San Lucas 23:4 - El Nuevo Testamento

⁴ Iwá̱n Pilato kijlij ije̱fejmej sacerdo̱tejmej iwá̱n la gente: —Iní̱n ta̱gaꞌ ayá̱ꞌ nikasiliá siga kichij yej aye̱kti.

San Lucas 23:4 Iomraidhean Croise

San Mateo 27:19

Mie̱j Pilato e̱watoya ipan iweyi‑asie̱ntoj ka̱n manda̱rowa, isiwa̱ꞌ kitati̱tanilij iga kijlij: “Amo te̱ xikchi̱wili iní̱n ta̱gaꞌ, yéj ayá̱ꞌ nemi kichi̱wa yej aye̱kti. Nej yowa̱n nikte̱miꞌ poxsan yej ajaye̱kti iga yéj.”

San Marcos 15:14

Eꞌ Pilato kijtoj: —¿Té̱taj kichij yej aye̱kti? Eꞌ yejame̱n ma̱jya tzajtzikej: —¡Xikmikti ipan cruz!

San Lucas 23:22

Ipan e̱yi ve̱j iga tatajtan Pilato, kijtoj: —Puej, ¿té̱taj kichij yej aye̱kti? Nej ayá̱ꞌ nikasiliá nité̱ yej kajasi iga mamiki. Nia nicastiga̱ro̱ti iwá̱n nia nikmajka̱wati.

San Juan 18:38

Pilato kijtoj: —¿Te̱ iteki in yej melaꞌcie̱rtoj? Kua̱ꞌ tamiꞌ kitajtajtan, Pilato sej ki̱saꞌ iga tajto̱to iwá̱n judiyojmej, iwá̱n kijtoj: —Nej ayá̱ꞌ nikasiliá siga iní̱n ta̱gaꞌ kichij yej aye̱kti.

Hechos 25:25

Eꞌ nej anikasilij tejté̱ yej aye̱kti yej kajasi iga mamomikti, eꞌ como yéj kitajtan iga makijuzga̱ro rey César Augusto, inó̱n iga nia nikti̱tanili̱ti yéj.

Hechos 3:13

Ayéj ijkó̱n, ma̱jwaꞌ ino̱nsan iDio̱s to‑ikyapatajwa̱n Abraham, Isaac iwá̱n Jacob kichij iní̱n iga kipoxye̱ꞌita Jesús yej iPiltzi̱n. Inó̱n Jesús yej amejame̱n ankijiyakej iwá̱n ankika̱watoj ipan ima̱ꞌ Pilato yej gobernador. Kua̱ꞌ Pilato kinekiá makimajka̱wa, amejame̱n ayá̱ꞌ ankinekikej.

Hebreos 7:26

Jesús nokta in ije̱fej sacerdo̱tejmej yej má̱j wel te̱pale̱wiá. Yéj Dios kiye̱ꞌitaꞌ, ayí̱ꞌ kichij yej aye̱kti, ayá̱ꞌ kichi̱wa ken ino̱mej yej ayompa nemij. Iwá̱n Jesús kita̱lkej má̱j ajko que nochi yej onoꞌ ipan cielo.

1 Pedro 1:19

sino que iga Jesucristo iyesyo yej pox vale̱rowa. Jesucristo kimiktijkej ken se̱ borre̱gojtzi̱n yej ye̱ktitoꞌ, yej ayí̱ꞌ kichij yej aye̱kti.

1 Pedro 2:22

Cristo ayí̱ꞌ kichij yej aye̱kti iwá̱n ayí̱ꞌ takajkayaj.

1 Pedro 3:18

Porque Cristo no̱ kikno̱chijkej kua̱ꞌ kimiktijkej iga yej aye̱kti tikchijkej. Miꞌ se̱san ve̱j iga totechko iwá̱n ayꞌ kajasi sej iga mamiki iga tejamej. Yéj ayá̱ꞌ kichij yej aye̱kti; eꞌ miguiꞌ iga yej kichi̱waj yej aye̱kti wel maonoka̱n ite̱noj Dios. Miguiꞌ icue̱rpoj iwá̱n iyEspí̱ritoj Dios ki‑ojpa‑ixitij.