San Juan 8:56 - El Nuevo Testamento

⁵⁶ Abraham, yej amo‑ikyapatajmej, pa̱guiꞌ iga kitasnekiá iga niwi̱tziá; iwá̱n kitaꞌ, iwá̱n poxsan yo̱lpa̱guiꞌ.

San Juan 8:56 Iomraidhean Croise

San Mateo 13:17

Nimitzijliáj iga miaꞌ profe̱tajmej iwá̱n re̱yejmej kitasnekiá̱j iní̱n yej ankitztokej iwá̱n ayá̱ꞌ kitakej; kinekiáj makikakika̱n iní̱n yej amejwa̱n nemi ankikakij, iwá̱n ayá̱ꞌ kikakikej.

San Lucas 10:24

iga nimitzijliáj iga miaꞌ profe̱tajmej iwá̱n re̱yejmej kitasnekiá̱j iní̱n yej ankitztokej, iwá̱n ayá̱ꞌ kitakej; kinekiáj makikakika̱n iní̱n yej amejwa̱n nemi ankikakij, iwá̱n ayá̱ꞌ kikakikej.

San Juan 10:25

Jesús kijtoj: —Nimitzijlíjkeja iwá̱n ayá̱ꞌ anne̱cre̱dojkej. Yej ankitaj nikchi̱wa iga ijkó̱n nokta ne̱tekimaka noTaj, inó̱n kimelaꞌne̱xtiá a̱ꞌyéj in nej.

San Juan 8:37

Nikmati iga amejamej ipilówa̱mpa Abraham. Eꞌ anne̱mikti̱jnekij iga ayá̱ꞌ ankichi̱waj ken nikijtowa.

San Juan 8:39

Yejamej kijtojkej: —Notájmejwaꞌ Abraham. Iwá̱n Jesús kijtoj: —Siga katka amejamej ipilowa̱n Abraham, ankichi̱wayaj ken yéj kichij.

Hebreos 11:13

Nochi ini̱mej yej moconfia̱rojkej ipan Dios, mikikej, eꞌ aya kipiakej yej Dios kijtoj iga yawi kimakatij. Eꞌ iga moconfia̱rojkej ipan Dios, ken kua̱ꞌ kitakej yej Dios yawi kichi̱wati iwá̱n kicre̱dojkej iga Dios kichi̱was yej kijtoj, wa̱n pa̱kikej iga ken kua̱ꞌ kitachi̱lijkej yej Dios kichí̱wasoꞌ. Iwá̱n yejamej momachi̱lijkej ken wejkacha̱nejmej yej san panowaj ipan iní̱n ta̱jli.

Hebreos 11:39

Dios kiye̱ꞌitaꞌ nochi ino̱mej iga mopoxconfia̱rojkej ípan, eꞌ malej ijkó̱n, kua̱ꞌ mikikej, aya kipiakej yej Dios kijtoj iga kimakayaj.