San Juan 8:37 - El Nuevo Testamento

³⁷ Nikmati iga amejamej ipilówa̱mpa Abraham. Eꞌ anne̱mikti̱jnekij iga ayá̱ꞌ ankichi̱waj ken nikijtowa.

San Juan 8:37 Iomraidhean Croise

San Mateo 13:15

Iga ini̱mej poxsan moyo̱ltakua̱wilijkej, ayá̱ꞌ ye̱ꞌtakakij, kitzajtzaktokej iyi̱xmej; iga amo matachaka̱n iga iyi̱xmej, niga matakakika̱n iga inakasmej, niga makentende̱ro̱ka̱n iga iya̱lmajmej, niga mawi̱kika̱n note̱noj iga manikachitialti̱ka̱n.

San Mateo 3:9

Amo ximoweyimatika̱n iga ankijtowaj: “Nejame̱n no‑ikyapatajwe̱wejmej Abraham”; ¡Nimitzijliáj iga ini̱mej temej Dios wel kichi̱wa ipilowa̱n Abraham!

San Juan 10:31

Iwá̱n judiyojmej sej kikuikej teꞌti iga kipata̱naltiliáj Jesús.

San Juan 11:53

Inó̱n iga este íkua̱ꞌ, yej kimanda̱rowaj judiyojmej motajto̱ltijkej iga makimikti̱ka̱n Jesús.

San Juan 5:44

¿Kén wel anne̱cre̱do̱skej, siga améjwa̱nsan ankinekij iga tokni̱mej mamitzweyimati̱lti̱ka̱n, iwá̱n ayí̱ꞌ annemij ken kajasi iga Dios mamitzye̱ꞌitaka̱n?

San Juan 7:1

Kua̱ꞌ nochi iní̱n panoj, Jesús nemiá ipan íta̱l Galilea; ayá̱ꞌ kinekiá maono ipan íta̱l Judea, iga ompa judiyojmej kimikti̱jnekiáj Jesús.

San Juan 7:19

’¿Ix ayejtaj Moisés mitzmakakej la ley? Iwá̱n nisé̱ de amejwa̱n ayá̱ꞌ kichi̱wa ken ijkuilijtoꞌ. ¿Te iga anne̱mikti̱jnekij?

San Juan 7:25

Sekin yej cha̱ntitoyaj Jerusalén, pe̱wakej tatajtankej: —¿Ix ayéj iní̱n in yej kite̱mojtinemij iga makimikti̱ka̱n?

San Juan 8:33

Yejamej kijtojkej: —Nejamej ipilowa̱n ipilówa̱mpa Abraham iwá̱n ayí̱ꞌ nimochi̱waskej agaj iyescla̱voj; ¿te iga tej tikijtowa iga ne̱xitomaskej?

San Juan 8:43

¿Te iga ayá̱ꞌ ankentende̱rowaj yej nikijtowa? Iga ayá̱ꞌ nokta ankikakisnekij notájto̱l.

San Juan 8:56

Abraham, yej amo‑ikyapatajmej, pa̱guiꞌ iga kitasnekiá iga niwi̱tziá; iwá̱n kitaꞌ, iwá̱n poxsan yo̱lpa̱guiꞌ.

San Juan 8:59

Iwá̱n kikuikej teꞌti iga kitemiktia̱yaj Jesús; eꞌ Jesús mi̱ya̱n, iwá̱n ki̱saꞌ ipan weyitio̱pan; panoj tatza̱la̱n iwá̱n yajki.

San Juan 8:6

Inó̱n kijlijkej ka̱nsan makima̱wetzi̱lti̱ka̱n, iga ijkó̱n wel makite̱lwi̱ka̱n. Iwá̱n Jesús mokototzoj iwá̱n pe̱waꞌ tajkuiloj ipan ta̱jli iga imájpil.

Hechos 13:26

’Nokni̱wa̱n yej ipilówa̱mpa Abraham, iwá̱n amonochi̱n yej ankimajmawiliáj Dios: iga améjwa̱nya nokta mitzti̱tanilijkej iní̱n tájto̱l yej mitzma̱nawiáj.

Romanos 9:7

Niga nochi ipilowa̱n Abraham ayéj nochi imelaꞌpilowa̱n; sino que Dios ijkí̱n kijlij: “Petz mopiltzi̱n Isaac yawi kipi̱wi̱ti mopilowa̱n.”

1 Corintios 2:14

Yej ayá̱ꞌ kipiá iyEspí̱ritoj Dios, ayá̱ꞌ kineki yej wi̱ꞌ ipan iyEspí̱ritoj Dios, iga yéj kita ken xe̱toꞌnemilis. Iwá̱n no̱ awel kentende̱rowa, wel kentende̱rówasan yej kipiá iyEspí̱ritoj Dios.

1 Juan 2:14

Te̱tajwa̱n, mitzijkuilowilijkej amejwa̱n porque anki̱xmatij Cristo yej onóyaya kua̱ꞌ aya onoya nité̱. Nimitzijkuilowilijkej amejwa̱n chokomej iwá̱n takomej iga ankijyo̱wiliáj iga annemij ipan iyojwi toTe̱ko, iwá̱n ipan amoa̱lmajmej ankicre̱dojtokej itájto̱l Dios, iwá̱n ankita̱nilijkej Tzitzimiꞌ.