San Juan 6:51 - El Nuevo Testamento

⁵¹ Nejwaꞌ in inó̱n pa̱n yej isatoꞌ; yej temoj ipan cielo. Yej kikua iní̱n pa̱n, yawi onoti nochipa wa̱n Dios. Iní̱n pa̱n yej nia nikmakati, ini̱nwaꞌ nonakayo. Nia nikmakati iga makipiá vida nochi gente.

San Juan 6:51 Iomraidhean Croise

San Mateo 20:28

Ijkó̱n nej yej iPiltzi̱n Ta̱gaꞌ ayá̱ꞌ niwa̱laj iga mane̱pale̱wi̱ka̱n, sino que iga manitapale̱wi, iwá̱n iga manimiki iga miaꞌ manikxitoma yej ken ilpitokej iga aye̱kti kichijtokej.

San Lucas 22:19

Iwá̱n kikuiꞌ pa̱n iwá̱n kimáꞌ gracias Dios, kita̱tajkoloj iwá̱n kimajmakakej sejsé̱ de yejamej, kijlijkej: —Ini̱nwaꞌ nocue̱rpoj yej nikmaka iga nimikis iga amejwa̱n. Xiktekikua̱ka̱n iní̱n iga amo xine‑e̱lka̱waka̱n.

San Juan 1:14

Iwá̱n inó̱n Tájto̱l mochij ta̱gaꞌ, iwá̱n cha̱ntitoya iwá̱n nejame̱n, poxsan te‑ijikni̱n iwá̱n ayí̱ꞌ takajkaya̱wa. Iwá̱n nikitakej iweyipode̱r, ino̱nwaꞌ iweyipode̱r ise̱lpiltzi̱n toTaj.

San Juan 1:29

Ipanya seꞌ día, Juan kitaꞌ Jesús iga kina̱ꞌtechojtiwi̱ꞌ, iwá̱n kijtoj: —Taꞌ xikitaka̱n, ini̱nwaꞌ in yej Dios iCorde̱roj yej wel kiperdona̱rowa yej aye̱kti yej kichij la gente.

San Juan 11:26

iwá̱n nochi yej isatokej iwá̱n kicre̱dowaj ipan nej, ayá̱ꞌ mikiskej nike̱man. ¿Ix ticre̱dowa yej nikijtowa?

San Juan 3:13

’Aya agaj tejkawi ipan cielo, sino que yej temoj ipan cielo; ken tikijtowaj nej yej iPiltzi̱n Ta̱gaꞌ.

San Juan 3:14

Ijkó̱n ken Moisés kua̱ꞌ ipan desierto kajkoꞌ pan kuawiꞌ se̱ kowa̱ꞌ yej chijtoꞌ iga tepos, ijkó̱n nej yej iPiltzi̱n Ta̱gaꞌ yawij neajkokuitij,

San Juan 3:16

Dios poxsan kineꞌ inochimej yej onokej ipan iní̱n ta̱jli, este kimáꞌ ise̱lpiltzi̱n, iga inochi yej makicre̱do ipan yéj amo mapoliwi, ma̱jwaꞌ nochipa maono wa̱n Dios.

San Juan 3:36

Yej kicre̱dowa ipan te̱Piltzi̱n, nochipa yawi onoti wa̱n Dios; eꞌ yej ayá̱ꞌ kineki kicre̱dowa ipan te̱Piltzi̱n, ayá̱ꞌ yawi onoti wa̱n Dios, sino que Dios yawi kicastiga̱ro̱ti poxsan.

San Juan 5:24

’Nimitznojma‑ijliáj: Yej kikaki yej nikijtowa iwá̱n kicre̱dowa ipan yej ne̱ti̱tan, nochipa yawi onoti wa̱n Dios; ayoꞌ mojto̱j iga makicastiga̱ro̱ka̱n iga kichij yej aye̱kti, mikíkaya wa̱n ojpa‑ísaꞌya sej.

San Juan 6:33

Iga inó̱n pa̱n yej Dios tamaka, inó̱n yej temoj ipan cielo, iwá̱n kimaka vida nochi gente.

San Juan 6:35

Iwá̱n Jesús kijtoj: —Nejwaꞌ in inó̱n pa̱n yej tamaka vida. Yej ne̱toka ayí̱ꞌ yawi maya̱nati; iwá̱n yej ne̱cre̱dowa, ayí̱ꞌ yawi a̱tanekiti.

