San Juan 7:39 - El Nuevo Testamento

³⁹ Iga inó̱n kijtoj Jesús, kijtoj iga yej kicre̱do̱j itájto̱l, kipiás iyEspí̱ritoj Dios; íkua̱ꞌ aya wi̱tziá iyEspí̱ritoj Dios, iga Jesús aya kiweyimati̱ltia̱yaj ipan cielo iga aya ojpa‑isa.

San Juan 7:39 Iomraidhean Croise

San Mateo 16:14

Disci̱polojmej kijtojkej: —Sekin kijtowaj iga tej tiJuan yej tabautiza̱rowa̱ya; sekin sej kijtowaj iga tej ikyapaprofe̱taj Elías, iwá̱n sekin sej kijtowaj iga tej ikyapaprofe̱taj Jeremías o agaj profeta.

San Mateo 21:11

La gente kijtowa̱ya: —Ini̱nwaꞌ profeta Jesús, yej moskaltij Nazaret ipan ta̱jli de Galilea.

San Lucas 24:49

Iwá̱n nia nimitzti̱tanili̱tij yej noTaj kijtoj iga mitzmakaskej. Eꞌ amejwa̱n xika̱wika̱n nigaj, ipan a̱ltepe̱ꞌ Jerusalén este que xikpiaka̱n poder yej wi̱ꞌ ipan cielo.

San Lucas 3:16

Eꞌ Juan kijtoj: —Nej, nimitzbautiza̱rowaj iga a̱ꞌti, eꞌ seꞌ yej wi̱ꞌ, yawi mitzbautiza̱ro̱tij iga el Espíritu Santo iwá̱n tiꞌti. Yéj má̱j tayaka̱ntoꞌ que nej, este akajasi iga nej manikxitomili imekayo igaꞌ.

San Lucas 7:16

Iwá̱n nochi yej ompa onoyaj momajtijkej iwá̱n ijkí̱n kiweyimati̱ltia̱yaj Dios: —Te‑i̱xna̱mikiko se̱ profeta yej kipoxpiá poder. Iwá̱n kijtowa̱yaj no̱: —Dios wa̱laj kipale̱wi̱ko ige̱ntej.

San Juan 1:21

Iwá̱n sej kitajtankej: —¿A̱ꞌtaj yej in tej? ¿Ix tiprofe̱taj Elías? Juan kijtoj: —Ayéj. Iwá̱n kitajtankej: —¿Ixtaj tej in inó̱n profeta yej momatiá iga asiá? Kijtoj: —Ayéj.

San Juan 1:25

iwá̱n tatajtankej: —Sigataj ayéj tiCri̱stoj, niga ti‑Elías, niga tiprofe̱taj ¿Te ígataj titabautiza̱rowa?

San Juan 1:33

Nej aya nikmatiá a̱ꞌyéj; eꞌ yej ne̱ti̱tan iga manitabautiza̱ro̱ki iga a̱ꞌti, ne‑ijlij: “Yej tikitas ipan yéj temowa iyEspí̱ritoj Dios iwá̱n moketza iyakapan, inó̱nyawaꞌ in yej tabautiza̱rowa iga iyEspí̱ritoj Dios.”

San Juan 12:16

Kua̱ꞌ inó̱n kichij Jesús idisci̱polojmej ayá̱ꞌ kentende̱rowa̱yaj, eꞌ má̱j má̱j kua̱ꞌ Jesús yájkiya ipan cielo, kejla̱nkej iga nochi inó̱n ijkuilijtoya de yéj, inó̱n iga ijkó̱n mochij.

San Juan 12:23

Iwá̱n Jesús kijtoj: —Ásiꞌya hora iga iPiltzi̱n Ta̱gaꞌ yawij kiweyimati̱lti̱tij.

San Juan 14:13

Iwá̱n nochi yej ankitajtanili̱skej toTaj iga anmoconfia̱rowaj nopan, nej nimitzmakaskej, iga ipode̱r toTaj mamone̱xti ipan nej yej iPiltzi̱n.

San Juan 14:26

eꞌ iyEspí̱ritoj Dios yej mitzyo̱lchika̱waj, yej toTaj mitzti̱tanili̱skej iga makikui notekipáno̱l, yawi mitzne̱xtili̱tij nochi, iwá̱n mitzejla̱nti̱skej inewi yej nimitzijlijkej.

San Juan 16:14

Yéj yawi ne̱weyimati̱lti̱ti, iga kikuis yej nej notájto̱l, iwá̱n mitzne̱xtili̱skej amejwa̱n.

San Juan 16:7

Eꞌ ayá̱ꞌ nimitzkajkaya̱waj: ye̱kti iga maniá, iga siga ayá̱ꞌ nia, el Espíritu Santo yej mitzyo̱lchika̱waj ayá̱ꞌ wi̱ꞌ iga maonoki amowa̱n; eꞌ siga nia, nia nimitzti̱tanili̱tij.

San Juan 17:1

Kua̱ꞌ tamiꞌ iní̱n kijtoj, Jesús tacháꞌ cie̱lojkóbapa iwá̱n kijtoj: —NoTaj, ásiꞌya hora. Xikweyimati̱lti moPiltzi̱n, iga nej yej moPiltzi̱n no̱ manimitzweyimati̱lti.

