San Juan 7:1 - El Nuevo Testamento

¹ Kua̱ꞌ nochi iní̱n panoj, Jesús nemiá ipan íta̱l Galilea; ayá̱ꞌ kinekiá maono ipan íta̱l Judea, iga ompa judiyojmej kimikti̱jnekiáj Jesús.

San Juan 7:1 Iomraidhean Croise

San Mateo 10:23

Kua̱ꞌ mitztalo̱chti̱skej ipan se̱ a̱ltepe̱ꞌ, xa̱ka̱n ipan seꞌ a̱ltepe̱ꞌ; nimitznojma‑ijliáj iga nej yej iPiltzi̱n Ta̱gaꞌ nia niwi̱kiti kua̱ꞌ aya ampanowaj no̱ya̱n ipan a̱ltepe̱mej ka̱n icha̱mej israeli̱tajmej.

San Mateo 21:38

Eꞌ kua̱ꞌ kitakej te̱piltzi̱n, tekipanowa̱nimej mojlijkej: “Iní̱nyawaꞌ in yej yawi mochi̱wati ite̱ko iní̱n ta̱jli yej ítajpa kikajte̱was, matikmiktí̱ka̱nya nokta iga maka̱wi íta̱l iga tejamej.”

San Marcos 11:18

Iwá̱n ije̱fejmej sacerdo̱tejmej iwá̱n yej tamachtiáj ipan la ley, kimatikej te̱ kichij Jesús, iwá̱n kite̱mowa̱yaj ken iga makimikti̱ka̱n iga kimajmawilia̱yaj, puej nochi kiye̱ꞌitayaj ken iga tamachtiá.

San Juan 1:19

Judiyojmej yej icha̱mej Jerusalén kiti̱tankej sacerdo̱tejmej iwá̱n levi̱tajmej iga maya̱ka̱n ka̱n onoꞌ Juan iwá̱n kitajtankej: —¿A̱ꞌyéj in tej?

San Juan 4:3

Kua̱ꞌ Jesús kimatiꞌ yej mojtowa̱ya, ki̱saꞌ Judea wa̱n yajki sej Galilea.

San Juan 4:54

Iga ini̱nya o̱me ve̱j Jesús kichij milagro kua̱ꞌ yajki Galilea iga ki̱saꞌ Judea.

San Juan 6:1

Kua̱ꞌ Jesús tamiꞌ tajtoj, yajki iyi̱ka̱mpa lago de Galilea, yej no̱ ito̱ka̱ꞌ lago de Tiberias.

San Juan 7:11

Judiyojmej kite̱mowa̱yaj Jesús ilwitaj, iwá̱n kijtowa̱yaj: —¿Ix ka̱n a̱n onoꞌ in inó̱n ta̱gaꞌ?

San Juan 7:13

Eꞌ la gente ichtákasan tajtowa̱yaj de Jesús iga kimajmawilia̱yaj judiyojmej yej manda̱rowa̱yaj.

San Juan 7:19

’¿Ix ayejtaj Moisés mitzmakakej la ley? Iwá̱n nisé̱ de amejwa̱n ayá̱ꞌ kichi̱wa ken ijkuilijtoꞌ. ¿Te iga anne̱mikti̱jnekij?

San Juan 7:25

Sekin yej cha̱ntitoyaj Jerusalén, pe̱wakej tatajtankej: —¿Ix ayéj iní̱n in yej kite̱mojtinemij iga makimikti̱ka̱n?

San Juan 7:35

Judiyojmej pe̱wakej iga mose̱sepantajtanij: —In iní̱n, ¿ka̱n a̱n ya̱ti iga ayꞌya wel tikasiskej? ¿Ix a̱n ya̱ti kimachti̱ti judiyojmej yej cha̱ntitokej ipan íta̱l grie̱gojmej, ino̱mej yej pa̱payi̱ntinemij iwá̱n kimachti̱j no̱ grie̱gojmej?

San Juan 8:37

Nikmati iga amejamej ipilówa̱mpa Abraham. Eꞌ anne̱mikti̱jnekij iga ayá̱ꞌ ankichi̱waj ken nikijtowa.

San Juan 8:40

Eꞌ iná̱n amejwa̱n anne̱mikti̱jnekij iga san nimitzijlijkej yej melá̱ꞌ, yej Dios ne̱ne̱xtilij. ¡Abraham ayí̱ꞌ ijkó̱n kichij!

Hechos 10:38

Ankimatij no̱ ken iga Dios kimáꞌ Jesús de Nazaret iyEspí̱rito Santo iga wel makichijtinemi yej ye̱kti iwá̱n makachitialtijtinemi nochi yej tzitzimiꞌ kikno̱chijtoya. Jesús kichi̱waya inó̱n iga Dios onoya íwa̱n.