe̱tajmej: Amejwa̱n de Israel, ¿ix amejwa̱n ankimiktijkej yo̱lka̱mej iga anne̱makakej ofrenda kua̱ꞌ amonoyaj ipan desierto cuarenta años?