San Lucas 22:15 - El Nuevo Testamento

¹⁵ Jesús kijtoj: —¡Poxsan niknektoya matisentakua̱ka̱n ipan la Pascua mie̱j aya nimiki!

San Lucas 22:15 Iomraidhean Croise

San Lucas 12:50

Nia nipano̱ti ken ipan se̱ bautismo iga yawij ne̱poxikno̱chi̱watij, ¡poxsan nimoyo̱lmiktijtoꞌ malej ga aya asi inó̱n día iga mamochi̱wa!

San Lucas 22:14

Kua̱ꞌ asiꞌ hora, Jesús iwá̱n iyapo̱stolejmej ki̱xna̱nkej mesa.

San Lucas 22:16

Iga nimitzijliáj iga ayoꞌ má̱j nikchi̱was, este que mamochi̱wa ka̱n reina̱rowa Dios.

San Juan 13:1

Kua̱ꞌ mo̱stápaya iyilwiyo la Pascua, Jesús kimatiáy iga ásiꞌya hora iga yawi kikajte̱wati iní̱n ta̱jli iga yáwiya ka̱n onoꞌ toTaj. Yéj nochipa kineꞌ yej kitokatinemiáj, yej onoyaj ipan iní̱n ta̱jli, iwá̱n iga mikis ne̱sis iga kipoxneki ini̱mej yej yéj itatki.

San Juan 17:1

Kua̱ꞌ tamiꞌ iní̱n kijtoj, Jesús tacháꞌ cie̱lojkóbapa iwá̱n kijtoj: —NoTaj, ásiꞌya hora. Xikweyimati̱lti moPiltzi̱n, iga nej yej moPiltzi̱n no̱ manimitzweyimati̱lti.

San Juan 4:34

Eꞌ Jesús kijtoj: —Iga manikchi̱wa ken kineki yej ne̱ti̱tan, iwá̱n maniktamili itekipáno̱l; ino̱nwaꞌ in notákual.