San Juan 8:36 - El Nuevo Testamento

³⁶ Inó̱n iga, siga nej yej iPiltzi̱n Dios nimitzxitomaj, amejame̱n anmelaꞌxitontoskej.

San Juan 8:36 Iomraidhean Croise

San Lucas 4:18

IyEspí̱ritoj toTe̱ko ne̱pale̱wiá, Dios ne̱tapejpen iga manikui̱guili ye̱ꞌnoti̱ciaj yej ayá̱ꞌ motapialiáj. Ne̱ti̱tan iga manikachitialti yej moyo̱lmiktijtokej, iwá̱n iga manikijto̱ki ken iga maxitomika̱n yej ken ilpitokej, iwá̱n iga maniktachalti yej pachamej. Ne̱ti̱tan iga manikma̱nawi̱ki yej kikno̱chi̱waj.

Romanos 8:2

Iga tise̱titokej wa̱n Cristo Jesús, iyEspí̱ritoj Dios te̱maka vida iga ayꞌya tikchi̱waj yej aye̱kti; te̱salva̱roj iwá̱n ayꞌya te̱tekimaka inó̱n ley yej kijtowa iga timikiskej iga tikchi̱waj yej aye̱kti.

1 Corintios 7:22

Yej katka esclavo kua̱ꞌ kicre̱doj itájto̱l toTe̱ko, iná̱n xitómiꞌya iwá̱n kichí̱waya ken kitekimaka toTe̱ko; iwá̱n ijko̱nsan no̱ siga se̱ ta̱gaꞌ ayéj katka esclavo kua̱ꞌ Dios kino̱tzaꞌ, iná̱n móchija kenkua̱ꞌ iyescla̱voj Cristo, iga kichi̱wa yej Cristo kineki.

2 Corintios 3:17

Porque toTé̱kowaꞌ in Espíritu, iwá̱n ka̱n momati iyEspí̱ritoj toTe̱ko, ayꞌya majmawilo.

Gálatas 5:1

Cristo te̱xiton iga ayoꞌ mate̱tekimakato la ley. Inó̱n iga xixitontoka̱n, iwá̱n ayoꞌ ximote̱makaka̱n iga sej mamitztekimakatoka̱n la ley.