San Lucas 13:14 - El Nuevo Testamento

¹⁴ Eꞌ yej manda̱rowa tio̱pan kuejkuesiwiꞌ iga Jesús taachitialtij ipan día kua̱ꞌ mose̱wilo, kijlij yej ompa onoyaj: —Onoꞌ seis día iga tekipano̱lo. Ipan ino̱mej día xiwi̱kika̱n, ximoachitialti̱kij, ayéj ipan día kua̱ꞌ mose̱wilo.

San Lucas 13:14 Iomraidhean Croise

San Mateo 12:2

Kua̱ꞌ fariseojmej inó̱n kitakej, kijlijkej Jesús: —Taꞌ xikita, modisci̱polojmej nemi tekipanowaj; inó̱n aye̱kti iga mamochi̱wa ipan día kua̱ꞌ mose̱wilo.

San Marcos 5:22

Iwá̱n asiko se̱ ta̱gaꞌ yej manda̱rowa ipan se̱ itio̱pan israeli̱tajmej. Inó̱n ta̱gaꞌ ito̱ka̱ꞌ Jairo; kua̱ꞌ yéj kitaꞌ Jesús, motankua̱ketzaꞌ iyikxite̱noj.

San Lucas 6:11

Yej ompa onoyaj poxsan kuejkuesiwikej, iwá̱n pe̱wakej iga mota̱tapo̱wijkej té̱ wel kichi̱wilia̱yaj Jesús.

San Lucas 6:7

Iwá̱n ino̱mej yej tamachtiáj ipan iley Moisés iwá̱n fariseojmej kipi̱piayaj Jesús iga makitaka̱n siga kachitialti̱j ipan día kua̱ꞌ mose̱wilo. Iga ijkó̱n wel makasika̱n ken iga makite̱lwi̱ka̱n.

San Lucas 8:41

Iwá̱n asiꞌ se̱ ta̱gaꞌ yej ito̱ka̱ꞌ Jairo yej manda̱rowa tio̱pan. Inó̱n ta̱gaꞌ motankua̱ketzato iyikxite̱noj Jesús, iwá̱n iga inewi iya̱lmaj kitajtanilij iga mayawi icha̱n

Hechos 13:15

Kua̱ꞌ moleé̱roja iley Moisés iwá̱n yej kijkuilojkej profe̱tajmej, yej manda̱rowaj tio̱pan kino̱tzkej Pablo iwá̱n sekin, kijlijkej: —Nokni̱mej siga tejté̱ anne‑ijli̱jnekij yej nigaj nonokej iga anne̱no̱no̱tzaj, xine‑ijli̱ka̱n iná̱n.

Hechos 18:17

Wa̱n nochi grie̱gojmej kiki̱tzkijkej Sóstenes yej manda̱rowa tio̱pan iwá̱n kimagakej ómpasan iyi̱xtaj gobernador. Eꞌ Galión mochij kenkua̱ꞌ ayá̱ꞌ kitztoꞌ.

Hechos 18:8

Iwá̱n Crispo, yej manda̱rowa tio̱pan, iwá̱n inochi yej onoꞌ icha̱n kicre̱dojkej toTe̱ko. Iwá̱n no̱ miaꞌ de Corinto, kua̱ꞌ kikakikej itájto̱l Dios, kicre̱dojkej wa̱n mobautiza̱rojkej.

Romanos 10:2

Niye̱ꞌtajtowa iga yejamej, poxsan kiweyimati̱ltiáj Dios, eꞌ ayá̱ꞌ kimatij ken iga makiye̱ꞌchi̱waka̱n.