San Lucas 3:14 - El Nuevo Testamento

¹⁴ Iwá̱n solda̱dojmej no̱ tatajtankej: —In nejame̱n, ¿té̱ nikchi̱waskej? Juan kijtoj: —Amo agaj xikmajmajti̱ka̱n, niga xikna̱mo̱lpanti̱ka̱n ka̱nsan xikui̱li̱ka̱n itomi̱n Iwá̱n xitawelonóka̱nya, achó̱n ke̱ꞌya iga ankita̱niáj.

San Lucas 3:14 Iomraidhean Croise

San Mateo 8:5

Kua̱ꞌ Jesús asiꞌ ipan a̱ltepe̱ꞌ Capernaum, se̱ capitán de Roma yajki kitecho̱to Jesús iwá̱n kitekiꞌtajtanilij,

San Lucas 19:8

Iwá̱n Zaqueo moketzaꞌ, kijlij toTe̱ko: —Taꞌ xikita noTe̱ko, nia nikmakati la mitad notomi̱n yej amotapialiáj; iwá̱n siga agaj nikichtekilij tejté̱, nia nikuepili̱ti cuatro ve̱j má̱j.

San Lucas 3:10

Iwá̱n la gente tatajtankej: —¿Té̱taj nikchi̱waskej?

San Lucas 3:13

Juan kijtoj: —Xitacobra̱do̱ka̱n acho̱nsan ke̱ꞌ mitztekimakaj yej mitzmanda̱rowaj.

Hechos 10:7

Kua̱ꞌ yájkiya el ángel yej tajtojtoya íwa̱n, Cornelio kino̱tzaꞌ o̱me̱n itekipanowa̱nimej iwá̱n se̱ soldado yej kiye̱ꞌitaya, yej no̱ kicre̱dowa Dios.

Filipenses 2:15

iga amo agaj wel makijto iga ankichijtokej yej aye̱kti. Wa̱n amo ximoweyimatika̱n, iga amejwa̱n ipilowa̱n Dios, xiye̱ꞌnemika̱n iyi̱xtaj la gente yej kipoxchi̱waj yej aye̱kti. Amejwa̱n ken si̱talimej yej ankita̱wiáj yej onokej ka̱n takomichka̱n

Filipenses 4:11

Ayá̱ꞌ nikijtowa iga poxsan nikneki xine̱pale̱wi̱ka̱n, iga nej nochipa nipa̱ktoꞌ ke̱ꞌya iga nikpiá.

Tito 2:3

Ijko̱nsan no̱ toyꞌelamatkej, maye̱ꞌnemika̱n, amo matapo̱pojtinemika̱n niga mata̱wa̱naka̱n. Wel ipan yejame̱n mami̱xkui̱ti̱ka̱n sekin,

El Apocalipsis 12:10

Iwá̱n nikaguiꞌ se̱ tájto̱l yej recio ipan cielo, kijtoj: —Dios kima̱náwija ige̱ntej; kine̱xtij iga nochi wel kichi̱wa iwá̱n yéjsan reina̱rowa. Iná̱n Cristo no̱ya̱n reina̱rowa iga kipata̱ntijkej ta̱lpan Tzitzimiꞌ yej kite̱lwia̱ya tokni̱wa̱n, kite̱lwia̱ya semilwiꞌ iwá̱n senyówal iyi̱xtaj Dios.