San Lucas 1:49 - El Nuevo Testamento

⁴⁹ iga Dios yej nochi wel kichi̱wa, kichij ipan nej yej poxsan ye̱kti. ¡Mamoweyimati ito̱ka̱ꞌ!

San Lucas 1:49 Iomraidhean Croise

San Marcos 5:13

Jesús kijlij iga maya̱ka̱n ompiga; iwá̱n ino̱mej ma̱lespi̱ritojmej kijki̱stejkej ipan ta̱gaꞌ, iwá̱n kalakitoj ipan anka dos mil koyame̱mej, iwá̱n ino̱mej momajma̱petzko̱toj ipan barranko iwá̱n wetzitoj lagu̱najijtiꞌ. Iwá̱n ompa a̱mikikej.

San Lucas 1:48

Iga Dios ne̱tapejpen iga iyescla̱vaj, yej ayá̱ꞌ nimotapialiá. Iwá̱n este a̱man iwá̱n nochipa kijto̱skej iga Dios ne̱ye̱ꞌita,

San Lucas 1:50

Dios nochipa kicho̱kiliá yej kimajmawiliá.

Efesios 3:20

Mamoweyimati̱lti Dios yej pox wel nochi kichi̱wa, kichi̱wa ma̱jya sej que yej tiktajtaniliáj. Awel niga tikojasij yej Dios wel kichi̱wa ipan tejamej iga te̱pale̱wiá.

El Apocalipsis 15:4

NoTe̱ko, ¿a̱ꞌyéj ayá̱ꞌ mamitzmajmawili? ¿A̱ꞌyéj ayá̱ꞌ mamitzweyimati̱lti? Tejsan mose̱lti yej ayí̱ꞌ tikchi̱wa yej aye̱kti, iwá̱n inochi nacio̱mej wi̱kitij iwá̱n mitzweyimati̱lti̱skej, iga inochi kitakej yej tej tikchi̱wa poxsan ye̱kti.

El Apocalipsis 4:8

Ina̱wixtimej ino̱mej anima̱lmej kipiayaj seis iya̱stakapalmej, iwá̱n iyakapamej pepechijtoyaj i̱xtimej iwá̱n este itampa iya̱stakapalmej; iwá̱n semilwiꞌ iwá̱n senyówal ijkí̱n kijtojtoyaj: Kajasi iga mamopoxweyimati̱lti toTe̱ko Dios yej nochi wel kichi̱wa, yej ikyay onoya, ónoꞌsan iná̱n iwá̱n yáwiya wi̱kiti sej.