San Lucas 11:2 - El Nuevo Testamento

² Jesús kijtoj: —Kua̱ꞌ antajtowaj wa̱n Dios, xikijto̱ka̱n: NoTaj yej tonoꞌ ipan cielo, nochi makiweyimati̱lti moto̱ka̱ꞌ. Xirreina̱ró̱kiya. Mamochi̱wa ken tej tikneki ipan ta̱jli, ijkó̱n ken mochijtoꞌ ipan cielo.

San Lucas 11:2 Iomraidhean Croise

San Mateo 10:32

’Inewi yej kinojma‑ijtowa iyi̱xtaj la gente iga ne̱toka, nej no̱ iyi̱xtaj noTaj yej onoꞌ ipan cielo, nia nikijto̱ti iga ne̱toka.

San Mateo 3:2

iwá̱n kijtowa̱ya: —Xikajte̱wáka̱nya iga ankichi̱waj yej aye̱kti iga ayoꞌ wejkatis iga Dios yawi reina̱ro̱ti ipan tejamej.

San Mateo 5:16

Ijko̱nsan no̱ amejwa̱n xikchi̱waka̱n yej ye̱kti iyi̱xtaj la gente, iwá̱n kua̱ꞌ mitzitaskej iga ankichijtokej yej ye̱kti, kiweyimati̱lti̱skej toTaj Dios yej onoꞌ ajko.

San Lucas 11:1

Se̱ día Jesús ora̱dojtoya ipan se̱ lugar iwá̱n kua̱ꞌ tamiꞌ ora̱doj se̱ idiscí̱poloj kitajtan: —NoTe̱ko, xine̱ne̱xtili̱ka̱n ken iga mani‑o̱ra̱do̱ka̱n, ijkó̱n ken Juan kine̱xtilij no̱ idisci̱polojmej.

Romanos 1:7

Nimitzijkuilowiliáj amonochi̱n amejwa̱n yej ancha̱ntitokej ipan weyi‑a̱ltepe̱ꞌ Roma. Amejwa̱n yej Dios mitznekij, iwá̱n mitztapejpenkej iga ximochi̱waka̱n itatki. Dios yej toTaj wa̱n toTe̱ko Jesucristo mamitzmakaka̱n yej ye̱kti iwá̱n makichi̱wa iga xonoka̱n tamelá̱.

Romanos 8:15

Puej iyEspí̱ritoj Dios yej mitzmakakej, ayéj se̱ espíritu yej mitzescla̱vojtiliáj iga sej ximajmawika̱n, sino que Espíritu yej kichi̱wa iga ximochi̱waka̱n ipilowa̱n Dios. Iwá̱n iní̱n Espíritu kichi̱wa iga matikijli̱ka̱n Dios: ¡Nopáj!

1 Corintios 1:3

Dios yej toTaj iwá̱n toTe̱ko Jesucristo mamitzmakaka̱n yej ye̱kti, iwá̱n xonoka̱n tamelá̱.

2 Corintios 1:2

Dios yej tóTajpa iwá̱n toTe̱ko Jesucristo mamitzyo̱lchikajtoka̱n iwá̱n makichi̱wa iga xonoka̱n tamelá̱.

Gálatas 1:4

Jesucristo kichij ken kineꞌ Dios yej toTaj wa̱n mote̱máꞌ iga miꞌ iga totechko, iga mate̱ma̱nawi iga ayꞌya matikchi̱waka̱n yej aye̱kti ken kitekichi̱waj yej onokej iná̱n ipan iní̱n ta̱jli.

Efesios 1:2

Dios yej toTaj iwá̱n toTe̱ko Jesucristo mamitzyo̱lchika̱waka̱n iwá̱n makichi̱waka̱n iga pan amoa̱lmaj xonoka̱n tamelá̱.

Filipenses 1:2

ToTaj Dios iwá̱n toTe̱ko Jesucristo mamitzcho̱kili̱ka̱n iwá̱n makichi̱waka̱n iga xonoka̱n tamelá̱.

Filipenses 4:20

¡Nochipa mamoweyimati̱lti toTaj Dios! Ijkó̱nyawaꞌ.

