San Juan 7:26 - El Nuevo Testamento

²⁶ Taꞌ xikitaka̱n, ne̱ ta̱tajtojtoꞌ ka̱n onolo̱ꞌ, iwá̱n ayagaj kijliá nité̱, in yej manda̱rowaj, ¿ix a̱n kimelaꞌkre̱dójkeja iga iní̱n ta̱gaꞌ in Cristo?

San Juan 7:26 Iomraidhean Croise

San Mateo 22:16

Iwá̱n kiti̱tankej sekin yej de yejáme̱mpa iwá̱n sekin yej kitokaj rey Herodes iga ijkí̱n makijli̱tij Jesús: —Tamachtia̱ni, nejame̱n nikmatij iga yej tikijtowa ijko̱nya nokta, iwá̱n titane̱xtiliá iga makichi̱waka̱n ken Dios kineki, iwá̱n ayá̱ꞌ tikchi̱wiliá caso yej kijtowa la gente iga tej ayá̱ꞌ titajtowa iga san mamitzye̱ꞌitaka̱n.

San Lucas 23:13

Pilato kinechkoj ije̱fejmej sacerdo̱tejmej iwá̱n la gente iwá̱n yej manda̱rowaj.

San Lucas 7:30

Eꞌ fariseojmej iwá̱n yej tamachtiáj ipan la ley, ayá̱ꞌ mobautiza̱rojkej iná̱ꞌ Juan, iwá̱n ayá̱ꞌ kinekikej yej Dios kinekiá makichi̱wa iga yejame̱n.

San Juan 12:42

Eꞌ malej ijkó̱n, miaꞌ judiyojmej kicre̱dojkej Jesús, este yej má̱j tayaka̱ntokej, eꞌ ayá̱ꞌ momelaꞌne̱xtia̱yaj iga kimajmawilia̱yaj fariseojmej iga amo makiki̱xti̱ka̱n tio̱pan.

San Juan 18:20

Jesús kijtoj: —Nej nitajtoj iyi̱xtaj nochi gente; nochipa nitamachtij tio̱pamej iwá̱n ipan weyitio̱pan yej onoꞌ Jerusalén ka̱n monechkowaj nochi judiyojmej, iwá̱n até̱ nikichtaka‑ijtoj.

San Juan 3:1

Onoya se̱ ta̱gaꞌ ito̱ka̱ꞌ Nicodemo, yéj fariseo katka, se̱ de ije̱fejmej judiyojmej.

San Juan 4:29

—Xikitatij se̱ ta̱gaꞌ yej ne̱nojma‑ijlij inochi yej nikchij. ¿Ix ayéj a̱n ini̱nya in Mesías?

San Juan 7:25

Sekin yej cha̱ntitoyaj Jerusalén, pe̱wakej tatajtankej: —¿Ix ayéj iní̱n in yej kite̱mojtinemij iga makimikti̱ka̱n?

San Juan 7:31

Miaꞌ yej kicre̱dojkej ipan yéj, iwá̱n kijtojkej: —Kua̱ꞌ mawi̱ki Cristo, ¿ix ma̱jya yawi kichi̱wati milagro que iní̱n ta̱gaꞌ kichi̱wa?

San Juan 7:48

¿Ix ágaja de toje̱fejmej o de tejámejpa fariseojmej kicré̱doja ipan yéj?

San Juan 9:22

Itaj iwá̱n iye̱ꞌ ijkí̱n kijtojkej iga kimajmawilia̱yaj judiyojmej, iga judiyojmej motajto̱ltíjkaja iga kiki̱xtia̱yaj ipan tio̱pan yej kijtowa̱ya iga Jesús el Mesías.

Hechos 4:13

Kua̱ꞌ yej manda̱rowaj kitakej iga Pedro iwá̱n Juan pox tajto̱lmatij, madmira̱dojkej iga kimatiáj iga Pedro wa̱n Juan, na̱mo̱lmej yej ayá̱ꞌ pox momachtijkej; wa̱n kicre̱dojkej iga nemiáj wa̱n Jesús.

Filipenses 1:14

Iwá̱n iga momati iga nipre̱sojtitoꞌ, miaꞌ tokni̱wa̱n kipowaj itájto̱l Dios iga kiyo̱lmakaj, ayá̱ꞌ majmawij, iwá̱n má̱j moconfia̱rowaj ipan toTe̱ko.