San Lucas 24:19 - El Nuevo Testamento

¹⁹ Yéj tatajtan: —¿Té̱ sucede̱roj? Yejame̱n kijlijkej: —Yej kichi̱wilijkej Jesús yej icha̱n Nazaret, se̱ profeta katka yej kichij yej pox ye̱kti iga ipode̱r iwá̱n iga itájto̱l, ijkó̱n Dios kipoxye̱ꞌitaꞌ iwá̱n la gente no̱ kiye̱‑itaꞌ.

San Lucas 24:19 Iomraidhean Croise

San Mateo 21:11

La gente kijtowa̱ya: —Ini̱nwaꞌ profeta Jesús, yej moskaltij Nazaret ipan ta̱jli de Galilea.

San Marcos 1:24

—¿Té anne̱chi̱wili̱koj Jesús de Nazaret? ¿Ix tiwa̱laj iga anne̱polo̱koj? Nej nimitzi̱xmati, iwá̱n nikmati iga tej nokta yej Dios mitztapejpen.

San Lucas 24:18

Iwá̱n se̱ de yejamej yej ito̱ka̱ꞌ Cleofas kijtoj: —Nochi kimati yej mochij Jerusalén ini̱mej días. ¿Ix tejsan yej ompa tonoya yej atikmati?

San Lucas 7:16

Iwá̱n nochi yej ompa onoyaj momajtijkej iwá̱n ijkí̱n kiweyimati̱ltia̱yaj Dios: —Te‑i̱xna̱mikiko se̱ profeta yej kipoxpiá poder. Iwá̱n kijtowa̱yaj no̱: —Dios wa̱laj kipale̱wi̱ko ige̱ntej.

San Juan 3:2

Nicodemo yajki tayowaka̱n kipaxa̱lowili̱to Jesús, iwá̱n kijlij: —Tamachtia̱ni, nikmatij iga Dios mitzti̱tan iga xine̱machti̱ka̱n, iga ayagaj wel kichi̱wa milagro ken yej tej tikchi̱wa siga Dios ayá̱ꞌ onoꞌ íwa̱n.

San Juan 4:19

Kua̱ꞌ iní̱n kikaguiꞌ siwa̱ꞌ, kijtoj: —Nej nikita iga tej tiprofe̱taj.

San Juan 6:14

Kua̱ꞌ la gente kitaꞌ iga Jesús kichij milagro, kijtojkej: —Kena, iní̱n profeta yej momatiá iga yawi wi̱kiti ipan iní̱n ta̱jli.

San Juan 7:52

Iwá̱n kijlijkej: —¿In tej no̱ tigalileo? Ximomachti ka̱n ijkuilijtoꞌ, iwá̱n tikitas iga nisé̱ profeta ayá̱ꞌ wa̱laj de Galilea.

Hechos 10:38

Ankimatij no̱ ken iga Dios kimáꞌ Jesús de Nazaret iyEspí̱rito Santo iga wel makichijtinemi yej ye̱kti iwá̱n makachitialtijtinemi nochi yej tzitzimiꞌ kikno̱chijtoya. Jesús kichi̱waya inó̱n iga Dios onoya íwa̱n.

Hechos 2:22

’Nokni̱mej yej no̱ an‑israeli̱tajmej, xikakika̱n yej nia nimitzijli̱tij: Dios kiye̱ꞌitaꞌ Jesús yej icha̱n Nazaret. Iwá̱n amo‑i̱xtaj Jesús kichij miaꞌ milagro, iwá̱n yej pox ye̱kti iga Dios kipale̱wij. Iní̱n amejwa̱n ankimátija.

Hechos 7:22

Inó̱n iga Moisés momachtij ken momachtiáj egi̱pciojmej. Yéj manda̱rowa̱ya poxsan iwá̱n nochi ken tatekimakaya mochi̱waya.