San Lucas 21:25 - El Nuevo Testamento

²⁵ Jesús no̱ kijtoj: —Ne̱sis yej ayi̱ꞌpa mo‑ita ipan el sol, ipan me̱tzti iwá̱n ipan si̱talimej; iwá̱n ipan ta̱jli la gente ayꞌya yawij kimatitij te̱ yawij kichi̱watij iwá̱n momajti̱skej iga pox tikui̱ntoꞌ láma̱r iwá̱n maréja̱l.

San Lucas 21:25 Iomraidhean Croise

San Mateo 24:29

Jesús kijtoj: —Kua̱ꞌ páno̱jya ino̱mej días iga mokno̱chi̱walo̱j, yawi tako̱mitiati iga ayꞌya ta̱wi̱j to̱nati̱ꞌ, niga ayꞌya tame̱tzto̱nas; si̱talimej yej onokej ipan cielo wejwetziskej. Nochi yej onokej ipan cielo mojo̱li̱naskej.

San Mateo 27:45

Kua̱ꞌ asiꞌ tajkodía, no̱ya̱n ipan ta̱jli tako̱mitiáꞌ, ijkó̱n tako̱mititoya este las tres tio̱takpan.

San Marcos 13:24

Jesús kijtoj: —Kua̱ꞌ páno̱jya ino̱mej días iga mokno̱chi̱walo̱j, yawi tako̱mitiati iga ayꞌ ta̱wi̱j to̱nati̱ꞌ, niga ayꞌya tame̱tzto̱nas;

San Marcos 13:26

Íkua̱ꞌya ne‑itaskej nej yej iPiltzi̱n Ta̱gaꞌ yej niwi̱ꞌ ipan mixti, nita̱wijtiwi̱ꞌ iga noweyipode̱r.

San Marcos 15:33

Kua̱ꞌ asiꞌ tajkodía, no̱ya̱n ipan ta̱jli tako̱mitiáꞌ, ijkó̱n tako̱mititoya este las tres tio̱takpan.

San Lucas 21:24

Sekin kimikti̱skej iga espada iwá̱n sekin yawij kiwi̱gatij preso ipan sekin pai̱smej; yej ayéj de Israel yawij kita̱taksatij yej cha̱ntitokej Jerusalén. Iní̱n kichi̱waskej este kua̱ꞌ kijto̱j Dios.

San Lucas 21:26

La gente tapoliwiskej iga majmawiskej iga kejla̱ntoskej te̱ nokta yawi mochi̱wati ipan iní̱n ta̱jli; iwá̱n este si̱talimej mojo̱li̱naskej.

Hechos 2:19

Nia nikne̱xti̱ti nopode̱r ajko ipan cielo, iwá̱n tani ipan ta̱jli onos yej tane̱xtiliá: esti, tiꞌti iwá̱n mixti de po̱kti.

El Apocalipsis 20:11

Iwá̱n nikitaꞌ weyi asiento yej este ista̱ꞌ, ka̱n mota̱liá Dios iwá̱n yéj ompa e̱watoꞌ. Iyi̱xtaj yéj, ta̱jli iwá̱n cielo melaꞌpoliwikej, aka̱wiꞌ nité̱.