San Juan 7:37 - El Nuevo Testamento

³⁷ Kua̱ꞌ ásiꞌya día iga tami ilwiꞌ, inó̱n día nokta yej má̱j weyi‑ilwiꞌ; inó̱n día, Jesús moketzaꞌ iwá̱n tajtoj recio: —Siga agaj a̱taneki, mawi̱ki ka̱n nonoꞌ iwá̱n maa̱ti.

San Juan 7:37 Iomraidhean Croise

San Mateo 11:28

Xiwi̱kika̱n note̱noj, amonochi̱n amejwa̱n yej ansiatokej iga antekipanowaj iwá̱n an‑eti̱ꞌmiktokej, iwá̱n nej nikchi̱was iga ximose̱wi̱ka̱n.

San Mateo 3:3

De ini̱nya Juan yej el profeta Isaías tajtoj, kua̱ꞌ kijtoj: Mokaki a̱ꞌpa tzajtzi ipan desierto, kijtowa: “Xikajte̱wáka̱nya iga ankichi̱waj yej aye̱kti, ijkó̱n ankitapowaj ojti iga toTe̱ko.”

San Mateo 5:6

’Pa̱kij yej kipoxyo̱lmakatokej iga kichi̱wasnekij yej ye̱kti, ino̱mej sí, Dios kipale̱wi̱j.

San Juan 1:23

Juan kijtoj: —Nej inó̱n yej ijkí̱n kijtowa ipan desierto: “Xiktapowili̱ka̱n toTe̱ko se̱ weyi‑ojti yej melaktiꞌ” —ijkó̱n ken kijtoj el profeta Isaías.

San Juan 14:6

Jesús kijtoj: —Nejwaꞌ in inó̱n ojti, nej yej anitakajkaya̱wa, wa̱n nitamaka vida. Ayagaj wel asi ka̱n onoꞌ toTaj Dios siga ayá̱ꞌ moconfia̱rowa ipan nej.

San Juan 4:10

Jesús kijtoj: —Siga tikmatiá katka yej Dios tamaka iwá̱n a̱ꞌyéj nej yej nemi nimitztajtaniliá a̱ꞌti, tej tine̱tajtanilia̱ya, iwá̱n nimitzmakaya a̱ꞌti yej isatoꞌ.

San Juan 4:11

Siwa̱ꞌ kijtoj: —Esi atikpiá ga te̱ tiki̱xtiá a̱ꞌti, iwá̱n pozo poxsan wejkatan. ¿Ka̱n tia tikasiti a̱ꞌti yej isatoꞌ iga xine̱maka?

San Juan 4:14

eꞌ yej makoni a̱ꞌti yej nej nia nikmakati, ayí̱ꞌoꞌ a̱tanekis. Iga inó̱n a̱ꞌti yej nikmakas, ki̱stos ipan yéj ken se̱ a̱tzontekon yej kichi̱wa iga wel maono nochipa wa̱n Dios.

San Juan 5:40

eꞌ amejwa̱n ayá̱ꞌ ankinekij xine̱techo̱ka̱n iga xonoka̱n nochipa wa̱n Dios.

San Juan 6:35

Iwá̱n Jesús kijtoj: —Nejwaꞌ in inó̱n pa̱n yej tamaka vida. Yej ne̱toka ayí̱ꞌ yawi maya̱nati; iwá̱n yej ne̱cre̱dowa, ayí̱ꞌ yawi a̱tanekiti.

San Juan 6:37

Nochi yej toTaj ne̱maka, ne̱tokaj; iwá̱n yej ne̱tokaj, aniksenkokajte̱waskej.

San Juan 6:55

Iga nonakayo melaꞌtákual nokta, iwá̱n noesyo melá̱ꞌ nokta yej mooniá.

San Juan 7:28

Kua̱ꞌ Jesús kikaguiꞌ iní̱n, tamachtijtoya tio̱pan‑ijtiꞌ, iwá̱n tajtoj recio: —¡Wa̱ntaj ankijtowaj iga anne‑i̱xmatij wa̱n ankimatij ka̱n niwa̱laj! Eꞌ ayá̱ꞌ niyokawa̱laj, sino que ne̱ti̱tan se̱ yej ayí̱ꞌ takajkaya̱wa, yej amejwa̱n ayá̱ꞌ anki̱xmatij.

1 Corintios 10:21

Siga antakuaj iwá̱n ama̱tij ka̱n kilwichi̱wiliáj ma̱lespi̱ritojmej, akajasi iga no̱ xitakua̱ka̱n iwá̱n xa̱tika̱n ka̱n kejla̱mikij iga miꞌ toTe̱ko Jesucristo iga tejame̱n.

1 Corintios 10:4

iwá̱n inochi̱n konia̱yaj a̱ꞌti yej Dios kimakayaj. Iga inochi̱n konia̱yaj a̱ꞌti yej ki̱saya ipan inó̱n weyiteꞌti yej ya̱ya iwa̱mej. Iwá̱n ino̱nwaꞌ weyiteꞌti, Cristo.

1 Corintios 11:25

Kua̱ꞌ tamiꞌ takuajkej, kikuiꞌ vaso yej kipiá vino, iwá̱n kijtoj: “Iní̱n vaso kijto̱jneki iga nikchi̱wa iga noesyo nuevo pacto wa̱n Dios. Nochipa kua̱ꞌ ankoni̱skej, nochipa xineejla̱ntoka̱n.”

1 Corintios 12:13

Nochi tejamej, judiyojmej o yej ayéj, escla̱vojmej o yej ayéj, kua̱ꞌ timobautiza̱rojkej timochijkej ken se̱san cuerpo ipan se̱san Espíritu, iwá̱n tonochi̱n Dios te̱máꞌ ino̱nsan Espíritu.

Efesios 5:18

Amo xita̱wa̱naka̱n, iga yej ta̱wa̱na mopojpolowa, ma̱jwaꞌ ximomakaka̱n iga iyEspí̱ritoj Dios mamitznenti̱ka̱n.

El Apocalipsis 21:6

Iwá̱n ne‑ijlij: —Chíjtoꞌya. Nej ka̱n pe̱wa iwá̱n ka̱n tami, ken le̱trajmej del alfabeto pe̱wa ipan A iwá̱n tami ipan Z. Yej a̱tanekis nej nikmakas a̱ꞌti yej ki̱sa ipan a̱tzontekon yej tamaka vida, ayá̱ꞌ yawi kikowátipa.

El Apocalipsis 22:1

Iwá̱n el ángel ne̱ne̱xtilij se̱ we̱ya̱ꞌ yej tamaka vida, este chipaktiꞌ ken tikita cristal. Inó̱n we̱ya̱ꞌ ki̱saya ipan iweyi asiento ka̱n mota̱liá Dios iwá̱n el Cordero.

El Apocalipsis 22:17

El Espíritu iwá̱n isiwa̱ꞌ el Cordero kijtowaj: —Xiwi̱ki. Iwá̱n yej kikaki, makijto: —Xiwi̱ki. Iwá̱n yej a̱taneki mawi̱ki iwá̱n makoni a̱ꞌti yej tamaka vida, yej ayá̱ꞌ monamaki̱ltiá.