San Lucas 22:30 - El Nuevo Testamento

³⁰ Iwá̱n amejwa̱n antakua̱skej iwá̱n an‑a̱tiskej ipan nome̱saj ka̱n nitagoberna̱ro̱j iwá̱n nia nimitzmakatij iga xikjuzga̱ro̱ka̱n ino̱mej doce tribu yej wa̱lkej ipan ipilowa̱n Israel.

San Lucas 22:30 Iomraidhean Croise

San Mateo 19:28

Jesús kijtoj: —Nimitznojma‑ijliáj iga inó̱n ve̱j kua̱ꞌ Dios kichi̱was iga ta̱jli maye̱ꞌono, kua̱ꞌ nej yej iPiltzi̱n Ta̱gaꞌ nimota̱li̱j ka̱n nirreina̱rowa, amejame̱n yej anne̱tokakej, anyawij no̱ anmota̱li̱tij ipan doce wejweyi asiento ka̱n anmanda̱ro̱skej iga sejsé̱ de amejwa̱n ankijuzga̱ro̱skej sejsé̱ de inó̱n doce tribu yej wa̱lkej ipan ipilowa̱n Israel.

San Mateo 5:3

—Pa̱kij yej kimachi̱liáj ipan iya̱lmajmej iga yejáme̱nsan awel te̱ kichi̱waj iwá̱n ijko̱nya iga kite̱mowaj Dios, iga yejáme̱nya kipiaskej Dios iga iTe̱komej.

San Mateo 8:11

Nej nimitzijliáj iga poxsan wi̱tzelo̱j ka̱n iki̱sáya̱mpa to̱nati̱ꞌ iwá̱n ikalakíya̱mpaꞌ, iwá̱n mota̱li̱skej iga takua̱skej wa̱n Abraham, Isaac iwá̱n Jacob ipan cielo ka̱n reina̱rowa Dios;

San Lucas 12:37

Pa̱ktokej tekipanowa̱nimej iga kua̱ꞌ asis ite̱ko makasikij isatokej; nimitznojma‑ijliáj iga ite̱ko yawi ki̱xna̱nti̱tij ipan mesa iwá̱n yéjsan ima̱tika kita̱li̱j tákual.

San Lucas 14:15

Kua̱ꞌ kikáꞌ iní̱n, se̱ yej ki̱xna̱ntoya mesa kijlij Jesús: —Pa̱ktoꞌ yej takua ipan ilwiꞌ yej kichi̱wiliáj ino̱mej yej mote̱makaj iga Dios marreina̱ro ipan yejame̱n.

2 Timoteo 2:12

Siga te‑ikno̱chi̱waj, tisenreina̱ro̱skej íwa̱n. Siga tikijtowaj iga ayá̱ꞌ tiki̱xmatij Jesús, yéj no̱ yawi kijto̱ti iyi̱xtaj Dios iga ayá̱ꞌ te‑i̱xmati.

Santiago 1:1

Nej niSantia̱go, yej nikchijtoꞌ ken kineki Dios iwá̱n toTe̱ko Jesucristo, nimitzsaluda̱rowaj amonochi̱n yej ankitokaj Dios yej ampa̱payi̱ntokej no̱ya̱n ipan iní̱n ta̱jli.

El Apocalipsis 19:9

Iwá̱n el ángel ne‑ijlij: —Ijkí̱n xikijkuilo: “Mapa̱ktoka̱n yej onoskej ken te‑ikni̱wa̱n iga yawij mota̱li̱tij ka̱n takualo kua̱ꞌ mona̱mikti̱j el Cordero.” Iwá̱n ne‑ijlij: —Ini̱nwaꞌ itajto̱lmej nokta Dios yej ayá̱ꞌ takajkaya̱wa.

El Apocalipsis 3:21

Yej kita̱nili̱skej Tzitzimiꞌ, nia nikta̱li̱tij noná̱ꞌ iga ijkó̱n no̱ marreina̱ro̱ka̱n ken nej ne̱watoꞌ iga nirreina̱rowa, ijkó̱n ken nej no̱ nikta̱nilij Tzitzimiꞌ iwá̱n nimotá̱lija iwá̱n noTaj ka̱n yéj e̱watoꞌ iga reina̱rowa.

El Apocalipsis 4:4

Iwá̱n inó̱n trono kiyawalojtoya seꞌ veinticuatro tronos iwá̱n ipan inó̱n veinticuatro tronos eje̱watoyaj veinticuatro ancia̱nojmej, inochimej ijista̱ꞌ itzotzolmej, iwá̱n ipan itzontekomej kipiayaj icoro̱najmej puro de oro.