San Juan 6:41

Inó̱n iga judiyojmej pe̱wakej kipo̱powakej Jesús, iga sankiꞌ kijtoj: “Nej nipa̱n yej temoj ipan cielo.”

San Juan 6:47

Nej nimitzijliáj, yej ne̱cre̱dowa, nochipa yawi onoti wa̱n Dios.

San Juan 6:48

Nejwaꞌ in pa̱n yej nitamaka vida.

San Juan 6:50

eꞌ nej nitajtowa de inó̱n pa̱n yej temowa ipan cielo; yej kikua inó̱n pa̱n, ayá̱ꞌ mikis.

San Juan 7:38

Xicre̱do̱ka̱n notájto̱l iwá̱n ipan amoa̱lmajmej ki̱stos ken we̱ya̱mej yej kichi̱waj iga xonoka̱n nochipa wa̱n Dios. Ijkó̱n kijtowa ka̱n ijkuilijtoꞌ itájto̱l Dios.

2 Corintios 5:19

Ini̱nwaꞌ in yej Dios ne‑ijlijkej iga manikpowaka̱n; Dios nemi kichi̱wa ipan Cristo iga maye̱ꞌonolo iyi̱xtaj, iwá̱n kiperdona̱rowili̱skej inochi yej aye̱kti kichijkej.

2 Corintios 5:21

Cristo ayí̱ꞌ kichij nité̱ yej aye̱kti; eꞌ iga san totechko, Dios kita̱lij ípan inochi yej tejamej tikchijkej yej aye̱kti. Ijkó̱n iga tise̱titokej wa̱n Cristo wel tonoj iyi̱xtaj Dios ken kua̱ꞌ ayá̱ꞌ tikchijkej yej aye̱kti.

Efesios 5:2

Ximosepannekika̱n, kensan Cristo te̱neki, iwá̱n mote̱máꞌ iga miꞌ ga tejame̱n. Kua̱ꞌ miꞌ Cristo, Dios kiye̱ꞌitaꞌ ken kua̱ꞌ se̱ yo̱lka̱ꞌ kimiktiliáj iwá̱n ajwiya̱ꞌ kua̱ꞌ tata.

Efesios 5:25

Ta̱gaꞌ, xikneki mosiwa̱ꞌ, ijkó̱n ken Cristo kineꞌ yej kitokaj Dios iwá̱n miꞌ iga nochi tejamej.

Tito 2:14

Yéj mote̱máꞌ iga miꞌ iga tejamej iga te̱salva̱roj iga tikchijtoyaj inochi yej aye̱kti, iwá̱n te̱perdona̱rowilij yej tikchijkej yej aye̱kti, iga matimochi̱waka̱n itatki, iwá̱n nochipa matikchijtoka̱n yej ye̱kti.

Hebreos 10:20

Tikalakij pan nue̱vojojti, iga Jesucristo te̱tapowilij cortina yej te̱tzakuilijtoya iga amo matikna̱ꞌtecho̱ka̱n Dios. Inó̱n ojti Jesucristo kitapoj iga miguiꞌ iga tejamej iga wel matisatoka̱n.

1 Pedro 2:4

Inó̱n iga xikna̱ꞌtecho̱ka̱n toTe̱ko Jesucristo, yéjwaꞌ ken tikita se̱ teꞌti yej isatoꞌ, yej la gente kitajkalkej, eꞌ inó̱n teꞌti Dios kitapejpen iwá̱n poxsan vale̱rowa.

1 Juan 2:2

Jesucristo mote̱máꞌ iga miꞌ iga tejamej iga mate̱perdona̱rowili yej tikchijkej yej aye̱kti, ayejsan iga tejamej, no̱ iga inochi gente yej onoꞌ ipan iní̱n ta̱jli.

1 Juan 4:10

Ipan iní̱n ne̱si iga te̱neki: ayéj iga tejamej tikpoxnekikej Dios, sino que yéj te̱neguiꞌ iwá̱n kiti̱tan iPiltzi̱n iga yéj mamiki iga tejamej iga wel mate̱perdona̱rowili yej tejamej tikchijkej yej aye̱kti.

1 Juan 4:14

Iwá̱n nejamej nikitakej iwá̱n niknojma‑ijtowaj iga toTaj kiti̱tan iPiltzi̱n iga makisalva̱ro nochi gente.