Colosenses 1:2

nimitzijkuilowiliáj iní̱n a̱maꞌ amejwa̱n nokni̱mej yej amonokej Colosas yej Dios mitztapejpenkej, iwá̱n ayá̱ꞌ ankikajte̱waj iga ankitokaj iyojwi Cristo. Dios yej toTaj mamitzyo̱lchika̱waka̱n iwá̱n makichi̱wa iga xonoka̱n tamelá̱.

1 Tesalonicenses 1:1

Nej niPablo, wa̱n Silvano iwá̱n Timoteo nimitzijkuilowiliáj iní̱n a̱maꞌ amejwa̱n nokni̱wa̱n yej ankitokaj Dios yej ancha̱ntitokej Tesalónica, yej anse̱titokej iwá̱n toTaj Dios iwá̱n toTe̱ko Jesucristo. Dios yej toTaj iwá̱n toTe̱ko Jesucristo mamitzyo̱lchika̱waka̱n iwá̱n makichi̱waka̱n iga tamelá̱ xonoka̱n.

1 Tesalonicenses 1:3

Nikmakaj gracias toTaj Dios iga yej ankichi̱waj yej ye̱kti, ijkó̱n anmone̱xtiáj iga anmoconfia̱rojtokej pan toTe̱ko. Iwá̱n no̱ nikmakaj gracias Dios iga poxsan ante‑ijikni̱mej, ankipale̱wijkej sekin, iwá̱n iga ankichi̱xtokej toTe̱ko Jesucristo, inó̱n mitzpale̱wiáj iga nochipa xikchi̱xtoka̱n.

2 Tesalonicenses 2:16

Dios yej tóTajpa te̱neki wa̱n te̱cho̱kiliá. Te‑ijliá iga tiawij tonotij nochipa wa̱n yéj, iwá̱n tikmatij iga te̱makaskej yej ye̱kti. Nejamej niktajtaniliáj toTe̱ko Jesucristo iwá̱n Dios yej tóTajpa

El Apocalipsis 11:15

Iwá̱n kua̱ꞌ ásiꞌya pan siete ángel iga kipi̱tzaꞌ itrompe̱taj, mokaguiꞌ tajto̱lmej yej recio ipan cielo, kijtowa̱yaj: Iná̱n toTe̱ko Dios iwá̱n Cristo yej iPiltzi̱n; nochipa yawij manda̱ro̱tij ipan ta̱jli wa̱n ayí̱ꞌ tamis iga manda̱rowaj.

El Apocalipsis 15:4

NoTe̱ko, ¿a̱ꞌyéj ayá̱ꞌ mamitzmajmawili? ¿A̱ꞌyéj ayá̱ꞌ mamitzweyimati̱lti? Tejsan mose̱lti yej ayí̱ꞌ tikchi̱wa yej aye̱kti, iwá̱n inochi nacio̱mej wi̱kitij iwá̱n mitzweyimati̱lti̱skej, iga inochi kitakej yej tej tikchi̱wa poxsan ye̱kti.

El Apocalipsis 19:6

Nikaguiꞌ no̱ ken tikita itájto̱l miaꞌ gente, ken kua̱ꞌ wo̱pa a̱ꞌti iwá̱n ken kua̱ꞌ tatikui̱ni, kijtowa: ¡Mamoweyimati̱lti toTe̱ko Dios! Yéj nochi wel kichi̱wa iwá̱n pé̱waꞌya iga reina̱rowa.

El Apocalipsis 20:4

Iwá̱n nikitaꞌ weyi asie̱ntojmej ka̱n mota̱liáj yej manda̱rowaj, ipan inó̱n mota̱lkej yej kimakakej poder iga matajuzga̱ro̱ka̱n. No̱ nikitaꞌ iya̱lmajmej yej kikechtekkej iga kipowakej yej kichij Jesús wa̱n itájto̱l Dios. Yejamej ayá̱ꞌ kiweyimatikej weyi aníma̱l niga kiweyimatikej iyimagen weyi aníma̱l iwá̱n ayá̱ꞌ mote̱makakej iga makita̱lili̱ka̱n ima̱rcaj iyi̱xpan niga ipan ima̱mej. Nikita iga ini̱mej ojpa‑isakej iwá̱n reina̱rojkej iwá̱n Cristo mil años.