San Juan 17:5

NoTaj, iná̱n xine̱maka inó̱n poder yej nikpiaya kua̱ꞌ nonoya mowa̱n kua̱ꞌ aya teyá ta̱jli.

San Juan 20:22

Iwá̱n Jesús kipi̱tzaꞌ yejame̱n, iwá̱n kijtoj: —Manimitzmakáka̱nya iyEspí̱ritoj Dios.

San Juan 6:14

Kua̱ꞌ la gente kitaꞌ iga Jesús kichij milagro, kijtojkej: —Kena, iní̱n profeta yej momatiá iga yawi wi̱kiti ipan iní̱n ta̱jli.

San Juan 7:12

Iwá̱n poxsan miaꞌ ta̱tapowayaj de Jesús. Sekin kijtowa̱yaj: “Iní̱n ta̱gaꞌ pox kichi̱wa yej ye̱kti”, eꞌ sekin kijtowa̱yaj: “Iní̱n ayá̱ꞌ kichi̱wa yej ye̱kti; takajkaya̱wa.”

San Juan 8:54

Jesús kijtoj: —Siga nejsan nimoweyimati̱ltiá, ijkó̱n ayá̱ꞌ movale̱rowa. Eꞌ noTaj yej ne̱weyimati̱ltiá, ino̱nsan yej ankijtowaj iga amoDio̱s.

Hechos 19:2

Iwá̱n Pablo tatajtan: —¿Ix Dios mitzmakakej iyEspí̱rito Santo kua̱ꞌ ankicre̱dojkej ipan Jesús? Yejamej kijtojkej: —Nejame̱n ayí̱ꞌ nikakiáj siga onoꞌ el Espíritu Santo.

Hechos 2:17

Kijtoj Dios; kua̱ꞌ ayoꞌ wejka iga nitajuzga̱ro̱ki, nia nikmakati noEspí̱ritoj nochi gente, amookichpilowa̱n iwá̱n amosiwa̱pilowa̱n nia niktajto̱lmakatij, iwá̱n chokomej kitaskej yej nej Dios nikne̱xtili̱skej, iwá̱n yej we̱wetkej te̱mikiskej.

Hechos 2:33

Jesús yajki ipan cielo iga Dios kiwi̱gaꞌ iwá̱n mota̱lij ila̱doj iye̱ꞌma̱ꞌ, iwá̱n toTaj Dios kimáꞌ iyEspí̱rito Santo kensan kijtoj. Iní̱n yej iná̱n amejwa̱n nemi ankitaj iwá̱n ankikakij wi̱ꞌ de yéj.

Hechos 2:38

Iwá̱n Pedro kijtoj: —Xikajte̱wáka̱nya iga ankichi̱waj yej aye̱kti wa̱n xikna̱ꞌtecho̱ka̱n Dios iwá̱n ximobautiza̱ro̱ka̱n sejsé̱ de amejwa̱n ipan ito̱ka̱ꞌ Jesucristo, iga mamitzperdona̱rowili̱ka̱n yej ankichijkej yej aye̱kti; iwá̱n Dios mitzmakaskej iyEspí̱rito Santo.

Hechos 2:4

Iwá̱n el Espíritu Santo asiꞌ ipan yejame̱n, iwá̱n pe̱ꞌ tajtojkej ipan se̱seꞌpa tájto̱l kensan el Espíritu Santo kitajto̱ltia̱yaj.

Hechos 3:13

Ayéj ijkó̱n, ma̱jwaꞌ ino̱nsan iDio̱s to‑ikyapatajwa̱n Abraham, Isaac iwá̱n Jacob kichij iní̱n iga kipoxye̱ꞌita Jesús yej iPiltzi̱n. Inó̱n Jesús yej amejame̱n ankijiyakej iwá̱n ankika̱watoj ipan ima̱ꞌ Pilato yej gobernador. Kua̱ꞌ Pilato kinekiá makimajka̱wa, amejame̱n ayá̱ꞌ ankinekikej.

Hechos 4:31

Kua̱ꞌ tamiꞌ ora̱dojkej, ompa ka̱n nechkatoyaj takuekuechkaꞌ; iwá̱n inochimej kipiayaj nokta el Espíritu Santo, iwá̱n ayꞌya majmawikej iga kipowaj itájto̱l Dios.

Romanos 8:9

Eꞌ amejwa̱n ayꞌya ankichijtokej ken mitzyo̱ltila̱naj yej aye̱kti, sino ken kineki iyEspí̱ritoj Dios, iyEspí̱ritoj Dios onoꞌ ipan amejwa̱n. Yej ayá̱ꞌ kipiá iyEspí̱ritoj Cristo, inó̱n ayéj de Cristo.

2 Corintios 3:8

¡ma̱jya sej kipiá poder in ye̱ꞌnoti̱ciaj yej te̱wajliguiliá iyEspí̱ritoj Dios!

Efesios 4:30

Amo xikchi̱waka̱n iga mamokno̱mati Dios iyEspí̱ritoj. Mitzmakakej iyEspí̱ritoj iga mané̱siya iga amejwa̱n itátkiya yéj este kua̱ꞌ wi̱ꞌ Cristo iga mitzsalva̱ro̱kij.